WWW.TUNGZANGNEWS.COM

 
Zomi leh Zogam tawh kisai

Dear Laizom Zomi pihte,

Sak pan khang pan huihsia ong nung theizel ahihmanin hoih tak kidom tek ni. Zomi sangin sumlepaai, minleza a deihzaw a lunggulhzaw i sanggam i laizomte pawlkhat a omlam mang ngilh kha kei ni. Tuate langpan ding cihna ahih pah loh hangin kidop huai veve hi. Pilna nei, sumlepaai nei khempeuh zong muan ding hipahlo hi. Ama metna ding bek ngaihsun a a kawi vakvak i Zomi sung ah tampi tak om hi.

 

Pilna nei, sumlepaai nei khat pimuh pah ding hilo a Zomi a it mi ahihiam cih et masak ding thupi hi. Mizawng daipam khat zong mawk simmawh ding hipahlo hi. Zomi a it taktakte ahihnamel uh ki theilo hi. Amaute hangin gualzawhna angah i hihnamel i theikhawl kei hi. I Minam ong mangthang sak ding Makai i neih khak ding lauhuai mahmah hi. Zomi a it taktakte mahin ong makaih dinguh lunggulh huai mahmah hi.

 

Mailam ah maikai(MP) kitel hun ong om ciang ei mel theih ei sanggamte tel ding hilo a Zomi a it ngiat, Zomi ading anun takna a piakhia ngam ngiatte mah i tel ding thupi ding hi. Ei Zomi sungah pilna(degree) nei kitam mahmah a ciimna nei kitawm lai hi. Tu tadihin Zomi party i neih sunsun ZCD te mah Zomi makai dingin muanhuai kasapen a ahizongin Pasian in ei adingin hong bangci gelding cih i theikhawl kei hi. Tua ahihmanin a pil a ciim a hangsan makai i neih theihna dingin hoih tak lungngai kawm mahin thunget huai mahmah hi.

 

A tawpna ah Zomi leh Zogam tawh kisai-in hong lauphawn den hong langpang den mi om hi cih phawk ni. ZCD leh Zomi makai akuama peuhin mite launa ding leh dipkuatna ding a om lohna ding note' mawhpuak ahihmanin hong pilvang un cih kong thuum nuam hi. Thumanlo tawh i lungkhamna ding , i launa ding leh i lungkiatna dingin sakpan khangpan huihsia hong nungnunglai ding hi.

 

Tua huih sia nung makaite bek in nang ding cileng baihlo dinga, tua mah bangin maikai neilo in nungzuite bekin zong kinangzo tuanlo ding hi. Tua ahihmanin i vek in pangkhawm leng bangzah ta in huihpi in hong nawk zongin i nangzo ding hi. Zomi a kuamaciat lungkua thanem lo in i maban omlaite ah zong mapangkhawm in mainawt ni.


Zomi ka hi hi.
Suanno
Malaysia
HP:017-6402338
http://zamsuanlangh.blogspot.com/

Nothing is impossible

 


Comments




Leave a Reply