WWW.TUNGZANGNEWS.COM

 

A--(F,J,Q,R,X,Y sim lo)----Z ciang.
A.......?w tawh.

--Ang nun khum:--nu te nawi tuii.
-Al bangdah:--dah lua /lau lua .
-Angkawi:--zi.
-Ak pi nawi hawm:--nu mei ta nei lo/ ta ciah san/ ta khawi thei lo.
-Ang van! :--kem cing/ ta bg a bawl.
-Ak tui suam si la suam:--ta khawi lo/ na sem te tung ngong tat te/ mi that te..
-Aawng:--bang mah om lo/ a vang.

-Akpi khuanhang khuavaak lo:--nu mei thu bek tawh na khempeuh ki zokhin lo.
-Apham ma sa & A tul ma sa:--a si ma sa.
-Ak geh tuak loh zawngkhal:--deih sak luat a thu hilh na ki siat lawh thei.
-Ak ta duh ngawl kuangki leh khup:--duh luat deih luat a ngawh tat na pen hamphat na tawh ki pelh thei.
-Ak kha guh in saii pi man:-- pasian piak kaamleh vaang tawh ki lawh cing.
-Ak ta mangkuan ki tu tu:--makai leh kih taak om loh na ngongtat na leh ki khen na piang.
-A ma sa:-ki pat na/u zaw/maa vaan.
-Ak ih mu bang!:--ih mu mel lo/leek/ gal nei bang.
-Ak ek tawi nuai san:--thu sia gen a za kik nuam lo.
-Ai sa llo ngek a zol:-- u ham a moi lunggulh/ na nengkhat tawh mi kheem te.
-Angsung thei:--a mah bek ki khual.
-Ak ek kawilawng ngam suangtat sat ngam:--lungsim ki cing nai lo.
-Ai kua haan! leh tap tung haan:--inn sungsin tom leh inn suang a mi to nuam te.

B..............?

-Baalteh tungtui sun:--a ki hilh thei lo/ thu ciam teh thei lo te.
-Baang:--kongkhak/ a cian lai.
-Baakbang:--mi ki lang neih pawm kawi kawi.
-Baangmai:-- kongkhak mai/ kongkhak tung.
-Baak vat bang:--tha khat a sia / naak siat lua.
-Boih:--neu lai/ heh pi huai lai/ nauu.
-Baangkua kaan zawh ga! tangkhawl:--a maan lo ki ngawh na pen ki ciam na leh tju man na tawh liau na bg mah piang lo.
-Biing:--buungbit/ a zom nei lo.
-Ban zaal nunkhum:--tha gui tha tangtawh tha lawh a ngah.
-Buh al/ bual/ khuang:--ak khuang.
-Bi cim/tel:--inn tung dal bi.
-Beel gongheek leh thei va tuuk:--mi zah pih mi sim mawh te sanggam nei lo te zong thu thuk in pil zaw thei hi.
-Bawwm ta:-zawl tuah/ nek leh dawn a sem a bawl a gim te.
-Buahin ka meitun ciangtong ning ci:--a tang tun zo lo di kam pau na te.
-Be li paak! :--nu ngak tangval hun.
-Baawm peek:--a tang! zang van koih na.
-Benghem ah za:-a bei sa thu lungsim ah suak kik/ a ngeih lu lo khat a za kiau.
-Bangcik ciang:--bang hun te /a sawt mah ciang.
-Be li thok nawn gah pha:-- mi mak sa numei in lawm nei kik leh ta hau thei/ mi sim mawh te zong khang to in mi nuam sa suak thei.
-Buai vom :--vom.
-Buanlei suak:--si/lei a piang.
-Bui pi suangzu la:--A om lo na zon muh hak.
-Baangmai gal lu:-i langte lu tang baang tung a ki suang te.
-Buipi leikeei in zongkhua ngai:--na khat peuh ih sep ciang a piangdi thu phawk ma sa ngaih sun ma sa di.
-Baan zal:--khut.
-Buipi phak kuan a taawp:--ma tut ma a khawl.
-Bil vuh loh:--a ki hilh lo te.
-Biang:-beng.
-Be sam:--lu tung a sam.

C......?

