WWW.TUNGZANGNEWS.COM

 
A beisa ni 5/6 lai pawlin India lam panin, mi 6 Tamu ah Identity Card tawh, honglut uh a, ID Card te pen Kawlgam Immigration Department kong-khak (Gate) ah ap uhhi. A ciah lam uh ciangin, mi 4 bek ciahkik cihthu kiza a, tua aciahkik nawnlo 2 te i ID Card te om om lai-in, a zingni or a thai ni ciang, Kanmagyi khua gei India gamgi ah tua mi 2 te asi sa-in kimu hi.
Tua hangin, India kumpi in Moreh ah Kawlgam mite ni 3 sungbang lutsak lo-uh banah, amau zong Kawlgam ah hong lutlo uh a, Moreh khua ah lungpho lahna (Demonstration), 2014 Febuary 21 ni-in nei uhhi. Tua akithat te aluang akimuhna pen, India gamsung lam or Kawlgam lam hizaw cih akician phalo mun lianah kikoih sese hi.
Moreh ah lungphona hangin Tamu pana Moreh ah Sangkah, Sangnaupangte leuleu pen lutsak thei veve uh a, Tamu ah R.C Sister khat zong Moreh St. George High School a Teacher asem khat zong pen lutsak thei veve samuh ci hi.Mi pawlkhat genna ah tua aki thatte pen India kumpite' thukan (C.I.D) te ahi kha uh diam, aci tawh, Meitei te tawh sumbawl khawmte hi-in, Meitei Singnuai-mi Kawlgam lama om te'n lungkim lohna tuamtuam tawh athah uh ahi zaw diam, cih danin upmawh thu teng akigen kawikawi kaza hi. Athatte lian kithei zolo ci hi.
Tua akithat India mi 2 tepen van tuamtuam zuakin pai kawikawi in vak kawikawi uh kici hi.
Source: Father Go Lian
 


Comments




Leave a Reply