WWW.TUNGZANGNEWS.COM

 
1. Kawlpi Hanvai tawh kisaiin Santa( pawlpi 62 + Kawl) Han leh
Taungphila Han 6(Tahan Tuiphum, Tahan Kawl, Tahan Pawlpikim leh
Taungphila Tuiphum, RC, pawlpikim kipawl) in District leh Myone kumpi
zumte nanzawh ding ahih nawnloh ciangin 8888 Generation Student in
hong huh nung ciin hong gen uh ciangin muanna tawh ki-ap pah hi.

2. TAhan Tuiphum pawlpi in pawlpi thukimna tawh kizuiin amau Tuiphum
Han sikkang tawh umin Hanbuuk ( Hanvehte khawlna ding) alam leh Sipen
Chairman U Khaipi in palik tawh kuanin phelsak a, sikdailing tawh um
veve uh hi. Myone pan thusit dingte lai tawh kisam bangin sapna ngah
uh a lau mahmah uhi.

3. Tahan leh Pinda Buddist Han 2te in zong sikkhua tawh um uh a,
Pianda Han ah misi kivui kik napi, bangmah cihlo-in hici koihlai napi
Zomite Hante nawt ding ciin tawnbawl den uh a, amau mizat Inn 10,
inn100 leh veng hausate sawlin innsim ah tuah mengmeng un, buldozer
tawh kinawt ding hi, tungsiah thu hi ciin khem uh a, tungsiah thu hi
cih a'umkha pawl khat in ut lo pipi, khitui naptui tawh tuah uh hi.

4. April ni 8 niin Myone Sipente leh veng hausate kipawlin District
leh Myone Sipen thupiakna hi ciin Santa Han RC Kivuinateng Buldozer
tawh nawtsak a, mipi lauthawng linglawng mahmahin misi neite innsim ah
kahpawi om hi cih akizak ciangin Santa Han Committee in enin 8888 G
Sangnaupangte kiko hi. Han tuah ding utlo innkuan sung pan khangnote
in Sadahpiah ding ciin kikaikhawm uh a, Santa Han Committee leh 88 G
Sangnaupangte in kho-in tutung Sandahpiah nai kei ni, Han ah daitak
paiin lim kila-in internet ah khah ni, tutung buaina bawl nai kei ni
ciin kikho hi. Sangnaupangte Hangei atun phetin District Palikmangpi
leh palik 20 val lumzenin tung hi. Sipen nasemte lai kisa-in zusai ah
bucip uh a, Palikte atun ciangin dawkkhia ngam pan uh hi. Palik
mangpipa in tutung buaina bawl kei un, Sandahpiah nop leh hong ngen
unla tuni tu a zah hileh leitungbup ah kizel ta lel hi, om omlai le
uhcin mi hong tam tetek ding a buaina lianpi piang ding ahih manin
nong hehpihna uh tawh hizah tawh ciahmai un ciin kho hi.

5. Sangnaupang makai U Bachu in Buldozer khawlsak unla hithu asian
matengin Buldozer genloh, Sipen in Santa Han ah bangmah vaihawm thei
nawnlo ding hi ciin kamciam nong piak leh ciah ding, tua ahih kei leh
ciahlo ding acih ciangin Palik mangpipa in Kamciam hong pia ing,
Buldozer ciahsak un Sipente in ciin sawl a, Buldozer aciah khit
ciangin sangnaupangte ciah uhhi. Sangnaupangte mi 20 aciah khit deuhin
adang 50 val tungzuai a, tampi hong pailai hi cih ciangin tuni khawl
phot dingin makaite in gen hi. Sandahpiah ciangin atam theithei pai ni
ciin kikhen uhi.

6. Aki khuanung theih ciangin Sipen zumte in aman dingin asawl hi cih
kithei hi. District ulianpa zong Gunkhawm apai kimlai Kawlpi ah ciah
kik hi. Veng hausate in Distirct Mangpi in hong samsak hi ciin phone
tawh tawngin inn ah asap hangin 88G Sangnaupangte in kuamah pai kei
un. Ko tawh kisual ding hi ung. Zum paizia tawh pang ni ci ahih manin
kuamah laulo takin ki-om hithiat hi. RC Hanteng anawt hangin RC sung
ah atuah nuam hetlo - Pa Nek Thang tapa Han leh 2/3 nawtlo uh hi. Pa
Nek Thang tapa Han tung ah - Hih Han anwtsiate tung ah Pasian in khang
3 dong thuk kik ding hi ciin lai kigelh a, Nu Lun ( Sia Tul) zi in
patau lua a atuahsawm hive ung, tuah nawn kei nung. Tuah ding aci
a'omlai leh kei mahmah hong sam un. Hih leisekte tawh adeng gawp
dingin hong kipan ning, Sandahpiahna a'om leh hong zasak un. Ka
tanauteng tawh hong kuan ding hi ung ciin April 10 zingsang atuah ding
a apai Santa Han committee tawh kimuhna ah gen hi. Alungkim atuah
kuamah omlo, atuahsate zong sam leng akitom nuam tampi om hi ciin hong
gen hi.

7. Anitak ciangin 88G Zum ah thukikupna kinei a, SB2 thukante zong 3
hong pai hi. Sangnaupangte in zum thu aau sik ding ahih manin mipi
nautang tawnbawl a hong sap leh hong gen un. Kua hausa ahi a, Myone,
District ulian ahi zongin pai kei un. Dawng kei un. Ko tawh kisual
nung acih uh ciangin mipi klungmuang mahmah ta hi.

8. Azing ciangin Sagaing Region Chin Affairs minister Pu No Than Kap
leh Sagaing Region Municipal Secretary Pu Khai Deih Tuang in Santa Han
en uh a, thumanlo hi cih mu ahih manin Santa Han leh Taungphila Han
committee makaite tawh Chin Affairs zum ah kimuhna kinei hi.

