WWW.TUNGZANGNEWS.COM

 
Guai,

1937 BE Maha Thinggyan Kawltuibuah Pawipi ah Yangon Mayor's Mandat ah Zolaam tawh a khatna ngah in Mayor's Silver Bowl leh letsong sum tawh a ngah Siamsin Zomi Lia leh Tangte leh a vaihawm amakaite pahtawina in nitak ankuang umkhopna Shalom EBC Biakinnpi ah Apr.19 Sat. ni 5:00 - 8:00PM in kinei hi.


Tua lai ah sapmi tawh kigawm mihing 50 tang kipha hi. A makai lam pan Dr.Zogam Lalpu in hun uk in TA Makaipi Pa C.Thang Za Tuan leh TA Tanupi Steven Khai in vaimuakna leh sepna zia te pulak masa uhi. Tua khitteh GZA pan Makaipi Rev. Dr. Simon Pau Khan En, Tuanvaipi Rev,Dr, Do Suan Mung leh Tuanvaipi huh Rev.Dr. Go Cin Zam; ZCD pan Pa Ngul Khan Dal, ZOMUS pan Rev, Suan Khan Lian leh Steven Mang; ZOLUS pan Rev.Dr. Jacob Mung, Rev, Thang Za Suan; Yuzana Ciimnuai Kipawlna pan Makaipi David Kham leh Tuanvaipi; Zozum pan Cimnuai Pa Khup Mung te in pahtawina thu gen ciat in Siamsin makaite in kipahna thu gen uh hi.



A thugen uh a vekpi in Zomi hihna angtan ciatna, Pasian in ahun tungta sa in hong lapsanna leh Kumpi in zong Yangon Mayor tung tawn in recognition hong piakna te ah kilungdam ciat hi. Mailam ah Zomi ah kithukhat in Zomite kitangsap ahi Identity Crisis, Model Crisis leh Leadership Crisis te ah lawhsam nonlo in alawhcing to semsemta ihihna kitel tetekta in kithuhualna lam manawh semsem det zawh nading kipom ciat ta hi.

 

TA,ZOMUS,Siamsin tanute

 


Comments




Leave a Reply