WWW.TUNGZANGNEWS.COM

 
Rev. Dr. Gin Khan Khual' kammal hoih pawlkhat 
  • Pasian nasem, Pasian sapna a ngah taktak te pen thaneem thei a, lungkia ngei lo uh hi.

  • Kha Siangtho naneih nak leh mun khempeuh nuam hi. Amah pen na mimal Kumpi hisak in!

  • Nasia takin Topa na it leh Kumpite tungah thuneihna a neite hi pah hi teh.

  • Zeisu in pilna a neilo a nungzuite Amah tawh a kithuah manin pilsak hi. Sawltakte 4:13

  • Pasian in na pilman, na siamman a hong teel hilo a, hong teelna na zuih manin hong pilsak, hong siamsak hi zaw hi.

  • Zeisu in Ama thu in a sep theih tampi om ding hi napi Pasian dong lo-in bang mah sem lo hi.

  • Kha Siangtho a sang, a ki makaih sakte pen ma zang uh hi. Lamdawt a tawn hipah hi.

  • Pasian mai na zon leh mimai zonzon kullo hi. Tal zolte’ or mihaute’ mai etet kullo hi.

  • David in a lungkham ciangin Pasian Biakinn zuan zaw hi.

  • Mi’n hong simmawh hong nawlkhin ciangin Zeisu na Pasian zuan in! I Pet. 2:1ff

  • Tunglam a Pa tawh na kalsuan leh gualzo veve ding hiteh cih phawk gige in!

  • Pastorte, Pasian nasemte pen Kha Engineer hi. Leitung leh vantung kikal ah kahlei a dawh, a lam, a geel Engineer te hi.

  • Zeisu in Tuu (99) tawh lungkim ziau lo a, a mangthang Kha/Tuu (1) pen na zong viuveu hi. Khat (1) hi lel ci-in nawl khin lo a, thupi sa-in a nuntakna a paih dongin kipia khia hi.

  • Thonginn leh Zatote pen pulpit hoih pen munte hi cih phawk in!

  • Martin Luther in, “Ka manlah mahmah ciang, vai ka hauh luat ciangin nai (3) sung thu ka ngen phot hi.” ci hi.

  • David Younggicho in, “Ka pianthak cil lamin ni (1) in nai (2) sung ta thu ka ngen a, ka senior zawk deuh ciangin ni khat in nai (4) sung thu ka ngen a, tu lam ciangin nai (24) sung lungsim thungetna ka nei den hi” ci hi.

  • Pasian pen ih up cia cia pha hi.

  • Na ni kipatna pen thungetna tawh ki pan in!

  • Zeisu in nang mawhna leh kei hoihna(dikna) ki bilkhek ni hong ci hi.

  • Zeisu in na hihna(mawhna) bang bang un hong pai un, kei thumaanna tawh kong laihsak ding hi hong ci hi.

  • Pasian na phatphat nak leh leitung hauhna ten hong nung zuih ding hi.

  • Joshua hun lai a Ni le Kha a lencip Pa’n na haksatna teng len zo lua hi.

 

A kai khawm,
Zogam Mungpi

 


Comments




Leave a Reply