-Cial dawh:--inn ka.
-Cian daak:--daak.
-Ciam :-khen sat /gen sat.
-Ciah kuan baal em :-ngaak lah kawm na sep/sih kuan neek zawh nawn loh an ki neek pi te.
-Ciam nuih gal suah:--mai ngaap luat a kam pau ki sang khial te.
-Ciamna tong dam nem:--ki thu tuak a thu ki kup / ki thu kim na.
-Cici! ta vaak :--i pai na peuh ah nu leh pa pau ki zui thei hi ki ,dop huai..
-Ciimnuai a sabah gel tui ah thuk:--lungdam na heh na ahi zongki mangngilh lo ki thuk kik tei tei.
-Ciintawi tuai tawi:--u leh nau te ta/ uleh nau te huh sa.
-Ci na na :--sih phut/ a kang di.
-Ci om lo:--sa lim lo/ ma kai khat sia khat om lo in nop na leh khan toh na piang thei lo.
-Ciin thang:--Upa sal.
-Ciinlia -u numei.
-Ciing:--ta nei thei lo/ tuh / a hoih a poi phawk nang ciam teh.
-Cingh:--khoi kem.
-Cing:--ki sam nawn lo/ nuei min .
-Cil:--kam sung a cil/ tuan zaan / gawi vui.

D......?

-Dawh kaan :--sual/suangphah tau.
-Dawh dan :-tau neu.
-Dawh nam :-tem nam sau.
-Dahpa tap tungkal:--tha dah na leh sin tom na in inn sung ngong tat na piangsak .
-Duang:--pum pi.
-Dah pa khuang:-- a hoih zuih dingthangpai/ mawk ngah nuam.
-Dam ding tunglun mang sinthu:--dam dingpasian thu.
-Deih tel vaal:--a hoih ngak2 hun in pai san .
-Deek lam tuk tum zong gal suak thei:--muanpen suan pen te tawh ki lang neih thei.
-Duh om na lehngaih omna:-- lung sim tuk na leh ut na ki tungzo ve ve.
-Daai nen kham kha:--han a lungzuang tha zawm lawh.
-Duh hop sa mal man:--huai ham/ nei na pi a nei lu te khual lo mawk ngah na ci a lawm te a khual lo te.
-Dam tui kul thuk:--tui thuk/ mi lungsim hoih mipil thu khual te.
-Deih teng kim na:--vantung gam pasian kiang.
-Duangpaal hoih:--khang no hun a mel hoih te.
-Deihci  bangteel:--tup pen sawm pen deih pen.
-Duangsuah paal hoih:--mel leh tha ki cing hoih.
-Duanglai kai neem:--sap na khem peuh taai na ong / mi lung zuang.
-Duangtham zenlia ho nem:--nu mei thu siam kamkhum aw! nem te.
-Duang kuai:--ngai lua / gim lua.
-Duangkham kha:--Ci nat a vei lung lengkhua ngai te.
-Dawl:--zom/ laih.
-DAwm:--lim kep/ Zang!Siam .

E..........?=.

-Ei ki pom:--ki mai sak ki tel siam ki huu,ki pan pih.
-Ei sin thu:--Ei thu bek.
-Et lawm:--hoih/muh nop.
-El! :--a ki thei mel lo a zah pih na.
-Ei bang se se:-- ki lawm lo pi a nop na dah na ham phat ham siat tuak na.

