WWW.TUNGZANGNEWS.COM

 
Zomi Census Committee - Tedim pan zaksakna leh thuumna

Nu leh Pa, U le Nau, Akua mah peuh: March 17, 2014

Zomi te pen athumang, athumaan, acitak leh aki it-a hong ki ciamteh minam ihi hi. Tu laitak in i ZOMI sungah makai-pi 6, inei-a, tua te in: 1) Rev. Dr. Simon Pau Khan En, 2) His Excellency Bishop Dr. Felix Lian Khen Thang, 3) Rev. Dr. Do Suan Mung, 4) Rev. Dr. Go Cin Zam, 5. Rev. Dr. JM Ngul Khan Pau leh 6) Rev. Dr. Gin Khan Khual te ahi uh hi.

Tu tung in Zomi Bup makai te kikhopna pan (A 2-veina GZA Khawmpi-Tedim), i makai pi te-in Zomi te ading in thumanpha tampi hong tangko uh hi. Tua te lak ah, iki pumkhat na ding in "Mimal Ki Simna" (Census-March 30-April 10, 2014 ) hun ciangin, Minam hong ki dot teh "Nambat-914 ah ZOMI naci un" cih hong tangko uh hi. Athu mang ZOMI te ihih mah bang in, i makai te cih bangbang iman ding iki phawk sak kik hi.

Ahi zong in, iki thutuah ding leh iki pumkhat ding adeih lo mi pawlkhat in (i-Makai te ahilo), "914-Other" acihna ah ZOMI ci le uh teh Gamdang Mi nasuak ding uh hi" ci-in hong khem uh hi. Ui-no suktuah bang a hong suktuahna uh ahih man in um kei ni. Bang hang hiam cih leh, Matpongten ineih naak leh Gamdangmi kisuak cih bang om theilo hi.
Iki pumkhatna hong susia zo le uh (ihihna ahi ZOMI icih ngam kei leh) hong khemte nuam mahmah ding uh-a, akhutme uh sialki bangin tum in "Ka awi veh-khemzo ing" ci-in, hong ciamnuih bawl ding uh hi. Iki thu tuah
ding adeih lo mite'n hong khem zo le uh, ei-a ki pan itu ita-te dongin mi gual lelte ihih tohtoh ding ban-ah, imai lam khim bang hong zing dinga dah huai mahmah hi.

Tulai tak iki thutuahna (Unity) ilah theih hun hoih pen ahi hi. Sakmi Khangmi, Sim leh Mar ki khen kei ni. Hih bang hun hoih hong om nawnlo ding ahih teh pil vang tek ni.

ZOMI, i Makai pi ten hong khem hetlo ding uh ahih man in, amau cih bang bang mang zaw in mi khemsa in ta kei ni. ZOMI ah iki PUMKHAT nading nang tungah kinga ahih man in, Misim ding-a hong pai te-in, "Bang mi Nam na Hiam? ci-in hong dot uh teh Suakta tak leh Lau hetlo in (Zakua leh Sawmkhat li=914 ah), "ZOMI" ka hi hi" icih ding Zomi Census Committee-Tedim in lungmuang tak-in kong zasak uh hi.

Muanna Takpi tawh (A 2 vei-na GZA Khawmpi pan aki seh-Zomi Census
Committee- Tedim),

Rev. Dr. Thuam Khan Thang Dr. Cing Pum Neam Rev. Thang Van Lian

Rev. Nang Lian Kap U Hang Khan Khai (E-Khai)

 


Comments




Leave a Reply