WWW.TUNGZANGNEWS.COM

 

06/03/2014

0 Comments

 
  Zomi leh dangka

Nidang laipek a, akipan in Pasian in ei mi sung ah mipil leh misaim tampi tak hong pia khin zo a, tuate tung tawng in i Topa Pasian hong itna leh hong deihsak nate tampi takin kimu thei hi. Tua i mipil te in thuhoihna leh cihtak nate zong tampi tak mah nei uh a, minam dang te zong hong zah tak sak mahmah uh hi. Ahizongin, ei khangthak te in bangteng zomto lai di i hiam cih thu hong hita hi. I Zogam ah mipil leh misaim pen kitawmlai mah mah hi. A om lo liang bel ahihloh hang in, i zawnman mah, i ngau man mah in hong hai sak sak lai tawh kibang phial hi. Tua ahih man in dangka mah kizong pah ciat ciat a, zong kimu leh zong kinei tek in, zong ahau takpi pawlkhat bang ki om zohi. Dangka I neihtak ciang in adang dang te bangmah inzong, thupi kisa zonawn lo phial hi. Tua hautna tawh ei mi pawlkhat kipukcip kha zel a, itate leh itute ading in bangmah kipattahna cihbang zong om tuanlo in ki om mawk mawk kha hi. Siamsinna sanglam bangah amauteng bek sang hoih ah, kah ding teng nangawn bang teng kisuak lel hiam? Kacih nopna abulpi nih leh thum khawng hi lel hi.

Khatna ah: i mipil sate in hong koi cih pattah hiam? A tamlua enkei ni asuan akhak te uh koi ciang tun ta uhhiam? Laisiangtho sangkah a, Pasian thu sinpen hoih mah mah hi. Ahihang atam zaw in zui zolo hihang. . Hih mun ah, khialna a om leh tucidan ding hizaw ei ci in nong puah phat sak ta un. Laisiangtho sang pen ei mite in pilna zongna a, i zat zong hi phial hi. Laisiangtho siam leh laisiangtho tel kitam in azui zo kitam tuanlo hi. Tua in i mipih sung hong nawngkai sak in iPasian mai pha zong kingah lawh tuan loding hi. Ngal Ngam te in sing kuang leh ai kuang te ibat khak ding lua huai hi. I mai ah ai kuang hong kilui khak leh sing kuang I suak sak zawh nading in imite i it siam ding kul hi. I mite lampi hoih ah i tawt sak zawh ding han ciam ni.

 

Nihna ah: Dangka(sum) tawh i ngimna igelna te kitung lozawh sawp hi. I Zomi pil ten zong hong sawn na ah ( Money should be just the means that helps you achieve your ultimate goal). Nang sum zat kicing nadingin maw nang hau pak nading in nang na dai pak pha mawh lo ci ni, ahih banah , nang na huasuak zawhnading zong hi lo a, tawm vei sung sumzat nop tuam nang lel tawh namipih, nasapih te bang sak ta ci zong phawk zel lehang , tua in apicing pila leh Pasian nasepna mah hilel hi.

 

Thumna ah: Sum zong siam mah ihitam maw, ahua zong tampi khat mah ki omkhin a, tua tensung ah khang tam pi tak akem siam leh abeh lap banah, apung sak zo ding in Topa in thupha hong pia ciat tahen.

 

Khang khat zong akihua suak zolo pen kitam mah mah lai hi. A hang bang ahi tam cih ngaih sun khawm ni. I ngah na a limcit ding zong hong thupi masa pen ding hi. I ngah na alimci phial zong in ngaih sutna, gelna leh , muh khawlna te, neikei lehang , tua zong hong hi thei tuan lo ding hi. A tawp na ah, anak lah limci lo, lampi kician lah nei kei lai lai leng tua pen a thei lo ding mah hihang.

 

A khasiat huai mah mah leh atha lak huai mah mah khat ah, ei hun hong tung ta a, i tate i tute ciang in en dangka kicing leh mipil misaim ah I om ciangin en B.A ciang izawh leh I tate itute’n M.A pan Ph.D dongin azop zawh nang ihanciam pih ding hun hita hi ci in khau hun leh ikiim ipam in zong hong phawk sak sak hi.

 

Thang Tung

 


Comments




Leave a Reply