WWW.TUNGZANGNEWS.COM

 


 
Dahna Pulakna: Mangpha Nu Tual Lun Cing

 
Zomi Innkuan USA
Executive Committee



DAHNA PULAKNA

Mangpha Nu Tual Lun Cing

Georgia State, Atlanta khuapi a teng, abeisa hun a ZIUSA EC panmunlen Pa Thang Suan Gin (Samte, Tuikhiang khuami) zi, Nu Tual Lun Cing (a) Cingboih (Gualnam, Thangzang khuami) in damlohna hang tawh May 23, 2014 ni in mual hong liapsanta hi. Nu Cingboih pen a pasal leh a tate thum, numei nih leh pasal khat, in hun sausim khat akep akhoi khitciang a kiphallo pipi mahin ahong nusia ahih manin khasiat huai mahmah hi. Adiak in a tangek pen kum nih leh alang a pha pan ahih manin, dahna tampi lakpan lunglen khuangaihna tampi hong piangsak hi.
Nu Cingboih hong nusiatna hangin adah akap a om, a pasal leh a tate a kipan, meeltheih tanaute, a khuapih tuipihte, a pawlpi mipihte tawh akibang in Zomi Innkuan USA kipawlna Executive Committee pawlzong nakpi takin kidah a, kikhasia mahmah hi.



Nu Cingboih pen Zomi Innkuan USA Genvai Thukhun zui in, Genvai sumte kician takin ahong khia, Kivuina Sum angah ding a kilawm Zomi Innkuan Atlanta kipawlna Pawlmi khat ahih manin, Genvai Thukhun zui in Zomi Innkuan USA kipawlna min tawh luangphamna kibawl ding a, a luanghawm pen May 31, 2014 (Saturday) ni ciangin RC Pawlpi ngeina tawh hanmual ah kikhata ding hi.



Nu Cingboih hong nusiatna hangin adah akap khempeuh anungta Pasian in hong hehnem henla, thathak hong guan in, a it mahmah a tate teng khangual apha dingin hong kepsak tahen ci in thu ka ngen uhhi.



Executive Committee
Zomi Innkuan USA, Inc.

Tulsa, OK, USA
May 30, 2014

 


Comments




Leave a Reply