WWW.TUNGZANGNEWS.COM

 
May,6.2014 ni in Yankong MPC Zumpi ah Zomi Development Foundation –ZDF makai Pu Paul Pau in ih Zogam ahi Tedim/Tongzang/ Cikha/ hih ih Zogam sung ah Japan kumpi pan Palai pa leh ZDF ki pawl khawm in Galpi nih na a, Japan galkap asi te guh zong khawm na ding in lai va ten hi. May,7.2014 ni in Yankong pan Kalay pai khawm Kalay pan May,8.2014 ni ih Zogam Tedim khuapi ah May,9.2014 ni in Tedim khuapi pan Sing gial khua ah tung in May.10.5.2014 ni pan May,12.2014 ni dong Cikha Huam Sing gial gam, Kan sau gam, Tui khiang gam ah galpi nih na a, Japan galkap asi te guh te leh a van zat te uh zong khawm in lung kim tak in gual zawh na la uh hi. Jun kha pan July kha Khanih sung Zomi Development Foundation –ZDF ten ama ban Tedim khuapi huam leh Tonzang Huam sung teng zong lai ding in thukim na nei khawm uh hi.



BANG PHAT TUAM NA OM DING

1/ Galpi nih na hang in Kawlkumpi te tung huh na ka piak uh Mualtung miten ngah lo na hih man un Mual tung mi te kong huh thei na ding in hi thu mual tung mi te tawh bek sem khawm ding huh na kong pia ding uh hi cih na taw ki zui in 2013 kum in ih Zogam bup tang in Zomi Development Foundation –ZDF makai Pu Paul Pau leh Japan kumpi te thu kim nalai tawh Letmat (Suaikai) khawm uh hi.

2/Tu Tung tang in ih Zomi te kipawl na bulpi a hi Tedim khuapi ah ZCD Makaipi te tawh Japan kumpi te palai ki kup khawm na nei,

3/ ZCD Makaipi Pu Cin Sian Thang leh Kalay ZCD Committee te tawh kimuh khawm na nei.

4/ Zomi khang No ki pawl na Kalay ZYA makaipi te tawh a Zumpi uh ah ki muh khawm na leh An Nek khawm nei.

5/Japan Kumpi palai in mai lam hun ah Zomi nam te ka hih zawh zahzah in hong pan pih ding na hak sak na uh na Zogam uh ah ka sik na mun ka mu na ah na hak satnate uh tel tak in ka mu hi hong cihi.

6/ Japan kumpi te leh Zomi Nam te mai lam hun ah na gam uh khan toh nading in ki pawl khawm ki thuah khawm toto lai ding in kam ciam na hong pia hi.

7/Na Zogam uh ah Japan Kumpi lam a za lian pi khat tawh hong pai in Ki lem na kipum khat na ki it na nei khawmna khawmpi khat zong nei ding in kam ciam na hong pia hi.

8/ Japan kumpi pan Ih Zogam Puah khawm zunn khawm ding in Zomi Development Foundation –ZDF tawh ki khut let khawm ding in hong gen in Zomi Development Foundation –ZDF pan thu kim na ki nei khawm hi.


Mun tuam gam tuam a aom kong it kong zah tak ka Zomi nam bup te’n ih Zogam khan toh na ding in thu ngen na tawh a hi zong in athu alai tawh a hi zong in nong pan khawm pih ciat na ding in Zomi Development Foundation –ZDF pan kong zawn uh hi.

ZDF pan NGAIH SUT NA PIAK NA

1/ Ih Zogam khan toh na ding in ih tun na gam ciat ah migen thei te ahuh nuam NGOs te ahi zong in ki pawl na atuamtuam te tung ah gen in ih Zogam ah pai pih in hong huh na ding uh ih gen ciat na ding in ngaih sut na kong pia uh hi.

2/ Ih Zogam khan toh na ding in ih Khua ciat ah Taih inn khat tek ih lam ciat na ding in ngaih sut na kong pia uh hi.
Siang Gial Khua ten Vok khat leh ih Zongei na lam tawh Zam leh khuang Daak tal te tawh nasia tak in Japan kumpi palai leh ZDF te hong muak uh hi.
La dawng nih hong phuah uh hi.


Laphuak – Nu Cing Go Sing gial khua

(A) 1944 pan singgial tang tawn Japan galkap khuai bang hong hang ee.

(B) Pupa ham bang na vai ciat a hei nang melma singgial pan sekpi ah na tai ee….

Pa Gin Khua Mang Sing Gial Hausa pa phuah

(A) Nun nuam liim ngabang ih bual na gial tui van khua sing tan lam bang hong vel ding ci ee..

(B) Lai zom Paul Pau kil bang hong khang Pupa gam zang gial tui van khua phual gia banh zuun khawm ni hong ci ee….

Zomi Development Foundation –ZDF sep khit na thu

1/ A bei sa March ,25.2014 ni in Hai Ciin khua ah Zomi itna a khon khong Zato khat phut hi.

2/May,19.2014 ni pan May, 21.2014 ni dong Thai gam ah Zatui tawh aki sai Mualtung mi te ki kup khawm na ah ih Zomi nam Bup tang in ZDF makai Pu Paul Pau, Hai Ciin Zato Makai Pu Ts. Kham Za Khup leh Numei leh Nau pang makai ZDF Nu Kang Cing te ki pai hi.

3/ Ih Zogam ah tua bek Zato ki Phut lo in Tedim,Tonzang,Cikha Huam (A OhSuh)kim in Zato Phut ding in Zomi Development Foundation –ZDF pan ngim na ki nei hi.

Zomi Development Foundation –ZDF

Office .

Ph: 95(0)9400 534523

Ph:95(0)947072124

Thai-Ph:+66(0)872043566

 


Comments




Leave a Reply