WWW.TUNGZANGNEWS.COM

 
Zanni in Syria gam ah singlamteh tung’h mi 2 ki khailum


Tangpi tangta mai singlamteh tungah kikhai napen Siangtho Ni Ngani leh Khazih Thawhkik pawpi hunsung in Tapidaw pawl tuamtuam in zehtanna limlahna in kinei bek ahihi. Tu’n Syria gamah Syria Islamist Ngongtat te thuneihna khua laizang mipi muhna ah zanni in mi 2 kikhai lum hi. 


Syria tualgal sungah Sarin gas( Huihning/ huihnamsia)tawh, meitui/ datsi bungpi (barrel bomb) te tangpi omkhopna numei naupang naungek deidanlo in zusa kua meikhut bangin kikhut sangin lah cikziat huailo zaw naven, tu’n khuamtung khailup thuak hong tamsim ta cihi. 

A

​nuai 
aa limpen, ISIS kici Islam ngongtat pawlte in tuni aa khailum mi 7 lak ah khat hi, hih limpen ISIS te tweeter tawn in hawmkhia uhhi. 2014 kum a hong gingkhia hih ISIS pen Islamic State In Iraq and the ash-Sham cihna hi. Gamhtat leh ngongtat nalam ah Al Qaeda te zawlta cihding aa pha uhhi. 

Hih khuamtung kikhai pen a khut le khe siktukilh tawh kikhen in a singpeek tungah sisan keunailo kimu thei hi. Puansia vomtawh mit kituamcip sak, zolai sangnaupang gualding te a mai lamkhat na ah ensak uhhi. Hihci bangpeuh a naupang pattah na uh hilo dia.

A misi pen kumpi lam maw, langpang lamcih kician lohi. Hih tawh kisai thu kicing a kikan sanlaitak hi. Social media ah hih lipkhap huai ngongtatna khah zihziah uh aa, member zonna dingin a neih uh cihi. Tua in, tha hat in muantaak hi ung cihlah na cihi. A kihawmkhiat zawh sawtlo in lungdampih na, pahtawina, thupi sakna cihbang laimal te ciakna/ comment mun ah ging lialua ci uhhi.

Hih thupiangna Raqqa khua pen Syria Tapidaw khuakhat hi aa, ISIS te in pawlpi Makai te tungah thuthum zasak uhhi, Islam ah piangthak ding maw, kongcih bangbang in gamta luheek dingmaw aihkeh sihna cih thuthum teelsak uh cihi.

Tu tadih inzongh Tapidaw tetung ah ISIS in siahsum a dong ngekngek lai tak uhhi. Hih ki khailupna pen amasa pen hilo in, Thawhkik Nipi Ni zawh a masa pen cihnop na bek ahihi. 

Hih khuamtung ah kikhai napen ISIS te thukhen zum hipah, ngongtat limlak hipah, mipi tungah thuneihna limlak zong hipah ci uhhi. Amau thumanglo te lamtawpna muhsakna zong hipah hi.

1996 kum Tedim, Tonzang gam ah hong thunei nuam CNF/A tezongh mipi tungah thuhilhna leh thuneihna limlak na in mitampi in thuakkhin hi, siahsum tawh kisai thukhen na in Saiizang hausa tetung ah hong ngongtat khin uhhi.











ZH



-- 
-- 
WZC member na lutnop lehwww.zozum.com pan WZCForm ki fill-up thei hi.
WZC journal na simnop lehwww.zozum.com pan kisim thei hi.
WZC organization network na etnop leh www.worldzomicongress.org pan ki enthei hi.
WZC Social network nong hawhnop lehwww.freezoland@groups.facebook.com ah hong hawh in.
 
Z-Zozum zuan gam leh minam,i Pasian a ding na sem khia!
 
You received this message because you are subscribed to the Google
Groups "ZOZUM" group.
To post to this group, send email tozozum@googlegroups.com
To unsubscribe from this group, send email to
zozum+unsubscribe@googlegroups.com
For more options, visit this group at
http://groups.google.com/group/zozum?hl=en

--- 
You received this message because you are subscribed to the Google Groups "ZOZUM" group.
To unsubscribe from this group and stop receiving emails from it, send an email tozozum+unsubscribe@googlegroups.com.
For more options, visithttps://groups.google.com/d/optout.
 


Comments




Leave a Reply