WWW.TUNGZANGNEWS.COM

 

Namneu minam tung ah galdo zia dawldawl te theih huai.  
         Nam lian khat in nam neu avalh tum ding ciang in Amasa pen in Thatang zang in gal bawl in va sim va do ahihi. Azawh zenzen leh khat zong hawi lo in vat beitol hun pen nidang lai hun ahihi.

         Anih na ah thatang zat khit teh athumang te zolbawlna om leuleu a, acih mawh mite hehpihna huhna piakna, tawh sumtha zang in namneu mi nam te ngaihsutna khuak leh lungsim te ah nampi te thupina leh vangneihna te nasiatak in guanguang koihkoih ahihi.

        Athum na ciang in namneu minam te kampau abei theihtheih nading minam kitawk zau sak in' Zamin leh thu neihna tawh' thu nei te kampau apau theilo nam neu te bawl siatna sim mawh na om thei tawntung leitung ah i teeng hi.

         Alina ah Namneu minam te akhansuah thei kampau leh ngeina , nam laite tung ah thu khawng heeknasak na tawh, tha tang leh sumtha kihel lo simtham gal simna om leuleu thei ahihi.

          Anga na ah Namneu sung pan mipil miciim hong khang khia masasa te namdang nampi te deihna sung ah' luttumsak in annek tui dawn ainnkuan khom ding tawh min leh za nasep kiguan na te om ahihi.

          Aguk na ah' Akhangto minam te mah bang in namneu sung pan hong khang khia minam te lak ah, mipil miciiim te in apian na minam ading na asep nop hun ciang in masuan lamkhak theihna nam tuamtuam te tawh nam neu mipil masa te buai nading in thu bawl khia leuleu thei uhhi.

Nam neu mipil laklawh te nguih theih khamtheih gute thu.
Tua te in.
(1) Ngei kibanglo te hang in heltuahna;
(2) Kampau kibang lo' Awsuah kibang phalo, te hang in hel tuahna;
(3) Amunzui Sak leh Khang' Sim leh Mal cih peuh tawh hel tuahna;
(4) Khantoh nasep nate ah akibang sep ding kimlai mun khat ah ham phatna pia in kituh bawl sakna; ( Nau pang muamkhum kituhsak bang in bawlna)
(5) Athu theitata pawlbawl in kaihzol na leh Atheilo zawsangsang hibangbang in koih cip khinkhian na.
(6) Gam leh Nam vei asak mitengteng agam ah tengsak se lo in akham khopkhop anek ding min lehza nasep namtuamtuam tawh namdang te lak ah hencip khua sakna.
(7) Nam neu te khat leh khat aki tot theihtheih nading in min tuamtuam pia in thu khel khel tawh khantoh nasep deihsakpi kineih khem a vaihawm sakna.
(8) Amau tang in nam neu sung ah' athuzawh deuhdeuh pawlbawl in aminamte lungsim kinen suah theihtheih nading in molh tum zat mi pawl khat nasep sawlna pawlbawl na te, Taw sawn na; Tha piakna;
(9) Leitang min leh minam min akhen hak theithei ding in bawl nate.
(10) Khua min ki vawh minte  minam min in koihsak aa, lungbuai khop ding in kitel khialh nading thu ging te ahihi.
 
Ahong nensuahna pan in kilomkhop nasep theih kisam.             
           Hih thu te ah namdang te in hong nen suah zawh loh nading in kilom khopna kisam ahihi. Tua kilom khopna ah amasa pen in kam phen kullo kampau kithei kitelteng kilom khopna in athupi penpen leh amasa penpen ahihi. I pai khialh leh anungsang ah' tua hun lai in tua te in tua ci  cih thu tawh eisung ah hel holhna hong lut kik ding ahihi. Lungsim leh khuak lungmawk sak in amcip milmel a, aom ding gukibuak minam te i hihloh nading in pilvang huai mahmah ahihi. 

Eite pau pen, Zomi Kampau hi in' Pasian deih kammal ahihi.
              Eipau pen Pasian hongpiak kampau nam khat hi pah ahih man in  Eipau in Zomi te kampau suak hi a, Tua tawh kampau hong pia Pasian min i phat ciang in Pasian aw Zomi' Zogam acidam sak in ci in Pasian ih ko hi. Pasian aw Ko Chin te , Zo Chin te, Siyin Chin te hong lam to in cihbang thu ngetna leh Lasakna peuhmah omlo ahihi. Paunak ah zong omlo ahihi. Hih thu in Chin ah kihel nuam te gensiatna leh langdo nopna hilo in. Eite minam Zomi nam sung pan isisan suak tektek kampau cik mahmah gam leh nam tawh kipawl in Pasian tawh kizopna kammal zat zia agen nuam ka hihi.
       
Natu Nata khang ah alau huai thu.
         Tua man in namdang te gu buakna gui in minam sung ah thu tokpoi mi i om khak zenzen leh Natu nata khang hun ah alau huai mahmah Pasian gawtna gu ahong kibuak khak ding lau huai mahmah ahihi. Tulaitak in hithei hi cih tawh Zomi nam sung ah namdang te zat molhtum bang in Zomi khenkhap nopna lungsim leh nasep na in Pasian bawl sa minam khat asuh lal nuam in kipan ahih man in Pasian mai ah minam khenkhampa suak lel ahih man in amawhna te khangsawnsawn puak zawh loh ding in gik mahmah kha ding ahihi. Kamawh na mai zo hi ci in Zominam tungah utut in thuhel holhna, buaisaknopna te in sutpom hun ahihi. 

Pasian in Nang leh Kei hong deih laitak.        
               Nakhut mete khat hat in nasemsak le ci'n asem thei ding hiam? Namdang te in ziat leh vei, Khutme kilom khom in nasem ding kim lai khutpi khutme, Melai mekawk, me no in hong hen na thu tel huai mahmah ahihi. Chin State bup na nam min vai in nasep ding sang in Kampau kitel teng Zomi Laimi, Khumi, Mara, te in amun tek ah kim mahmah leh Namdang te sehnen nading sung pan in oltak in khuasa baih zaw ding ihihi. Tua in Gu kibuak khinsa aningnang ahing lah minam sung pan zalen ahihi. 
             Tuaman in gu kibuak minam te i hihloh nading  leh Namdang te molhtum mizat ihih loh nading in i minam ahi Zomi nam tung ah Thumaan na leh dittat na Pasian in Nang leh Kei hong deih laitak ahihi.
 


Comments




Leave a Reply