WWW.TUNGZANGNEWS.COM

 

Kawlgambup Bible Society ah General Secretary asem Zomi it, Rev. Khoi Lam Thang genna ah "Ngalkhat ototna ah Ngalhonte in zui diamdiam uhhi. Atangtat tengpen alauhuai dinmun atung hamtang hizaw hi," ci-in gen khia hi.
 
UNO te-in, seploh phamawh in, Kawlgam Population theinuam uh bek thamloh Kawlgam ki-ukna akikhel laitak ahihna tawh kituak in, mi phazah leh minam phazah theih nadingin, 2014 Census ci-in, mi kisimna leh minam ki simna pen asawt lo-in, hongtung ding ahihi.
 
Hih vaitawh kisai-in, abeisa sawtlo lai-in, Yangon khuapi sunga Zomi biakinn lianpen ahi, Tedim Baptist Church ah anuai-a, mipilte mapangkhawm in kikup khopna nei uh a, Census ciangin minam min pen Zomi cih ding thukim uhhi.
 
1. Rev. Dr. S. Pau Khan En
2. Rev. Dr. Do Suan Mung
3. Pu Cin Sian Thang
4. Prof. Dr. C. Thang Za Tuan
 
Kipawlna mintawh mapang teng:
 
1. ZCD
2. GZA
3. LZI
4. WZC
5. ZAM, ZAA, ZAUSA, ZAT
6. ZRO
7. Zomi Council of India
8. ZYA
9. TA (Yangon)
10. Zomi RC
11. Zomi Laipian
12. Zomi AG
13. ZBCM
14. Zomi SDA
15. Zomi UPC
16. ZIS (Special)
 
I mimuan taktak tengleh kipawlna thupi taktak teng, hibanga mapangkhawm ahih nungsang amau nung zuih ziau dingin khensat ing. Nang na khensatzo hiam?
 
Na kitangpek sawm lai hiam?
Kipum khatna huangah na tensawm hiam?
Kitangpek in Sangak tuah lengleng Akno nabangnuam hiam?
Hih lai asimthei liamliam tengin, Census ciangin, minam minpen Zomi mah kicih ding khialkha keini.
 
Dal Sian Hung

Kuala Lumpur, Malaysia.
Mob: 011-1521-5972
Email: dalsianhung@gmail.com
Facebook: Dal Sian Hung
 


Comments




Leave a Reply