9. April 10 zingsang nai 830 hunin Tahan Tuiphum pawlpi biakinn ah
Taungphila Han Committee leh Tahan Tuiphum pawlpi upa Siate tawh
kimuhna nei kik uh a, Sia Khai Deih Tuang in Hanvai hithute mipi
thukimna sakha hiding hi. Ahi zongin Han buldozer nawt ding cih gen
ngeilo a, Han phiatlo ding cih ngetna Santa leh Tawungphila panin mi
tampitak in nei napi zanlam deuhin mi 200 khwng in tuah nuam ung ciin
lai hong khia hi, abangci hiam ciin hong dong a, ken theikha keng ciin
ka dawng hi. Tungsiah U Tha Aye leh cabinet in hibang a nawhsa tak a
hih ding cih gen ngeilo, thei khalo hi. RC atuahsa teng hanmunte Sia
Khaipi in Buldozer tawh nawhsak ding ciin zanlamin hong gen a, hih
peuhmah ken, misim laitak buaina piang thei ding hi ciin ka khoh ahih
teitei hi. District leh Myone in amau ut bangbang a asep uhi cin hong
gen hi. U Tha Aye hong genpen ZYA zum ah Santa Hanvai kikupna ah ka
gen bangin U Tha Aye in Project kician om nailopi mipi buaisak kei un.
Santa Han ah Tan 10 Sang pia ning ciin gen ngei keng. Azenzenin
kumpi project khat om leh zong lo eka 1 - teng 200 val hiven Santa Han
eka 6.38 pen teng 1500 val man ding hiven zum pan order om ciangin
mipi siluang neite Supna tawh kituak ding huhna sum piak kul ding hi,
thu om nailopi hihpah tengtung kei un ci hi. Mipi thuneihna hita a,
uliante thuneihna hinawnlo hi. Mipite hehsak kei un, Khasia sak kei
un hong cih bnagin kei zong mipi khitui luanna ding peuhmah semlo-in
khitui nulsak utzaw ing, mipi teel ka hih bangin mipi lam ah ading
hing ciin hong gen hi.

- Pu No Than Kap in Sipen in palik zang a mimat theihna omlo, Sipen
in Biakna leh Biakinn huang tawh kisai thuneihna omlo hi. Sipen nasep
pen Biakna tawh kisailoteng hi. Biakna vai - Inn, Biakinn leh neihsa
pen Biakna Mangpi zum tawh kisai hi. Sipen in sum ngen a, khaktanna,
tawnna hong neih leh hong gen un. Tungsiah ah hong genpih ding hing
ciin hong gen ciangin mipi kikhamuang tuam hi. Myone leh Distirct
uliante hunlui bang a thunei theilai kisakha uh hiding hi. Tulai
uliante mipi deihna, atamzawte deihna bang hiam ci a, mipi dong a sep
hunin amau ut bang a kuamah donglo a asep uh tuhun tawh kituaklo hi.
April tuibuahpawi khit Cabinet meeting ah nakpi takin na gen ding hing
ciin hong kamciam hi. U Khaipi pen mipi teel ahihlam kitheilo hikha
ding hi. Mipi teelte in mi tawmcik khat peuh deihna sem ding hilo a,
mipi atamzawte deihna asem ding a nong teel uh hi. Tedim mite leh
Falamte in uliante pum kihtak zenzen hihang. Kalaymyo ah Chin Affair
zum kihong hi. Hibang buainate hong ko un. Ahuh ding cih bek hilo,
note nasem ding a vote tawh nong teel uh hi. HOng zang un. Hong sawl
un. Nong zat, nog awl kei uh leh ka sep ding uh omlo ding hi.

10. April 10 nitak nai 400pm ah zong amautegel tawh 88 G Sangnaupangte
makaihna tawh Agaep AG biakinn ah Santa Han leh Taungphila Han 6te
Committee leh Han tuah ding utlote kimuhna om ding hi.

11. Dowai Han delegate meeting ah U Sing Nang in Dowai Han pen Sipente
thuneihna hi a, adang Kawlpi khuasung a Hante pen Sipen vaihawmsak
hilo hi. Amau leh amau vaihawm a aneih uh hi ciin gen hi. Dowai Han
zong kum 2/3 sungin dim ta ding ahih manin kituahlo ding hi cih
Aamahkhan na pia ngam uh hiam ciin akidot ciangin Aamahkhan kei ung ci
a, mipi in Aamahkhanlo, han dang panin ituah hangin lungmuanna om
tuanlo hi, Hanlui pan tuahloh ding hoih hi cih kigen cipcip ta hi.

12. Capt. Zam Kap Lian ( Dowai Han Sumkem) in Dowai Han sumdon ciangin
pawlpikik ka sik a, kuamah hantuah nuam omlo ahih manin Dowai izat
hangin Santa Han a siluangte kituahlo ding hi, lungkham kei un ciin
Dowai Han committee in kamciam ka piak uh ciangin Dowai Hansum hong
kipia pan hi. Keima damlohna hangin Yangon Zato ka kah sungin lawmte
in Santa Han siluang tuah ding vai ahawm ciangin ikamciam piakna
palsat ding ihiam? Hibang ahih leh Dowai Han Sumkem panin tawp ing
ciin tua hun a kipan Dowai Han meeting kah ngeilo, 2014 kumcin meeting
zong akahlo hing ciin kei kiang ah hong gen a, na up ei uh leh ama
kiang ah kidong thei hi ciin hong zasak hi.

Santa & Taungphila Han6te tangin,

Sia Lang Khai

Secy, Santa Han

 


Comments




Leave a Reply