WWW.TUNGZANGNEWS.COM

 
Japan gam Tokyo khuapi ah UBS-AAA (United Bible Societies - Asia Affinity Alliance) meeting pen April 1-4, 2014 sung kibawl a, Kawlgam bup Lai Siangtho kipawlna makaipi (GS) Rev Khoi Lam Thang zong va kihel thei hi. Pakistan le Japan kikal gam tuamtuam pan Bible Society GS teng kimuhkhopna hi-a, Pasian kammal tangzai theih nadingin mailam ah bangci vaihawm khawm ding cih thute kikupkhopna nasiatak nei uh cih kiza hi.

Kum zalom 19 pen Europe-te hun, kum zalom 20 pen America-te hun hi-a, kum zalom 21 pen Asia hun cih bangin khanghun hong kihei ahih manin hanciam ni, khut kilen ni, thungen ni" ci-in makaite in kamkupna nei uh ci hi.  Hih UBS-AAA Meeting hun awng kalin Rev. Khoi Lam Thang (GS-MBS) in ZCF le Kawl gammi Pawlpi tuamtuamte tawh kimuh khopna hun nuamtak nei thei kawikawi cih Siapa tung pan Tongsan Media tanute in thutut ngah hi. Meeting hun man lam ciangin Siapa cidam takin Kawlgam a tunkik dong Topa mahin na makaih hen la, maban sepna khempeuh zongah lawhcinna thupha hong piaksak zel ta hen.
 
Source: Sia Khoilam (Tawmvei Japan)
 


Comments




Leave a Reply