WWW.TUNGZANGNEWS.COM

 
Dear Zomi ulehnau,

Tutung in USA pan Zogam leh Zomi te adingin itna leh lainatna tawh akhatvei kaciahna sungah Topa nasepna te pawlkhat hong tangko nuam ing , Pasian minthanna ding hita hen. 

Adiakin Zomi Pasian nasem te adingin thu hongngetsak khempeuh te tungah lungdamna thu hongtaangko masa nuam ing, Leitung gam tuamtuam a om Zomi khempeuh in Pasian itna tawh khut kilen a inasepkhopna te thupi sa mahmah ing.

 

1. Feb 27 zingsang nai 1 in Yangon ka tunga, Feb 27 nitak naikhat ciangin Kalaymyo katung suak hi. Akhat vei ciahna ahih manin Zomi makai pawlkhat leh ulehnau pawlpi leh Convention zum ten lungkim huai takin hongdawn uhhi.

 

2. Feb 29 ni in Sawbua khua ah KZBA pawipi sim dingin kapai a, Sawbua Tuiphum biakinn pi athak sitset ka mu a, kum 2001 lai in itna leh lainatna tawh biakinn thak adingin piakkhiatna kabawlkhakna mun ahih manin kalung kim mahmah hi.

 

3. March 2 ni in kapawlpi Bethel Zomi Tuiphum biakinnpi ah nekkhawm kapia thei a kalungkim mahmah hi.

 

4. March 3 nin in Tedim gam Suangsang khua katung uh a mi 13 Kalay pan ka pai thei uhhi, khuazang bup in hongdawn in nitak in khuazang bup in kikhopna kinei a Topa in alamdangin na hongsem in tha kingah mahmah ciat hi.

 

5. March 4-7 sung in Lalta khuabup kipawlkhawm in Crusade leh thusinna kinei a, hihpen Lalta khuami Malaysia leh USA a om mi mal 33 in itna tawh mapankhopna hi in pawlpi kuamah kideidan hetlo nasepna hi a, Topa in zong nahoih napha tampi tak hongsem in Topa tungah lungdamna thak leh thathak ngahna tampi in hongnei thei hi.

 

6.March 8-11 sung A 7 veina ZBCM GM pawipi Kalay ah om ing tualai tak ah zumlam aten deihsakna tawh nitak nih Pasian itna thu kataangko thei a Topa Khasiangtho in nahong sem in khitui luang ziahziah in mi tampitak Topa tungah athak in ki apna hongomthei hi.

 

7. March 13-16 sung a 2 veina GZA pawipi Tedim ah ka kihel thei a makai pi te deihsakna tawh March 14 nitak thugenna hongpia in Topa in alamdangin na hongsem in kalungdam mahmah hi. March 15 ni in Sun hun in Zomi leh Maban cih thulu tawh thusunna zong hongnei sak uha, kalungsim sungah Zomi te maban ding kangaihsutna om teng
kasungkhia thei a kalungkim mahmah hi.

 

Ka thusunna atom kim:

1. Zomi ten imakai te thu zui phot phot dih ni.
2.Zomi te dinmun pen lolai a buhdan in kangaihsun a amin masa amin
nunung i om ding a ahizongin ivek in imindong ikingak ding a ,
amin masa teng ikaihkhop kul dinga amin nunung teng kingak lailai ni



3.Zomi te tenna khua khempeuh ah Hausa leh pawlp khempeuh ah lai
ikhak dinga kuamah akinusia omlo in ma ipankhop kul ding hi.
4.Mun khempeuh ah mikim muhtheih dingin laisuan i koih kawi kawi ding hi.
5. Biakna makai te leh gamleh minam makai te pen thu ikum kum ding
a i Zomi te maban hong namtui leh hongtaang mahmah ding hi.
6.Mimal kitelkhialhna te hangin minam sung nasepna ah kitelkhial kei ni.
7.Dinmun kician nei phot phot ni in tuakhit ciangbek in minam dang te
tawh hoihtakin kipawlkhopna bawl pan ni.

 

Hih atunga teng kalungsim sunga om kathu sun te hi.

 

8. March 17-19 sung Global Myanmar Ministers Alliance Conference Kalay ah om in Zomi Pasian nasem mi 400 hongpai thei hi, tuateng ah A leader and His vision cih thulu tawh thusinna kanei thei a kalungkim mahmah hi. Hih pen Dr.Khaipi USA i vision leh makaihna ahihi.

 

Tutungin Innlam kaciah sungin ka pianna khua Tauleng khua ah nai thum sung bek ka ciah man adangteng pen Pasian leh Zomi te adingin kahun pia kahih manin kha khat sung ahih hangin nikhat ninih dan in kangaihsun hi.

 

9. March 20-23 sung Yangon ah Pasian itna thu pulaakna ding te ah zong Topan hong makaih nadingin thungetna kalunggulh mah mah hi.

 

1. TBCY ah March 23 ni in thutomgenna hun hongpia uh a , biakinn thak neihzawh kakhatvei kikhop na ding hi in kalungdam khol mahmah hi.

 

2. Agape Zomi Baptist Church ah zong March 23 ni in Speaker dingin hongseh uha Topa kammal tawh thapiakna nuamtakin neihding kalunggulh mahmah hi.

 

3. Full Gospel ah zong March 23 ni mah in Topa kammal pulaak dingin hongseh uh a Pasian hongitna kammal te pulaak ding kangaklah mahmah hi.

 

Tutung in Zogam leh Zomi te adingin nuntakna limci takin Khakhat sung kapiak theih pen kalungkim mahmah hi.

 

Tutung gam dang pan Zogam aciah pak te :

1. Rev. Pau Khan Khai - USA pan.
2. Mrs.Dr Do Kham te nuta teng - USA pan.
3. Dr. Hau Za Cin - Singapore pan.
4. Pa Hang Khan Lian - Singapore pan.
5. Pa Pau Khan Khup - Singapore pan.
6. Pa Khawm, Lay te nupa -Singapore pan.
7. Rev. Pum Za Cin leh alawm te nih Norway pan.
8. Rev.Dr.Kham Khan Khai- USA pan.
9. Paul Pau te nupa -Thailand pan.
10.Rev.Dr. Gin Khan Khual - UK pan
11. Rev. Dr.Luai Cin Thang leh lawmte mi 7 - India Minipur pan
12. Rev. Suan Khan Thang leh lawmte mi 7 - India Mizogam pan
Katheih pak teng hi , adang aom lai leh hong genbeh un.

 

Tulaitak Zomi te adingin Minam khanlawhna hun ahihi.Pasian bawl Zomi te pen Pasian in minam dangte tawh akibangin hong lamto nuam ahihmanin khanlawhna hongpiangsak hi a, kitelkhialhna pianna ding
hi lo in kipumkhatna pianna ding ahizaw hi.

 

Zogam leh Zomi te adingi zingsol hongtaang tading a denciangin
ilungdamna honglian mahmah ding hi.

 

Ikalsuanpih ding thu:
1. Ki pumkhat ni.
2.Ki maisak ni.
3. Khut kilen siam ni.
4.Makai te thu zuizo ni.
5.Khatleh khat kimuang ni.
6.Mimal vai ah ding lo in minam adingin ding siam ni.
7. Thu saupi enkawm sa in kalsuan mainawt ciat ni.
8. Dinmun kician neihsawm ni.
9.Ei leh ei kipantah ni.
10. Topa tungah lungdamna ko siam ciat ni.

 

Topan Zomi te thupha hongpia tahen.

Innlam ciahna sungah nuam asa mahmah ,

Rev.Pau Khan Khai 

 


Comments




Leave a Reply