G......?  =.#

-Gual:--lawm kim pih kholh pih.
-Gallu:-- i langte lu tang.
-Gal ngawng tan :--a ngawng pa pa lo a lu guak.
-Gip zongkhuai zong deiha ki khek :--A hoih a up mawh a lo te.
-Gal sial bang don:-- lungleng kawm sa a gal et et.
-Gangmuan bang:--lungnop om sep leh bawl tha dawn a huh te.
-Gal khua daak:-- gal et et.
-Gal dot len mual:-- et na peuh a mual lian ong dong te.
-Gamneem tul kung:--lei hoih na apo singkung hoih te/ mi hau mi lian gam a mi pil mi thu thu thu khual te.
-Gal lu kih ta gal lu tuak:--pasian seh sa i gal te ki phu kha ve ve.
-Gangpil ui pil ki man zo lo:--neekna dawn na a siam te bang mah ki phawl zo lo.
-Gal khua ki do'n ni :-- om na pai na peuh pa ki khoi ko vanki kem ki huh ni.
-Gelmawng e sial mawn'g:- - ngaih sut in nei kha ngei lo/ ngaih sun kei ning.
-Gual lel min thang:--lawm te thu pi gen.
-Gual mi tongluan:--mi te lawm te thu gen.
-Gual tawi sanggah:--lawm te ta , a ta gah te.
-Gual nun nuam ah:-- mi nop sak na ah.
-Gual hem tongdam:--lawm te zuau na khem na.
-Gual hempam paih:-- mi te lawm te deih loh nawl khin na te.
-Gual san muangsak:--mi ki lam en sak.
-Gual lel tong khum :-lawm te aw! nem kam khum.
-Gual nun kai leek:--lawm te sang nuam sa pi zaw hau zaw thu pi zaw.
-Gual nun khum no:--lawm te nuam sa te/ lawm te nawi tui.
-Gual tawh teh kim:--khang cing/ nei leh lam mi pha.
-Gual bawl hi lo:--mi te lawm te bawl hi lo.
-Guallel sin thu:-- khan pih kim pih lawm te thu gen.
-Gal gim nam:-- gal thu ki za.ki gen.
-Gamhuih si bang nung khawm hiau2 :--nuam tak a om lai ki thu tuak lai.
-Gam tul ta leh:-- bang mah piang lo bang mah nei ta kei leng zong.
-Galkhua don mal bang ko:--lung nop lung len na te lam na pi paa gen.
-Git ta tuk tun:--tawm vei sung nei pak!.
-Gal khua don leng len mui kai:--lam na pi pan en in ngaih sun leng lung zuan huai.
-Gam sia gul bang li kik ve:--a teek te moi kik/ a si te tho kik leh.
-Gamgua hah:--mi dang puah zuun.
-Gam gua bang hah:--gam leh nam pan pih puah zuun.
-Gam suan zomawng sing zong tu dong ki kawi:-- Zogam a piang  a ki puah lo mawng sing zong ki kawi lai.
-Gal ven nung:--thu maai zawh / a ki sap nawn loh hun.

H........?

-Hem:--la khia / zuau thu.
Ham :---teng khia / khawm/ gam paa.
Huih khi :--vuih.
Heii:--ngat na nga suk nga to.
Hei! :--singphuk na hei.
Hongzen:-- zo lua .
Hausa sialmei let sial mei let:-- khan toh na di gel lo a a om sa bek zuih na leh / ei thu bek cih na.
Hongleng ve aw:--ong pai in .
Ho lung cim lo:-- hun hawm thawh/ za nuam lai thu gen khawm nuam lai.
Hau sa tel in kuang zawn ban:-- ma kai khat mi pil khat pah tawi na pen nek na dawn na ham phat na ki lawh taak .
Ho nuam deih paak:-- khang no thu siam lung sim hoih a deih huai.
Hau sa thu leh nau pang thu:-- i kam in nial ta leh a ki zui tei tei te.
Ho lung ki kum khawm:-- nuam tak a thu ki gen khawm.
Hin lai nuam no:-- i ngaih te tawh dam lai.
Ha kai pah tak lung heng:-- mi hoih a i up mawh te na sia lua thei.
Hik pi cip khap nuam tuam:-- ki huh ki pan pih na te nuam tuam mah2 .
Hin khua a ding:-- nun tak sung teng a di.
-Hongkhengzo lang:--ongpai san thei keng.
-Hai thei bang lo:--A min sam / ngah.
-Hai bang ngak:--ngak/ sawt ta leh ngak.
-Hiang zawl kung:-- beh ki zop na min.
-Huih sia guah sia:-- thu sia la sia dah leh kah na.
-Hum pi gil kial in piau neel baak:--neih lai tak a mi phawk lo te  a cih mawh ciang a pan pih ding om lo.
-Hei suk hei to:-- nga suk nga to pai suk pai to.
-Hem lam sin thu:--mi zuau thu/ a man lo kam pau na.
-Hem a kong lawh:--zuau gen na a kong zat/ na min kong sap khiang.
-Hongnem ding om lo:--a lungkim nang a deih a ngaih te om lo.
-Hui va zong mauu khawm:--lungzuan khua ngaih nop na dah na ki thuak pih.
-Hawk guam dam tui:--ta gah / tawmm/khat guak.
-Hun lui:--a bei sa gam tat na .

I........? = #

-I tungsun ni:--ni.
-Itungsol kha:--ak si! Khapi.
-Inndei :--khaan.
-Innlim:--inn liah na liap/ inn sung ma sa.
-Inn nung tawlet:---inn nungkong khak/ padeen.
-Innka niik:--inn kaa to khom zawl pua a peek.
-Inn kaa thal:--inn kaa to khom zawl  tom te.
-Inn cing:--kawmleh zawl ki kaal.
-Inn dall peek:--kawm/sual sik kang.
-I len lai:--khang no hun.
-I khen na ding:--ki muh nawnloh na ding/ ki mi dang muh hun di.
-Izal na:-- i lup na.
-Isen ngaih te:--neu ngaih nei te.
-Ilen lai a i ngaih te tawh:--khangno hun a it pen ngaih pen te tawh.
-Isin thu lel no i tongciam:--ki thu tuak tak leh lung kim tak a i thu khen sat .
-I hei na kai in dang zel:--i om na ki bang lo mun tuam ah om zel.
-Itunglun mang/I tung sianmang/I zua sianmang:--vantuna a om i biakPasian.
-Isen ni nu/Isen tun nu:--i nu.
-I sen zua pa:--i pa.
-Isen ni nu pi:--nu pi.
-Isen zua papi:--papi.
-Isen a pu vun:--i pian na pu.
-Isen a pisei:--pian na pi te.

