WWW.TUNGZANGNEWS.COM

 
Picture
Zomi mipihte,


Kawlgambup Lai Siangtho Kipawlna (The Bible Society of Myanmar) le
ZCLS vaihawmna tawh Lai Siangtho bu a neuzaw, a tuamna mel (colour) tuamtuam
le Late, Paunak le Thuciam Thak kithuah a bu neu liklekte Topa' tungah apna hun
23 Feb. 2014 (Nipi Ni) in Kalaymyo Baptist Church ah 2:00-4:00PM
sungin kinei thei hi.

I Lai Siangtho bu thakte apna ko biakinn (KBC) ah hong kineih pen
pawlpi bup in lungdamna le angtanna lianpi ka nei uh a, hampha ka kisa
mahmah uh hi.

Rev. Khoi Lam Thang' gen kammal pawlkhat:

1. Late 119:105na pen "Mimal i tecipanna bek hi loin, i Minambup
(Zomi) i tecipanna zong ahih ding i lunggulh le i thungetna hi."

2. Lai Siangtho sim ding leiba pen leiba lakah a loh hakpen leiba hi, kici hi.

3. Ka neu lai-in ka pa in Thuciam Thak (NT) bu khat nei a, a nit a
keek ding lau (it lua) ahih manin naupangte bat loh dingin tau sang
tungah koih hi. Ka pa lokuan a pai ciangin tua Lai Siangtho ka sim sim
hi. ( a pa' theih lo kalin simsak)




*Lai Siangtho pen a nit a keek ding lau a, sim loh ding hi lo a, a sim
nuam khempeuh i ngah zawh ding le sim theih dingin Kawlgambup Lai
Siangtho kipawlna in tupnapi-in kinei hi.

4. Khangthakte adingin Lai Siangtho bu pen hanken (kuasah) ding hi
loin, moken ding ahi hi.

Lang Suan Thawn
Kalaymyo Baptist Church
-- 
Lang Suan Thawn (Ka Thawn)
ZACC & Youth Secretary
ZBCM


 


Comments




Leave a Reply