WWW.TUNGZANGNEWS.COM

 
914-Others & Zomi te Gualzawhna 

914-Others acih peen 2014 kum kawlgam Census milip kisimna pan akingahpan hilo tuma thamtham in hih 914-Others mun Zomi ten kingahngei khin a  gualzawhna lianpi kingah khin hi cihthu mipi theihding in kongtaangkokhia nuam hi.

2007 Kum Malaysia gam ah UNHCR te in UN Card neisate in Innkuan luutpihthei acihtak ciang mi tamluakeei in kigual zihziah mai ahihman in UNHCR ten zo nawnlo  in Communities tetawh sepkhop ding ongvaaihawmkhia uhhi.

ZAM in zong Zomi kheempeuh Zomi minmahtawh adangkipawlna CRC, ACR tebang in luutpihding geelna om ahihhang UNHCR in ZAM official in theihpihna ongpiataktak naailo piankhat in omuh ahihman in ZAM President Pu Mang Suan Pau in nasiatak vaphul in Meeting vakah hi.

Tuakhit ciang in UNHCR pan kipawlna ciatpan Innkuanpih luutpih theiding miphazah leh anite schedule piasuk zihziah a, atawpnalam ah Zomi te Others cihna ongkoih kiuse hi. Amau ongpiak ahihciang Other photlel ni ci in Other te ongpiakniding a aciapteh ni uh a zingsang in UN zum paito in Officer Michael kiang ah ko Zomi Others te tuniding hiven maw kacih Yes. Ongcih ban ah mibangzah ongci a kenzong 50 people for today kacih leh nitaak nai 2 lianciang Zum maai ah ongkigual in ci in lungdam tak in ZAM office ah Report piapah in miteng sam in kaki gual diitdeet uhhi.

Kei UN zumsung pass theihna nei kahihman in kaluut phei leh anaicinlian ciang Michael in namite konglaaksakding peen ACR in lemsa kei in nakiho un ongcikik miau mawk hi. Ahang peen ACR zum a khateh dawh Zomi Sia nengneng teng in ZAM pan Zomi teng kisam leh ko puuksi nung ci in ACR Officer tetung ongnatai hinong dan hi.

Keizong Michael kiang nehpah in banghang ee kacih leh ACR ah dong in ongci ahihman in ACR President John Khuabawi pheksa kaphone meekpah in nawhtak UNHCR zum ongpai nading in Order kapia hi. Amahzong minute 10 sung in khuisa keei in ongtungpah a ongtunphet in angawng ah manphetpah in Zomi te maai banghang ongkhaaktan nahihiam? En In hihmiteng nanghang in tun nisalak ah cimawh hi Nuntaaknatawh Inn natungkik nawnkeiding hi kacihleh amitgaukeei in kitom a UNHCR zumsung ah taaito hi. Michael in thataangzang naaiken hih na Chin makaaikhat uh hilo hiam ongci ahihman ken We R Not Chin mipi maai ah kacipah lel hi. Tuani in kahehna onghehpih lua kisa in Zi luutpihding a  ongpai Anglangh Khuami Papi khat silian hi.

Kaheh mahmah lam Zomi leh Chin kilamdan lam Michael in telpian ahihman in alungsim ongkhiam in tua ahihleh hithu kidamkup ni in hih nongpaipih mipi lakpan Nauneen zawdeuh teng tuni onglaaksak ning in adangteng zong ikihotel khitciang onglaaksak ning ong ci hi. Avek in nonglaaksa kei leh Lungphona neiding kacihsawm laaitak in kagei a Papi khat amintel vatkeng in acihzahzah aw ciphot lel in meetzaw ni ongcivat ahihman in OK kacikha hi. Anung ka President Pu Mang Suan Pau tung ah bel Khawm Pau peen khangno laailua in alungtom mahmah lungduai nakisin sak in cibilbel hi.

Tuasawng sung mah in Dangwangi Palik zumpi Kualalumpur khuapi sung ah  Zomi kiman pawlkhat tankhiading in Palik thunei Serg Samba zumsung luutding in Australia a om Pu Nang Lam Cin tawh kapai uhleh Khalkha kipawlna CRC te makaaipi Paul Lian natu kekuk in Sergeant pan hei Zomi Leader Come come ongcih kawm in Zomi te natheihiam ci in Paul Lian a dot leh  Zomi te Chin mah hi kokhut nuai mah hi civial Thakhat in leengpah in palik zumsung ah angawng kameek leh Palik pa bang ko ongmanthei kimlaai lauvat maw Pu Na Cin ongleengphei in ongkhaam hi. ( Hih peen ameet cipak ni ei )

Hihbang hamsatna tampi te kawmkaal ah ibiak Pasian hehpihna leh Zomi makaai tampitak te mapanna tawh Malaysia UNHCR ahizong in Zum tuamtuam te ah ahizong in nidang a Others minam akikoih sung pan tuni in Officially in Zomi kiptak in kithei a kidingkip zo hi. Kawlgam ah zong gualzawhna lianpi in ongngaak cih muhkholhsa ahihi.

Thahaat inla Haangsan in Laukei in Pasian Zomi te lam ah oma gualzawhna imukhinzo hi.

Thang Khawm Pau Zomi 


-- 
Thang Khawm Pau ZOMi
1009 Bryant Way Apt B
Bowling Green , KY, 42103
USA
Cell- 270 -217 9593
joseptpau@gmail.comThang.pau@perdue.com
www.perdue.com , www.zomipau.wordpress.com

Itna icih bangcihtheih ding ihihiam cih leh Khris in eite ading in anuntakna hongpia hi. Eite zong i khristian imipihte ading in inuntaakna ipiakngamding ahihi. (John masa 3:16)
 


Comments




Leave a Reply