K.........?

-Kum:--hun khat ciap teh na/ na sep ki kum.
-Kuum:--an leh tui/ thu leh la ki kuum.
-Kuam:--a vek in.
-Kheng:--pai san lap nawn lo.
-Keek:--ki tam! Ki sia.
-Kheek:--laih/a dang tawh.
-Kho:--kip/ hah siang puah.
-Khal:--lungzuan huai/ na khem -peuh ki sam.
-Kham:--keen/phei om/ deih nawn lo/ki tah.
-Khi:--tangkhat2/ki zom2 .
-Khiang:--la sa/ pang/ dam dam in.
-Kiang:--kei.
-Kuai :--vaal lua/ kawi sak/ sawt lua.
-Kai:--pai na tun na/len/sap na ---khem peuh ong huh te.
-Khuang:--hun khat/mi zak di/ aw! Pi tawh pau awng.
-Khawl mun:--hun khat bei na / ki ngak na.
-Khatlah ka temkhat lah ka paai:--gup tuam paih tuam di om lo it -leh ngaih te vi ve.
-Khawh ma mun:--ma baan/ sungleh pu/lo gam.
-Khawl mual ciang:--tawl khawl na gei/ki phat sak na hun khat bei na.
-Komkim tapa 7nei nung kik:--ki lungmuan sak nang om lo/ na --khem peuh pasian muh loh a piang om lo.
-Khamkhua pi:--vantung topa kiang/ ZOGAM Khua pim/mual tung gam.

-Kham gam:--mual tung gam.
-khua/ziin:----hunkhat gen na/ ahoih lo kamsiat na lam gen na.
-Kam sia sial liau:--thu sia khat mi mawk gen ki liau thei.
-Kam siam liau sang:--ci tak a /kam khum aw nem a zangh te lungdam koh na ham phat na tam pi ngah zaw.(liau se hi lo.)
-Khua khall vak:--lungsim kiu khat suah taak hun/ hun lui phawk kik hun.
-Kawl mangpa thu ak pin phiat nelh:--pasal thu manglo zi/ mai kai te thu numei poi ten nial .
-Khua mui kaai:--et na khem peuh lung zuan huai/ zaak khem peuh lua len na vi ve.
-Kawl zawng dui dam in ki ho:--mipil mi thupi te bg mah nei ta kei leng tuilum beek ki suah.
-Kawlgit su luk:-- tawm vei sung bek khual na.
-Khau bangciah:--pai khiat cil na tung kik.
Kau phen a sihnang kung mui --zuan:-- mi hing gan hing i sih na ding pasian seh sa mun ki zuan tek.
-Kho mun an lum:-- thu ciam na moh.
-Kau nei ki suang:--khial na khat peuh a nei te ki suang.
-Khai kha:--aw kha ham siat.
-Khau sau lua kikai awk:--thu leh la tam lua ki zui zo lo tangtungzo lo.
-Khai ci:--a pungthei / na man pha./apo thei.
-Khai kha a gui ah gah:--aw kha ham siat tu leh ta ten thuak thei/ tu leh ta ten aw kha zang thei.
-Kham kha:--lung zuang tha nem zawm lawh.
-Khua nungtheih leh sa nung kaap:--a hun lai a ki pan pih lo a sia a piang zawh teh ki pan pih/ nung lui lui.
-Khangdam nem:--beh leh phung nuam te.
-Khangdam tui :--tui khang/  beh leh phung sung thu khat peuh.
-Kawl zawng nai puan teng:--gam thu pi ah a zawng pen ten zong -nik leh puan hoih nei .
-Khau bangki kai awk:--thu khat peuh deih bang thei lo a lak ah a hel sia nuam tam.
-Khawl khawm:--mi 2 pan a tung siah om khawm suak ta tak a om.
-Kangh mei bang sa:-- heh suak thangpai/ sa lua / neh ngam lo / thupi lua.
-Kai bang ki zawl:-- thu leh la gawm khawm thu hoih lam.
-Khang gui:--pian na ki zop pih u leh nai tepteh na.
-Khentheih loh:--a ki gawm ki khen thei nawn lo.
-Ka lungdeih no:--tup pen sawm pen deih pen te.
-Kho lop ton khuang:--gal aih sa aih na a khuang .
-Khua dosa muan:--na khat peuh tawh lungkim a vaak nawn lo.
-Ka nuntak na a khawl ma teng:---sih ma teng nun tak lai teng.
-Kawl ciang :--thau.
-Kawl hei:--sing phuk na hei.
-Khawk:-- mun khat ah khol/hon om.
-Keem:--hon om/tawm vei sung koih.
-Khuak:--ngaih sut na uk.
-Khinpi :--mei tung a tau ki dawh te.

