WWW.TUNGZANGNEWS.COM

 
                 Lei tung ah sen te  sum zon siam in na sep  tha nuam thei mah mah uh hi.   lei tung muntuam tuam  ah sum zong uh hi.      a tun na gam te ah  khua pi thei thei ah om in na sem uh hi.   tua mah bang in khua pi  sung ah CHINA TOWN  nei zo pah  uh hi.   Nupa  in na sem in sum zong uh hi.  A ta te uh mi pil mi tei te  kem sak in  pil na sang pi pi sin sak uh hi.    ta te tawh om khop hun tam ngah lo uh hi.  .tate leh  nu leh pa ki it  lo ding a bat hang in  ,a ki it na  uh khang sem sem hi.
       
                        Pa sal te in a pil na leh  a siam na te  a zi  sin sak in hilh hi.  khut siam na  sum zon pai zon zia te hoih tak in hilh hi.   Pa sal in sih na  kam siat na  a tuak leh  a zi in a ta te  a vak zawh na ding  hoih tak in pat tah uh hi. mi nuai a om ding in phal lo hi.
                                 
                      Sen ten sum tam pi nei leng """  na tam pi sem ding na lian pi sem ding company""" hong ding. ci uh hi.  a hauh na uh  bei sak sawm lo in khang sak sem sem uh hi.


                      Zomi te zong sum zon siam in  ki tha nuam thei mah hi.  pil na nei zong tam pi ki om hi.  a hi zong in i nun tak zia leh  lung sim puak zia pen    papi ten na sem ding   zi ten ta te kem ding    zi leh ta vak ding.      inn  kuan sung ki it ding nuam sa  ding    .i ta te mi kem sak lo ding  en kem zaw ding    i ta te heh pih huai sak lo ding ..man mah hoih mah hi.    a hi zong in  nau kem nau cing  nupi  a tam zaw in     tate   ABC  zong  a hilh lo mi tam pi ki om hi.
                     
                    Miten khua pi thei thei zuan in  na sep hoih  zong uh hi.   zomi te i hih leh  na sep tam na khua no lam zuan in    mi sep nuam loh na sem in    set zung  / sa sai lam   ki zuan ziah ziah hi.     i pu i pa te kawl zang lam zuan lo in    kham tung gam  lo khawh na gam a zuat bang un  tu lai khang thak  zomi USA  ten Zomi te tam na leh    na sep hak sat na lam ki zuan tek mawk hi.
                    
                  Sum tam pi nei leng  na sem nawn lo ding man nek ding (thai saa) ding . cih lung sim ki nei tek hi . a tawp na bek ngaih sun in beh lap ding ki sawm nawn  lo hi.

                     ZOMI ma kai pi te  NEWYORK  Leh WASHINGTO ,DC  ah han ciam tak in om in khua hong   sat leh  zomi ten ki zuan ziah ziah ding a  ZOMI te khua pi  hong suak lel ding hi. mi nam a ding  na sep na    lian pi  hi.

                    USA  na pai ciang in siang tak in ki puah in   na nik  na puan te hoih tak in sawp siang in..( Namsia)  hong pua kei in . nik ten puan silh a lui hong ki piak leh deih kei in  ...a thak in zong tam man tuan lo hi. a thak  lei zaw in .ci thak leh nam sia  cih te  om thei kha ding hi.
ZOMI te tam na ah ki gen siat na tam in Namsia zong tam hi...
                  
                   Mi te nin paih na ah  tut phah sia .  sa buai sia  na muh leh  a hoih lai mah mah zong in  la peuh mah kei in . bang mah nei lo in om zaw in ..thu pi zaw hi..  kumpi ten na inn ah Namsia  khat a muh leh  $800 ta hong  leu sak ding hi. inn sung ah  ZUUSA  inn LAWI  leh NAMSIA  a om loh na ding in . inn ngak nupi te siang tho na lam  ki sam mah mah kha ding hi.
            
                    






 


Comments




Leave a Reply