WWW.TUNGZANGNEWS.COM

 
Zomite akua mapeuh,


Santa Han RC khawk pen Buldozer tawh U Kham Lian Khai Sipen Chairman
makaihna tawh veng hausate tawh kithuah Sipen nasemte in District
Administrator thupiakna tawh nawtsak uh a, Han tung ah Aana tawh
nasepna hoih asalote in paiin kigen a, District palik lianpen tawh
kihona khit ciangin Buldozer zong khawlin mipi kikhen hi.

 

Democracy hun ah Hausa leh Sipen in Aana tawh District thuneihna zang
a atatsiatna uh hi a, tu-in mipi kiso ciat hi. Zomite sung ah atuah
nuam pawlkhatte hangin misi nangawn tumawh khawlmawh uh a, RIP kici
napi misite in tawldamna ngahlo uh hi.

 

Asuksiapen ah ORDER omlopi Tan 10 Sang kipia ding ciin mikhem pawl
khatte in Hantuah un kinawtsia ding hi cihna hangin ut takei leh
khitui tawh akituah ciangin ulian makaite gamtatsiatna hoih asalote in
Sangnaupang 8888 Generationte tawh kipawlin kivaihawm hi. Santa (
Pinlong ) Han leh Tahan Han 6 kigawmin 8888 Sangnaupangte tawh
kipawlin tungsiah kikah hi a, hithu aven matengin Han Kinawt nawnlo
tadih phot ding ahih manin lungkhamna dingin na tuat kei un.

 

Ahi zongin Hanmun misiluang tung a bawhlung sui nuam leh kisusia henla
adang khatin akizat ciangin sum ngah ding cih alem-en pawlkhatte
hangin Han kituahlo ding kimlai utlo pipi kituah kha hi.

 

Sipen zum leh Dictrict uliante in tungsiah thu omlopi, tungsiah thu
hi, Han tuah un akicih tak ciangin ahaute in tuahzo a, azawng adaipam,
tuaikiteh tuimawl nangawn aleizolote khitui luangin a'om akimuh
ciangin Sia Vum Nang makaihna tawh Agape AG biakinn ah 2012 April 23
niin Santa Han Committee kiphuan a, tungsiah ah lai tamveipi kiphah
hi.

 

U Tha Aye in Sia Khai Deih Tuang kiang ah Santa Han ah Tan 10 pia ning
cih gen ngeilo hing. Azenzenin SAnta Han banglo khat a akizat leh
zong leitang lei hileng eka 1 - teng 200, Santa Han eka 6 val teng
1200 valma ahih manin misi luang neite Hehnepna sum pen akilawmzah
kipia ding hi. Order ngahlopi mipi buaisak dingin bangmah vaihawm kei
un ciin vaikhak hi kici ta leh Myone leh Veng hausate in amau Aana
neihna bangin tuatin hantuah ding vai laihawm pahpah uh a, mipi
lauthawngsak hi. Hithute hangin Kawlgam level tawh 8888 Sangnaupangte
in zum ah thubawl ding uh hi.

 

Asawtlo-in 8888 makaihna tawh mipi sandahpiahna nasia takin om ding
hi. Atuah nailote in 8888 vaihawmna ngakin tuahkul nailo hi ciin kong
zasak uhi. Gamdang om Santa Han leh Tahan Han 6 ah misi neite in zong
tuah kul nailo ding hi ciin kong zasak uh hi.

 

Mipi genna hangin Buldozer zong akhawl hita hi. Tukal sungin ahun
zuiin thu hong kizasak ding hi.

 

Santa + Taungphila Han6te Committee
Kawlaymyo 

 


Comments




Leave a Reply