WWW.TUNGZANGNEWS.COM

 

Abeisa kum 10 le Kum 10 khitciang 




Abeisa kum sawm lai-in nulepate i tanu tapate i hi hi.

Kum sawm khit ciang tanu tapate i nulepate i hi hi. 



Abeisa kum sawm lai in inn i khalum nuai a cih i thei kha kei hi.

Kum sawm khitciang inn i khalum inn  i lunggulh hi.

Abeisa kum sawm lai in inn tawh kigamlatna mun ah paikhiat theihding I lamen hi.


Kum sawm khit ciang a gamla pan inn I ciah theihnang I lamen hi.



A beisa kum sawmlai in I nu I pa te I otsankik hi.

Kum sawm khit ciang I nu I pa te hong otsan ding I lamen en hi.

Abeisa kum sawm lai in inn ciahna lampi ah huihut in siksakol I sik hiathiat hi.


Kum sawm khit ciang I mawtaw hawl in gen ding a bei theilo phone tawh nasepna mun ah ei I kuankhia hi.

Abeisa kum sawm lai in Five Star Hotel ah ngiak ding cih I lamen hi.


Kum sawm khit ciang Five Star Hotel ah ngiak in inn I phawk hi. 

Abeisa kum sawm lai in vanleng khatvei ka tuankhak ding i lamen ngeungau hi.


Kum sawm khitciang i lau pen in vanleng tuang ding hong hi hi.

Abeisa kum sawm lai in bawhlung suihna pan ciahin niangtui sai mai ka nawk ciang, niangtui sai sungah nungaknu tawh kimaingat in a tupa ka hi nuam hi.


Kum sawm khitciang niangtuisai sungah ka tut kawm in sai mai hong nawk bawhlung suite en in  kei zong amau sungah khat hih ding ka ut hi.

Abeisa kum 10 lai in nulepa le siate hilhna ka manna dingin laietna sabuai tungah ngattak in hong kipuak hi.


Kum sawm khit ciang amaute thuhilhna ka zakkik nop hang kei ading sabuai om nawnlo hi.

Abeisa kum sawm lai-in ansai ngei a zukhampa kihhuai sa-in ka khangtawn in zu dawn kei ning ci-in ka tum hi.


Kum sawm khitciang ansai ngei-a zu khampa kei ka hi hi. 

Abeisa kum 10 lai in mawtaw neih ding ka lunggulh a, mawtaw nei peuhmah leng lamsiau nawnkei ning ei ci-in ka lamen hi.


Kumsawm khit ciang mawtaw hawl ding sangin lamsiauh ding ka lunggulh zaw hi.

Abeisa kum sawm lai in ka maitang tungpan khangcingta ing cih ka lak nuam hi.


Kum sawm khit ciang kipuahna saloon sai pai-in ka moi suah nang ka hanciam hi.

Abeisa kum sawm lai in kei le kei singkungpi khat ka kisa kha hi.


Kum sawm khit ciang keipen lo pa kungno khat ka hih taktak lam ka kiphawk hi.

Abeisa kum sawm lai in ka phengzat theih penpen in hun ahi hi.


Kum sawm khit ciang hun lo gal ka ut bangbangin ka phengzat thei hi.

Abeisa kum sawm lai in nuntakna pen ka ut bangin ka kimawlpih hi.


Kum sawm khitciang nuntakna in a ut bangin hong kimawlpih hi.




(Nainai Sanay Facebook pan la-in Kawllai pan Zolai ah ka let ahi hi. Abeisa kum sawm le kum sawm khitciang cih ahi hi. Tuzawh kum 10 ah ei bangdan tek I suak tam? Hihthute sung pan khat teitei tawh kituak kha thei ding hi hang.)


Itna tawh 
Zam Thuam


 


Comments




Leave a Reply