WWW.TUNGZANGNEWS.COM

 
Santa Han pen Satan Khua Suak ta စံသာသုသာန္ က စာတန္နယ္ေျမ ေျပာင္းသြားျပီ
Thusia lasia tawh kidim Santa Han pen tuin Satan thuneihna khua suak ta hi.

Pasian nasemte akihta azahtak hetlo Hausa leh Uliante in mizawng daipamte khitui leh samsiatna, Pastor Pasian nasemte thungetna leh samsiatna tawh bang mah ci kei nung, lau kei ung, nuntakna leh sihna Pasian khutsung ah om hi, kihtak nei kei ung, Hantuahlo ding makai lak ah ka sungpa Lang Khan Khai, Sia ginalo pawl kihel hi, Pastor leh han bang kisai hiam, ko thuneih na ukna hong nawngkaisak kei hen ciin Thazin Hausa Pum Kho Nang in Kawl uliante mai etna tawh District zum ah gen hi.

 

Tu-in Hausate deihna hileh misiluang omte zong nawtgawp ding acih uh tuni May 26 ni zingsang nai 930 hunin Santa Han kituahsate nawtsiang kipan uh a, Hausa Nangno makaiin akinawt ciangin nuam kisa-in nui veva hi.

 

District Chairman tung ah akinget ciangin akituah nailote nawtkhalo ding, June kha bei dong hong kingak ding hi ciin gen hi.

 

Hih anuaia guh kimute leh singlamteh kibotkhiate Zomi hausa leh uliante sawl hi aci om hileh kilawm hi. Han ah Tan 10 sang koihnopna sangin aphiatnopna athubul om hi aci Kawlpi khuasung mi tampi om hi. No.9 ah tan 10 sang aphuat uh leh mi 1 bek om napi akinai mahmah Santa(Satan) han ah tan 10 sang koih ding paulapin hanphiatna pen athu kizawitawn kisalo a, mi siluang neite khitui adawl zo utam ciin kipatau hi. Pasian nasemte kihtalo hausa ulian ineih hamsiatnapi hi a, nidang ciangin hih ulian hausate in Pasian nasemte abawlsiat hun ding zong om kha thei lai ding ahih manin Zomi akua mapeuh in thu ngetna ah hong phawk un. Khitui tampi aluanna leitang ah tan 10 kikoih leh zong sangkah ding tate hilsia tawh buaina adim lel tam?

 

Hantuah zolo meigong tagah mizawng daipamte khitui luangin cihna ding atheilote aa dingin thungetna ah na phawk un. Han tuah zolo leh atuah nuamlote heh mahmah ahih manin Kawlpi ah tualgal tuakthahna om lohna dingin thungetsak ni.

 

Meigong tagah mizawng khualna aneilo, hamphatna leh Kawlte maipha munuam a nasemte Pasian khutsung ah ap hang. Akikhoh hangin kikho zolo hita hi.

 

Lang Khan Khai

 


Comments




Leave a Reply