WWW.TUNGZANGNEWS.COM

 
1. Keibek a hai kaki sak leh keimah banga hai zong na om veve.

2. Keibek a zawng kaki sak leh keimah banga zawng zong na om veve.

3. Keibek a sia kaki sak leh keimah banga a sia zong na om veve.

4. Keibek a lungtom phangphang kaki sak leh keimah banga thu saupi khuallo a lungtom phangphang mah na om veve.

5. Keibek tagah kaki sak leh keimah banga tagah zong na om veve.

6. Keibek lungleng kaki sak leh keimah banga khuangai zong na om veve.

7. Keibek a gilo kaki sak leh keimah banga a gilo zong na om veve.

8. Keibek aki pilsak kaki sak leh keimah banga bangmah thei ngaplo akipil sak mah na om veve.

9. Keibek sem a kisa kaki sak leh keimah banga sepna bawlna khat peuh mi ten a theih loh ding a patau mah na om veve.

10. Keibek a kisiam sak kaki sak leh keimah banga siam akisa mah na om veve.

11. Keibek a gim kaki sak leh keimah banga a gim, a tawl mah na om veve.

12. Keibek a huh kaki sak leh kei sanga huhna a piazo zaw zong na om veve.

13. Keibek a lungdam kaki sak leh kei sanga lungdam zaw zong na om veve.

14. Keibek a gualzo ka kisak leh kei sanga gualzo zaw tampi na om veve.

15. Keibek a guallel kaki sak leh keimah banga guallel na om veve.

16. Keibek huhna kisam kaki sak leh keimah banga huhna kisam  zong na om veve.

17. Keibek maipha ngah ka kisak leh kei sanga maipha ngah zaw na om veve. 

18. Keibek maimial kaki sak leh keimah banga maimial mah na om veve.

19. Keibek inntek kaki sak leh mi khempeuh amau muntek ah inntek nahi mawk.

20. Keibek lengla kaki sak leh mi khempeuh amau hun ciat in lengla nahi khin lel.

Khuamu masa te leh thumu masa mipil ten hiteng peuh kaikhawm toto a, mihing vive hilel hang ci-a 'Human Rights' cih kammal ana zangto hiding ci-in, ka sansat ciangin mihing khat a kapian khak manpha kaki sa hi.

Mihingte le na dangdang iki teh theih lohna pen himun ah kilang pah hi. Singkung, lopa, leitung, vantung, nuntakna nei leh aneilo na khempeuh tungah ukna leh septheihna 'potential' pen mihingte in kinei hi.

Mihing tektek sung panin eima' sunga om septheihna 'potential' azang khia thei tengin mihing dangte uk in makaih thei hi. Ei sunga om gige septheihna pen a om lam zong a theilo mi tampi ki om hi.









Dal Sian Hung
Hungpi.Mozello.Com
 


Comments




Leave a Reply