WWW.TUNGZANGNEWS.COM

 
Dialect & Ethnicity 
(Tualsuak awkaih & Minam)

Tualsuak awkaih "dialect" leh minam "ethnicity" kibanglo hi. Minam khat sungah tenna mual le guam zui-in tualsuak awkaih kikhel tawm thei hi.

Norway gam ka omna uh Oppland Division, Lillehammer khua kiim km 50 huam ah dialect 10 val bang mah a om (ko Norway pau a sin tawm ten telhak sa) hangin amau teng Norway mi vive mah kici uh hi. A awsuah a kibatloh hangin a pau uh kitel hi, tua manin minam khat kici hi.

ZOMI minam khat bek sungah Zo, Sihzang, Teizang, Saizang, Dim, Khuano, Vangteh,...etc cih tualsuak awkaih tampi aom hangin ih pau ih kitel pihtek ihih manin ZOMI vive i hihi. A tunga tualsuak awkaihte pen minam khat kiciaptehna ciang dong tungto thei ngeilo ding hi. Milian leh minamlian suahna dingin a mimal mahmah ih tam phot masak kul a, mi tawmcik minam lian suak theilo hi. ZOMI ah ih kigawm theih leh bek minam lian suakin kumpi tokhom na ngawn ih luah zo ding a, ei tum tekin ih tuam-tat leh sahangin hong petlum in thaampi in hong nawmvalh
gai ding hi.

Zomi a kici nuamlo hi leeng, bangmi kicih sawm?
Zomi it kei leeng, kua mi it sawm?
Zomi dihpih kei leeng, bangmi dinpih sawm?
Zomi minam min tawh kipawl kei leeng bang minam min tawh kipawl sawm?

Chin pen ih veng ih sanggamte tawh Chin State level ah ih kibelpawlna ding hi a, nutsiat ding zong hilo in, ih Zomi taanga bul let masak ding zong lah hi hetlo hi. Minam kibangin, ngeina kibanga, Khuado nei Zomi teng lak pan ZOMI kici nuamlo a, Chin peuh adang khat peuh ih kicih leh namdang ten a gammang in hong ciamteh lel ding uh hi. Zomi ih kicihna in ih Zo, Sihzang, Teizang, Saizang, Dim, Khuano..etc, te a bei ding hi tuanlo a, tuateng a kigawmkhopna ahih lam phawk ni.

ZOMI KA HI HI, ZOMI KA HIH KA KIPAK HI
I am Zomi, I am proud of being Zomi.

JK Kam
Itna Leiba

 


Comments




Leave a Reply