WWW.TUNGZANGNEWS.COM

 
Chin damdamin bei thei ding! (Chins facing extinction!)

Tulaitak Chin makaite lungkham simtham uhhi. Ahangin Chin State huam sungah minam 53 om in tuatengin Code number neiciat uhhi. Minam 53 suangah Chin minam khat in kiciamteh hi, Gtn. Chin (401), Khumi (405), Sizang (415), Zotung (419), Zophei (420), Zo (421), Matu (436), Mara (437) Lai (444), Hualngo (447), Asho (452), Rongtu (453) etc..

Minam 52 tengin amau mintek, amau code tek ah gelh leh Chin (401) ah agelh ding tawm mahmah ding hi. Tulaitak Sagaing Division sungah Chin Affairs minister Pu No Than Kap hi. Chin (401) ah agelh hong omkeileh or hong tawm mahmah in minampi khat-a ciapteh nang vote (hurdle required) ngah keileh Chin Affairs minister cih om nawnlo ding hi. Tuamanin tulaitak Pyidawtha khua khawngah Zomite hong zol thapaai ahihi. Tua mahbangin Chin minpua CNP (Pu Zo Zam party), CNF te 2013 November 12-15 sung Khalkha ah Chin National Conference hong bawlin Chin cihgelhding ahanthawn ahihi.

Khamtungah minam 53 aomlak ah minam (1) Chin hi in adang (52) teng Chin hilo hi. National ahizong International in ahizong aciamteh zenzenhang’ ami ding omnawn keileh minam bei hongsuak leldinghi. Parih Lai, Parih Pau omin, Parih mi omlo hi. Chin State omin Chinmi omlo hi. Mi hongpiak min, mi khutsungah damdamin bei ding hi. Tua ahihmanin tangtawnga i minam Zomi ah kigawm ni.

Paul Thangpi

 


Comments




Leave a Reply