WWW.TUNGZANGNEWS.COM

 
Kisin ding Mi khat peuh peuh

1) . Paak ta ding: Hong ki paak ta, cih thei leng a ki mu thei lo, a kigen khia thei lo na khat in hong lawp sak in hong maitai sak hi. Na puansilh tawh kilawm si cia, hong kici leh tua puan i silhsilh nuam a, tua puan i silh sim in lungtaina khat ih nei hi. I hih na khat peuhpeuh hangin hong ki paakta leh tua na, ih hih kikkik nuam hi. Makaipa pahtaakna kamkhat in nungzuite a dingin hanthotna hoihpen khat ahih lam phawkdet huai hi. Dr. Lian Muan Kim


2). Phat/pahtawi dan kisin ding
Ih mel hoih lo cih pen ei leh ei ki tel mah mah hanga, ahih hangin tua pi mah ngaih baang si cia, hoih si cia hong ki ci leh nuam in gen pak ding ih thei kei aa ih nui piimpuum kha liang hi. Phat ngai dah ki om lo acih mah bang hi. Phatna ah a heh sangin a nuam pen 90% om den hi. Pawl khat pen phat bawl leng na leh lak thei in, ahih na tak uh zong ki phat ngam lo hi. Zogam Mungpi

3). Lungdam ko ding
Lungdam kohna pen thupi mahmah hi. Vocher piak tawh ki bang ci hi. Paul Zampi. Pasian tungah lungdam kohna pen kanpuak kan tawh kibang hi. Pi khat ih kan pen taang khat bang pha thei hi. Supna om ngei lo hi. A hoih kei pen leh pi guk, pi sagih bang pha hamtang hi. A zian zah tungah tampi ki ngah ve ve hi. Pasian tungah lungdam kohding mangngilh kei ni.

Mihing tungah lungdam na kohkik theihna pen na pilna khat hi pah a, na lungdamkohna hang in na lungdamkohna nu/pa tawh hong ki nai sak sem sem ding a, maipha na ngah lawh sem sem ding hi.Zogam Mungpi

4). Mipil leh mihai
Mipil in a khua/innkuan/minam/ gen sia lo a, mihai in phat bawl ngei lo hi. Zogam Mungpi

Zogam Mungpi

 


Comments




Leave a Reply