WWW.TUNGZANGNEWS.COM

 
1. Kum 2014 cences ah mintap nei pau ki bang Zosuan tate khempeuh leh kipawlna khempeuh(GZA,Tedim Association, ZOMUS, ZOLUS, ZCD, ZYA ,Tuunnu tongluan)ki thutuak diam a Zomi gelh ciat ni icih theih diam pen pumkhat gim hong nam mahmah a,hih ki it ki pumkhat theihna pen Pasian kiang pan lo ngal koi pan hong pai ding ahi hiam.Bang hang hiam cih leh ei Zomi te pen aki thutuak thei ngiat lo te hi napi hang, tu tung Zomi ah kipumkhat thei diam cih pen lamdang salo na hiam?


2. I muan i suan Nu le Pa ,i siate i ute khempeuh in hoih ci diam na pi'n kuama theih loh mi vanglak pawl khat in Zomi a zat nop loh ciang upate, mi masate demnuam tawh ki bang lel a,daupai huai lo lua hi.


3. Mi' hong cihna Chin sangin ihihna taktak Zomi ah ki pumkhat thei photphot leng,ahoih pen hi .Pawl khat te lungka hi, man hi.Nau min banga ki phuaksa Zomi cih at ngamlo in atuam tek at leng mailam ah i Zomi teek phial ta leh min nei nailo tawh kibang ding hiven,ngaihsun thei leng a na mah hi.


4. I sanggam Mizo te, hun khat lai in ei mau mah abang namneu tuamtuam(Duhlian ,Hualngo,Hmarte,Paite,Pawite,cih bangin)in kikhen ziilzuul kim lai Pasian in Pu Laldeng zangin kuama a ahi tuam lo Mizo cih nampi min khat phuaktawm a agawm nangawn tuni in akhe nuai zong i ban nawn kei hi.Party te' gawm hi lo hi,kumpi te gawm zong hi lo ,Mizo cih min in ki itna tawh gawmkhawm hi.


En Zomi icih tak ciang i phuahtawm hilo a, i pu i pa khang masa pek panin Zomi icih ngiatngiat ihihna taktak ah aki gawm ding hi ve hang.Bang hang lungdam lo ding?Zomi te ading Topa hoih hi,cih ding lo ngal........

Zogam lapu Tg TS Khai

 


Comments




Leave a Reply