WWW.TUNGZANGNEWS.COM

 
It leh ngaih Zomi laizomte,

Zomi ah tuibang luankhop theih nading lunggulh in sanggampa Zam Lian Khup (Lianbawi) hong vaihawm natawh khuazang kaikhawm a Census vai gen dingin apaiteng moh leh niangtui tawh vak nading sanggampa Lianbawi tawh Ks. 50,000 tuak kakhak uhhi.

11 March 2014 Tuesday ni, khua lamah kapa (Pa Hau) tawh ka kiho leh, "Khua ah NLD makaipipa in ko NLD party ten Census ciang CHIN ciding hi cih lai hongtung in Chin mah kacih loh uh phamawh dan dinghi," cimawk hi. Guai, Chin deihte vai hawmna CNF te vai hawmna hidan hiven ahun laplai-in innlam ngaihsut huai khading hi.

NLD makaipipa Sia Lian Tung tawh keizong kihothei ing. Zomi leh party vai kisailoh lam na genpih ing. Ahi zongin, ama' hongdawn kikna om manlo in phone kia ahih manin aphi, angaih sutna tel lian nailo hi'ng. Ka genthute telsiam dingin hong lamen ing.

Maikal ciangin Ngennung khua ah Census vai khuazang, tangpi tawh kamkupna neiding ihih manin thungetna ah minam it tengin nong panpih un cih huhna "Ngennung Innkuan United States of America" (NIUSA) panin hongcial ung.

I minam hong buaisak hong khenkham nuam, Chin/CNF leh adangdang te nasepzia hong theisak, hong tangko hi-ing. It leh ngaih mipih te aw, Zomi ah tuibang luangkhawm ding lailung ah ngilh kei ni.

Kampau kithei tengbek kipumkhat ni, mite'n hong simmawh dinghi. Natu nata khangding ngaihsut sak in. Na tu, nata ten hunkhat teh i thu tangpekna gah neding uhhi. Ngaihsun khial kei ni. ZOMI ah tuibang luangkhop hunlua ta hi.

Minam it


Khupsen

Ngennung Innkuan USA.

 


Comments




Leave a Reply