WWW.TUNGZANGNEWS.COM

 
Dear Zomi Thu-uppih Akuamapeuh,

Zomi Khangno sungah gualzawh matutna hong ngah sanggamte' hangin lungdampihna tawh hih lai leh photo pawlkhat kong khahkhia hi.

Government Technological University (GTU) Choma, Kalay in zani, Feb.9, 2014 (Sunday) AM.8:00-11:30 sungteng Degree piakna nei uh hi.

Hih sangpen a masa-in GTI, tuakhit teh GTCki ci a, kumpi U Thein Sein hong kipat a kipan GTU ah ci-in amin kikhel toto a, khantohna tampi hong om a uak hi.

Tutung degree piakte pen B.Tech, B.Com leh B.E cihte hi a, Master pen hih tak ah kipia nawn lo hi. A zomto suak zote, mark tam ngah, a qualify te in Mandalay leh Yanon cihte ah sinsak ta uh hi.

Zani a Degee ngah vekpi mimal 234 lak ah Zomi 40 kimbang kipha hi, ci-in Zomi Siamsin makai ahi, Tg.Bia Za Mung (a) Bia Mung (or) Mungsen in gen hi. Keima theihkhak pak pen amah leh Agape A.G te'' tagah sang (AMC Home) panin Tg.Thang Muan Lian (a) Muan Lian (khualui, Gamlai) in hong ngah manun amaute geel leh a ngah sanggamteng tungah lungdampihin ka angtangpih mahmah hi.

Keipen Tg.Bia Mung, Mungsen in Video record dinga hong sap ahih manin a kihelkha thei ka suak hi. Maan ka lakkhak man pawlkhat kong khahkhia hi, na naetsak zel dih un.

Nungkum in, Mung khat mah ahi, Tg.Go Lam Mung in B.E te unau in B.E hong ngah uh a, tua ah zong hong sap uh hi a, kumsimin a Mung cih hong kizom ahih manin maikum teh akua Mung hiam khat in hong cial leuleu tam maw, ka na ci simsim hi. I ta i nau mi tampi in sang hong zawh toh ding uh ka lunggulhpih mahmah hi.

TG.BIA ZA MUNG TANGTHU TOM KA THEIHPIHNA:

Tg.Bia Mung pen Sia Tuan Khaw Cin (Tan giat sia pensian) leh Nu Nian Lam Lun te' tate' lakah anau tum pen ahi hi. Sia Cin pen laihilh siam a kigen ngei khat hi a, a diakdiak in Match leh English pen siam pha diak a, ka tan giat lai pan ka ciapteh khat a na hi gige hi. Amau nupa pen Tuitawh khuapan a piang hi a, amah pen Pyidawtha lampan a suak hi-in tulaitak Tuitumveeng, Kalaymyo ah teeng uh hi. Unau sungah a nautum bel ahi hi . Emmunuel pawlpi ah om pawlpi ah om uh a, Pu Tunglutbeh ahi uh hi.

Gam leh lei a veipawl ah kihel kha ngei uh ahih manin a laisin ding zahin sin thei khin lo a, B.Tech pen kum sagihna tawh a zo zo pan hi ing, ci-in a inn thungetlakna uh ah zanni-in gen hi. Nautum ahih hangin picing a, Zomi siamsin sungah makai muan-le-suan khat ahih manin lungdampihna leh pahtawina in a maan leh a thu keima theihpih
pak teng a kihawmkhia i hi hi.

Sang pan ciah ciangin inn ah vaitutna in Bawng 1 leh Voktal 2 na go uh a, Emmanuel Sia/siamah tengin pulpit luah uh a, amau pata, nuta teng in thugenna tomkim nei ciat uh hi. Mai kum ah B.E a qualify leh Master zom nuam a, tuapan a qualify tohtoh lai a leh Ph.D dong ka zomnuam, cih zong mipi mai ah gen hi. A mabante thungetna tawh panpih ciat ni.

Hih sangpen ka lunglut mahmah den khat hi a, tu lamlam ciangin a kah zo ding mi hamsa tektek ta in gen uh ahih manin lai hat pian kulzek tuak ahi hi. A kah zozo in hanciam huai hi, ci-in ka mu hi. Tutungin sang zo akuamapeuh hong oungdampih leh hong pahtawi nuam ka hi hi. Ken kuamah hong telkim man lo ban ah Tg.Bia Mung pen Siamsin makai khat
ahih man ahi hi.

Tg.Bia Mung, Tg.Muan Lian leh GTU pan sang zo, ka mipih akuamapeuh
lungdampihna tawh,

Peter Khampu
C.Media, Kalay

-- 

Peter Khampu
CMedia, Kalay

"...Na hoih sep ding cimtak kei ni, a hun a tun' ciangin a gah i at
ding hi" (Gal.6:9).
 


Comments




Leave a Reply