WWW.TUNGZANGNEWS.COM

 
Thulu tuam-in hong pulaak pak-ing.

Pu Zokhup-a kipan mipih pawlkhat-in "CNF ziak-a UNHCR te-in Chin State sung-a mite ahuh hi-in, CNF te-in 'ka' mite' acih vive hilel" cihpen taangpi' maai-ah 'khial-hi' ci-in kahong suut-hi.

India-ahbel theikeng, Malaysia-ah UNHCR hong dinna-pen Ganhing Siahuan Sui Khar-in Malaysiate piteek khat teenpih-a, tua nu-pen Humanitarian Organisation khat-ah aseem ahihman-a UN te-in Chin State sung-a mite huh ci-a a-umpeuh om zaanzaan-hi. Kei' theihna atoii ahihleh thudam-in kikum kiik ni-in;

Dr Vumson, Dr Sui Khar, Pu Kham Go pau te-in "Chin Forum" phut uh-a, Malaysia-ah UN din nading ahihkeileh adingsa-a a-om UNHCR-in Laimite leh Zomite honglaak/huh nading-in Dr Vumson leh Dr Sui Khar te-nih mah-in aphuut-uh ahihi.

Hamphatna nam-khat ahihlam atheih ciang-in Sui Khar-in CNF te' Foreign Minister ahihna zangh-in Laimi leh Zomi hongkhen bekthamlo-in Laimi leh Laizo nangawn akhentuam ahihi. Zomite hong khendaan-pen siahuai phadiak-a, Zo leh Sihzaang-bel Pu Kham Go Pau leh Dr Vumson' maaitang-tawh kampheen khawng-in hongna koihsak saam-hi, ahihang-in Laimite'n thuzawh mahmah uhhi.

2001 kum, Dec 27 ni-in Elizabeth (Case Manager; Sweden te)-tawh interview ka' bawl ciang-in, "Zomi kahi-a, Chin State Saklam-a ataangteente kahi" kacihteh "namphung (origin)" vaai-ah ama' theihna-ah thaksuak ahihman-in 2002 Feb 18 ni hunciam (appointment) hongpia kiik-hi. Tua hun ciang-in ka' gensa mahbang-in ka' gen-a, "CNF na support-hiam?" hong ci-hi. "Support lo-in, condemn -ing. Thaumuuk ngat-in ka' mite lauthawn, sumsut, buan, that ahihman-in keileh ka' suanlehkhaakte-in hihbang kalsuanna support ngei loding hi-ung" kaci-hi. "Chin State-a mite Chin mah hilo-hiam? Ko Zomi cihdaan UN data sung-ah neilo hi-ung" hongci-a, "No na' neihloh-uh hang-in Chin State sung-a om mite Chin kici lo-in nammin neiciat-hi. Laimite-in politics kimawl-in namphung dangte anelhsiah nading-in amaule-amau 'Chin' kici-a Chin State-a mibuppi' opportunities khempeuh abuplaak nopman-a 'Chin' akici tawm-uh ahihi" ka' ci-hi.

Hunciam athak June kha' ading hongpia leuleu-a, May kha-in Malaysia thuneite-in hongman ahihman-in 2002 October khadong Thai-Malay gamgi-ah ka-thaam kha-hi. 2002 October 10 (Nilii) ni-in UN phone-tawh ka' hopih-a, Protection Officer (PO) Shinji Kobu-tawh kimuhding ngen-in ka' ngah-hi. October 17 ni-in PO-tawh kiho-in namphung vaai-mah kaki holim uhhi. PO' kiang-ah, "CNF-pen Zomite' ading-in Kawl Gaalkaap sang-in siahuai zaw-hi, CNF ka' support lohman-a hongki-nolh ahiding-hiam?" ci-in ka' tangdot-a, "CNF na'cih theikeng, kei' theihbel Chin State sung-a mite Christian ahihna leh milipphiang namneu ahihna ziak-in gawtna, tuambawlna, deidanna thuak ahihman-in UNHCR-in protection piakding-a aki vaaihawm hibek-hi" hongci-hi. (Malmat khatna).

Hihteng-tawh ka' RSD-pen ki-pass ngeilo-a, 2003 March kha ciang-in hong kiman leuleu-hi. Magistrate hong kitun-in ka' plaintiff -pen Malay Immigration ahihman-in kha-8, saat-2 hongki tanh-hi. Tua gawt-hunseh acin ciang-in Semenyih Camp hong kipuak-a, tualaai pan-in UNHCR sung-a racial discrimination doding ka' khentat-hi. Tua laai-ah kha 37 sung UNHCR-tawh human rights leh social justice bulphuh-in kidona ka-kipanhi. Kha 37 sung-ah 11-vei UNHCR uliante-tawh (11 pan-in 4 vei-pen Hunger Strike ka' makaih man-a PO Cecil Rajedranne {Franch}-tawh kihona)  ka-nei thei-a, US Ambassador -tawh 1-vei, US Embassy: Political Liaison Officer Doughton- tawh 1-vei, Geneva Assembly pan-a palaai-tawh 1-vei (zatuisiampite leh journalist te-tawh tamveipi kimu) ka kimu-hi. US uliante nih-in hong hopihna uhpen CNF/A vaai ahihi (kampheen-a hongpai Aaron Kung akici Matu -in aciamteh khalaai-tam) tua sungmah-in, "CNF ka' inn-ah honggiak" acite bek nangawn Homeland Security-in nolh giahgiah-hi. CNF leh UNHCR' milaakzia  collaboration a-omlohlam kician mahmah-hi (Malmat nihna).

