WWW.TUNGZANGNEWS.COM

 
EIMI TE SUNG AH KA DOTNO PAWL KHAT
Hong tung ding misimna hangin thutampi kikupna NET sung panin ka na sim zel a, ei pau kibang kisangthei te kal ah zong kinialna kisel na tamkhop khat kasim kha hi.


ZOMI cihding utlo in Phung leh Tang tawh hong kilawhna or Pau leh ham tawh hong kilawhna te thupi sakin Zomi hi kei hang cihdong thu pawlkhat tam mahmah in, Zomi kici le hang ih phung leh tang te… Zo, Teizang, Sihzang, Saizang, Tedim, Dim leh Losau etc te bei ding bang in kigenin Zomi sangin ih phung le tangte min deih zawh ih om uh hi.

ZOmi pen Tyaizyintaa khatin hong kiciamteh ding pen zong hakmai thei, Kawlkumpi in CHIN nuai ah ZOmi ci in hong koih kha theih mah ding hi. Hailo uh hi.


Hih ih khuaveng te en le hang, Halkha Chin, Falam Chin, mandate chin, cih bangin kigen uh a, tua HALKHA sungah ZOtung, Zophei, Mara, Matu etc cihbang in om in tuateng pen Halkha Chin kici uh hi.


Tua mah bangin Falam Chin kicite sung ah Hualngo, Zangiat, Simte, leh adang2 theihban loh tampi kigawm pen Falam Chin kici uh hi.


Ahih leh ZOMI sungah Zo, sihzang, Saizang, Teizang, Tedim, Dim, Lousau, etc cihte kigawm kei leng Zo Chin, Sihzang Chin, Teizang Chin, Saizang Chin, kici ding hi leng hang, kikhenthang lua mahmah ding hang a, Halkha Chin, Falam Chin kicite cikmah hunin kipha lo or (public voice)mipi aw tawh kiban zo ngei lo ding hi.


Democracy ih cihpen Mipi voice or Mipi thungeihna tawh Ukna za ahi a, thuneihna pen kipia ahih manin ZOMI CHIN kici-in ih kigawm kei leh Cikmah hun in Zo Chin, Sihzang Chin, Saizang Chin, etc … IH khuaveng te tawh Ukna kitutna ah kingah zo ngei lo ding hi.


Zomi kici in UNITY nei le hang District khat sung ah UKna za ngah in, tuateng ah ih kikhen na zo, teizang, saizang, sihzang, cihbangin vote tawh ikidem kul lai ding a, atam ngahpenin District ah na hong sem ding hi.


State Level in UKNA za ngahdingin kidem ding cileng ih sanggamte amau Halkha leh Falam , Mendat ci in kipum khat ding uh a, UKna za pen kingah zo ngei lo ding hi. Tuciang mipil misiam tampi te in mukhol thei lo ih hi tam cih kei bang ngaihsun leh hongdong hi ing.


ZOMI ah kipumkhat khit teh, tua nuai ah Party or Nam neu in ZO, Teizang, Sihzang, Saizang, cihbang inkiom lua mahmah ding ahih lam phok thei le hang ZOMI cihpen na nial kei lua ding hi.


ZOMI ah ih kipum khat kei leh ei Phungmin leh tangmin teng tawh Kuamah ih dem zo kei ding a, Minuai ah taitai ding hi hang cih phawk ni.


Pawlpi khat sung ah Pastor or Father om a, UPa Makai, Women deparment om, Youth Department , Sunday school Department, Mission Department, Building Department om, tuate pen Pawlkhat hi in, Ngimna tupna akibat Unity aom bang in, ZOMI sung ah pum khat ih hih khit teh hong om lua mahmah ding in ken ngaih sun ing. Hihdan ciang thei siam buang tek ding in ken lam en ing.


Tua nang nuntak hum kum 60 ding ngaihsun kei in la, tuzawh kum 100-1000 dong tuta khang ate kipawl theih na ding ngaihsun le cin tua in nalung sim hong hei ding in mu ing.


Deihsakna tawh hiciang ciphot ni
Laiat Siam Khaute
USA

 


Comments




Leave a Reply