L......?   =  #.

Lai tual:--om na pai na tun na.
Lan dang:--zaak2 ngei loh thu dang.
Lai gil:--gil/ lung sim tawng.
Lai kuai:--ngai a gim/ lung lengkhua ngai sak.
Laak mai:--mai tang.
Luan khum:--kam khum aw neem.
Len khua:--khang nolai a om na khua.
Langsam&  lang sum:-- a zom nei lo/ a khat nei lo / lawm nei lo.
Lung zuang:--kha sia/ hun lui ngai.
Lau kha :--khaa.
Lung tuak:--ki thu kim.
Lungsial:-- ngaih sun.
Luang :--pum pi.
Lang lam:--lawmnu lawm pa.
Lang lamh  :--tu leh ta neih leh lam.
Lel:--gen/ a dawn/a muk.
Len :-- thang/ khang no cil.
Lim:--a nuai / a liah na ah/man.
Lung:--ngaih sut na/ gah hing neu.
Lam sak lehpu te ki neek zo lo:--phung kil ki pai theih loh mah bang in pu te lo pudang ki ci thei lo.
Luankhi:--khi tui.
Lu sum:-- a ngawmg paa lo lu guak.
Lungsom kul thuk:--mipil mi thupi te/mi thu khual te.
Lungzuang khat tang:--khat guak lung leng tha neem.
Lawh sia zi khek ngei na:--a ki zang thei nawn lo van khat peuh a dang tawh ki laih den.
Laizom :--sang gam nei lo.
Lungtu lo:--ngaih sun thei lo/deih lo.
Lungsit ken:--na lung sim kei a ding khaak ken / tuam koih ken .
Lawm ngaih leh mei am sa:-- lawm ngaih te ki en2 ngam lo.
Lau kha lung zuang:--kha lung leng.
Langlam se sum:-- sum leh pai lawh .
Lang:-- i gal te.
Laang:--hiang pha/nang/gua.
Lo zonkhialh kum khat zi Zonkhialh khanvkhat:--lo kum khat a ki khek thei zi ki khek 2 thei lo.
Lung zuan nem om lo:--a lung kim sak ding a kho do om lo.
Lai kuai a duang vui:--ngai a gim lung zuang tha zawm lawh.
Len lai tong suah:--khang no lai a pau leh haam .
Len hei sa aw:-- khangno hun a bei sa te aw.
Len pih gual:--khangno lai a kholh pih kim pih lawm leh gual.
Lam tom zui nuam kum kua a tung lo:--ngaih sut khialh na leh ol ngaih sut na tawh tang tun ding ham sa.
Len tual kia:--khangno hun bei/ mi thah/ khang no lai a lupng ngak a om te zong.
Len cil ka deih:-- khang no tumg a deih it pen ngaih pen.
Leh lan huih khi:--ki gen siak na thu ki bawl sak na/ ki haan sak na.
Leng dang paal:--mi dang hoih te.
lungtup sen deih:--neu ngaih.
Laitual kong len:-- na kiang ah kong pai.
laak mai luan khin zel:--mai tang khi tui tawh kawt mang.
Lungnun taak:--a om teng gaih mang sawm.
Lingkhei bang:--ki hut na ki pan pih na vai khat peuh ki puak pih na tha khat a nuam.
Lungtuak nun nuam:--nuam tak a    thu ki kum lai.
Lengvan nun nuam:--vantung topa kiang-------:>>>>

Khai Mun @khaimun2012@gmail.com


 


Comments

MySehat.pk aims to provide a quick and easy way for users to search, review and rate medical providers. Accurate and credible information helps them make the right choice for their medical needs.

Reply



Leave a Reply