WWW.TUNGZANGNEWS.COM

 

Dal Sian Hung
Hungpi.Mozello.Com



Luangkham a Zogam ah Mission hong sem Cope Topa in Zeisu cingiat in Zomite zat ding Z mah thupi in hongbawl sak hi. Lailam puahnuam khangthak mipil ten Jesuh aci tawh, Jesu aci tawh ki om ngeingai hi. Z tawh kipan Zomi le Zeisu pen thupi sa lua kahih manin, Topa Zeisu cingiat in gelh ding kahan ciam hi. 

Z thu gen ihih manin, Z ah ataal suak lo kammal pawlkhat hangin kua man telkhialhna peuhmah in hong nei kei un. Adiak in mun le mual zui a kipawlna phungcing sa ten Z akihel naikei leh Z tawh hong bullot toh theih ding uh ka lunggulh mahmah hi.

Kawlgam ah Zomite khuata panin khuapi izuat zawh nading thubaihlo hi. Tedim ciang, Kalaymyo ciang, Mandalay ciang bek hilo in, Kawlgambup khuapi Yangon City ah ateng Zomite pen mi thupi hilo cih theih peuhmah omlo uhhi.

Yangon khuapi sunga Zomi khempeuh kipawl khopna ahi "Tedim Association" pen thupi mahmah in asepna zong Organization lianpi khat mah ahihi. Tua tengah makai zong mimawk mawk kiseh ngamlo, kikoih ngamlo in, apilpen leh amuanhuai pen mah kikoih hi.

Keima' theihna ciangciang ah Zomi hong tawisang mipil Prof. Dr. C. Thang Za Tuan pen Yangon khuapi sunga Zomite' makaipi ahihi. Tedim Association a makaite pen Leitungbup Zomite lak ah mipil pente mah hipah uhhi. 

Abeisa hunlai in Township minpua a kipawlna tawh ading toto ahihi. Ahi zongin tu-in minam min tawh deihpha tak kidiang theita ahih manin, Tedim Association panin "Zomi Council of Myanmar" cih bangin min tangzai khat tawh hong laih ek thei leh kalunggulh mahmah hi.

Kamuan, kasuan mipil te tungah pulakna leh ngetna mipi muh theih kawm dingin hong sungkhia ing.






Dal Sian Hung
Hungpi.Mozello.Com
 


Comments




Leave a Reply