WWW.TUNGZANGNEWS.COM

 
1.Gualzawhna ihcihzong, A lehlampan hong kiphunsan siam mahmah leh Matut nading naai semsem a, i hoih lohna iki tangsapna teng hong gengen leh Eite kipuah siam semsem nading ahih man in honglangpang siam mahmah ahai ahilo mipil miciim i kisam hi.


2. Zomi te tungah' Hehna, Muhdahna, Etsatna akici kammal leh Lai tuamtuam khempeuh Ei Zomi te in ih it mahmah, Lungduai mahmah na leh Thu khualna neih siam na in Gualzawh matutna ahihi.

3. Nupa khat' Innkuan khat, Khua khat, Minam khat hihna alak siamthei kilungtuakna, minam a it thukhual te ahih leh Nupa kitawng, Innkuan kitawng Aminam langpan cihte' Mi namdang te , avengte leh abehte theih in omngei lo te khangto in kizahtak zaw ahihi. Banghang hiam cih leh kipum khat a, aituam ngamtat loh na man in Midang te in zahtak in thupi muh uh hi.

4. Na dinmun ah haamsia lua kisa in' nakha kunkun pen nakitehna , Nadin mun omzia akhial na hih man ahihi. Ahih theih leh Nangsang in atomzaw leh atoi zaw Anamneu zaw khat tawh na kiteh kik teh nadin mun asang mahmah Mitampi te etteh ding in anungta siam nahihna Pasian in deih ahihi.

5. Zomi ading in thu hoih agen te Atu ata khang sawnsawn in kizom a, Thuhoih ahi Khansauna , Pilna, Huahna thuhoih thupha in zuizui ding hi a, Zomi maikhak te ahih leh akhanggui kizom in thusia lasia atu ata khang gui in zomzom mimai khakkhak lel tengtawh hunbeibei lel ding ahihi.

4. Kampau kithei Ngeina kibang Niikteen puansilh kibang Eite in Pasian ih phat ciang in ( Ko Khuano, Ko Siyin, Ko Dim, Ko Zo, Ko Teizang, Ko Ngron, Ko Lusei, Ko Guite, Ko Chin, ) cih tezang sese lo in Pasian aw Zomi te thupha hongpia in cih ikammal pan agingkha ngeungeu Vanglian pa Pasian phatna La dong in isak theihna in Pasian deihsak mahmah Zomi ahih lam kilang semsem ahihi.

7. Alawhcing adeih bangbang anei akicih Mi, Innkuan, Khua, Minam te in aki ngah dongdong alungkhia ngeilo nasem te ahihi.



8. Lungsim apicing leh Aciim taktak te in Mipil te thungen te ngai den uh a, Langpan, Phunsan, Kosia in zumkong mangkong ah mithu suah ngei lo te Lungsim apicintaktak minam leh gam maikai mipilciim taktak mimuan huai Pasian mizat mite nahizaw ahihi. Pasian minthang ta hen!

Hau Thang



 


Comments




Leave a Reply