2006 March 24 ni-in UNCHR palaaite-in camp pan-in hong lakhia uh-a, tua-a kipan Zomite' thuakna kei' vangik bang-in pua-in, naakpi-in Zomi' ading phuutna ka-nei uhhi. Zomite ahon-a hong kilaakna tepawl UNHCR-a uliante-tawh ka-kiciamna uhleh kikanna tampite' ziak-a hongpiang hi-a, CNF peuhmah-tawh kisai kilkel lo-hi. Thomas Thangno, Sui Khar cihte peuhmah ziak-in Zomite UN-in hong tamlaak-tuam peuhmah deklo ahihna kician mahmah-hi (upmawhthu genlo-in thutak tawm hong pulaakpak kahihi, 'kiphat' hong kici pahpah ahihman-in I' phuutnate hongki pulaak ngamlo ahihlam phawkni, mi tampi-in amuh, atheih, athuak ahihi).

Malaysia-a ZAM' mapanna peuhmah hongki phungvuhna-pen CNF/CNA peuhmah-tawh kisai kilkello, CNF supporter te-ngialbang US-in nolh-a, atungsa honkhat nangawn 2008 kum-in 'puakkiik ding' Homeland Security-in agen-ngei ahihi. Zomite' lungsim nawngkaai nading, lungneu nading apiang sakthei thu ginalo, bullehbaal neilo thute I' mawk suutsuut lohding kisam sa kahihman-a hong taangko kahihi. Thomas Thangno te' kiang-ah sialpi sialtal-tawh Zomite akuankuan zong-in UNHCR-ah amau' thuneihna nengcikzong omlo-hi. Tua cihthadah, Jalan Imbi-a Laimite' kikhopna-ah CNF/A palaaite-in "Zomi akici hia Tedimte ahithei zah-in khaaktan ding" ci-in biakinn-pen gaalphual bang-a azangh tangial-uh ahihi. Pu Zokhup' genna-tawh kinaakpelh mahmah khading-hi, banghanghiam cihleh 2006-2007 sung-a Zomi hong dona a-nasiat saan laaitak ahihman ahihi. Ka' gennop abulpi-pen;

CNF peuhmah-in Zomite' gamdang pai theihna (UNHCR) lampi hong honsak/tawsawn cihthadah hong khaaktan nading lampi tuamtuam azangh ahihi. I' gamlei mahmah ahzong bangmah phattuamna bawlngei kiuhkeuh lo-hi. Luang leh baan hong tuaksak uh-a, Zomite mah-in "Zomi Pupa Ngeina" ci tiilteello I-hih man-in tuni ciangdong thahteng, matteng kituak bek-a, thuumna, kilemna mahmah-zong hongbawl uhhiam? Tua pipi-mah CNF te-peuh thupi gengen laaiding-maw? Ngaihsun pha mahmah dihni! Tu-inzong tungsiah pan-a huhna lawhsum-a kipan noptuamna om sunsunte amau' khut-tawh hongpia bang-in aki-up theih nading haanciam-in Tedim khawng-ah hongtu keenkaan uh-a, Zomi uital, uipa, gam-ui, ngia, sangaak te-in muinamna delh lutlut uhhi. Bilnei khempeuh-in za tahen!

Zomi Pasian' Thupha!

Zokhai

 
***********************************************                                  
T. Zokhai          ITNA-IN GUABANG HINNA-HI        
60 Narr-Maen Drive                                                            
Croydon Hills VIC 3136         
Melbourne, AU                   
Tel: +61 39723 0460                                      
Mob: +61 420 800 560                          
***********************************************
 


Comments

09/10/2015 03:28

Pu, ZoKhai aw ,,,na thugen te dik mahmah ka Sa a lunglut mahmah ing ..hih bang ka Lungsim Dan nong puak Nam in lungdam in ..,tun Kei bel bang mah hih zawh na nei nai lo hing ...a hih hang ka lungsim pen Nang mah dan in Zomi Leh zogam a ding in a pia khia nuam pa Leh a gum tiltel pa ka na hihi ...,Hong Han ciam Toto ning ing ..,hoih tak Hong pan tah toto ing maw ....laitawh Leh kan tawh in hong zem toto in.....,lungdam ..

Reply
alex donkhup
09/10/2015 03:30

Alex donkhup hi zaw ei maw .,(don khan Khup ) hing ei ka min pi

Reply
09/10/2015 05:12

Pu ,ZoKhai aw ....kei ka khua pen K-Dimzang hi. Ka min pen DonKhanKhup hing . Tun India gam Bangalore ah om ing .ka facebook min pen ..Alex don khup hi pah hi..ka gmail pen dokhupvictoria@gmail.com hi ...Kei bel bang mah hi nai Kei mah ing ,bang mah song nei lo hing ung ..,LST sang ka na kah na zong leiba kawm a a na kah hi ing ..,a huh hang Kei lunggulh Leh ka deih Thu pen ii Zomi khang toh ding Leh Gam khang toh ding Leh thu mu nai lo a hi ii Zomi gam khua pawl khat ah Gupkhiat na Leh thu theih sunsun hilh in Zogam khua ta mahmah te ah tua bg in ka huh theih zah a a Zomi Leh Zogam a ding in ka lungsim Topa Tung ah ka pia zo hi ....hih teng Kong gen na ah ..ka sang kah na ah huh na Kong nget nop man cih Dan hi peuh mah lo hi ..huh na ngen Dan hi peuh mah lo hing ..Zomi Leh Zogam a ding in Thu theih nop tampi Om Lai in ..,no Dan te mah tawh Ki zop in hi leng Thu Hong kup pih leng uh cin Ki khang to panpan ding ka cih na hi zaw hi ....,




Leave a Reply