WWW.TUNGZANGNEWS.COM

 
Minampi khat hong suaksak thu pawlkhat sungah Lai (Litterature) kici pen thu mungpi khat in kihel hi. Lai neilo minam limlim pen minampi in kiciamteh ngeilo hi. Ei Zomite in Zolai leh Zotual Lai inei hi. Zolai icih ciangin, hih izat "abcd, a pan z dong" mah ahihi. Hih izat Zolai pen leitungbup ah minam tampi in kizang a, ih Zotual Lai pen ei Zomite bek liuleu lian in ineih Lai ahihi.

 
Zotual Lai pen Pu Pau Cin Hau tungtawn in Pasian in hong piak Lai ahihi. Ahi zongin, tangpi tangta in kisin banzo nailo ahih manin, Zolai mah izat tohtoh phot hong kul hi. Laimal pawlkhat ah akitukak den om thei a, lung hong buaisak simtham thu ahih manin, iki kumsuk dinghi. Hih Zolai pen USA gam pan Zogam Tedim Khuapi ah Missionary sem a hong pai Dr. Herbert Cope hong bawlsak ahihi.
 
Zeisu & Jesuh
 
Cope Topa in Zeisu in hongbawl sak hi. Zomi sungah lailam apuah azun kipawlna thupi khat ahi, Zomi Christian Litterature Society ten Jesuh zat dingin, laih uhhi. Cope Topa' bawlsa adinpih zong tampi ki omlai hi. ZCLS te' puahphatna azang zong tampi ki om toto hi.
 
Laisiangtho & Lai Siangtho
 
Cope Topa in bangci gelh cih lian katel kei a, ZCLS ten Lai Siangtho ci in, gelh uhhi. Mangpau hileh Holly Bible hi in, Holly pen siangtho cihna hi a, malkhat lian in suaksak uh ahih manin, Holly Bible (Lai Siangtho) cih ngiat in gelh uh a, Laisiangtho cilo zaw uhhi.
 
Zudah Siakazoh & Judah Siakazoh
 
Manglai lianin, min neipa min taktak in kitheilo zaw ahih manin, mi lehhekpa cihnopna khat peuhpeuh ah Zudah Siakazoh cih kammal kizang zel hi. Hih min lian ah J leh Z pen azangnuam ten a utzawk peuhpeuh uh zangthei lel in kamu hi. Telkhialh nading omlo lel hi.
 
Min gelhzia pawlkhat:
 
Nem & Neam: Nem mahin nagelh zaw un.
Cing & Ching: Cing mahin nagelh zaw un.
Chin & Cin: Cin mahin nagelh zaw un.
Lian & Lyan: Lian mahin nagelh zaw un.
Vung & Vungh: Vung pen numei min, Vungh pen pasal min.
Ciin & Cin: Ciin pen numei min, Cin pen pasal min.
Niang & Niangh: Niang leh Niangh pen aom tuak hi.
Gin & Ngin: Gin mah in nagelh lel un.
Zo & Zho: Zo mahin nagelh lel un.
Mung & Moong: Mung mahin nagelh lel un.
Hau & Hao: Hau mahin nagelh lel un.
Ciang & Kyiang: Ciang mahin nagelh lel un.
Khua & Kho & Khaw: Dr. Vum Khua Hau, Dr. Dam Khua Nang
Pum & Pome: Pum mahin nagelh lel un.
Khai & Khine: Khai mahin nagelh lel un.
 
Munmin pawlkhat:
 
Tedim & Tiddim: Tedim mahin nagelh lel un.
Dalkhai & Darkhai: Hualngo te phuah ahih manin, Darkhai dikzaw hi.
Yangon & Zangkong: Yangon mahin nagelh lel un.
 

 
 
 
Dal Sian Hung
http://hungpi.mozello.com
http://zampi-khua.mozello.com
 
Minpi: Dal Sian Hung
Suahni: 2 May 1980
Biakna: Christian
Pawlpi: Assemblies of God
pianna: Zampi Khua
Behmin: Songput
Minam: Zomi
Khanna: Myanmar
Tulaitak: Malaysia
 
Kapa Songput beh hi a, kanu Ngaihte beh ahih manin, Ngaihte beh khempeuh kapute hong suak hi.

 


Comments

11/16/2016 10:55

aspirine

Reply

there are number of types of disaster like hurricanes,tornado,flood and earthquake and cause a massive destruction in the area where they take place.

Reply



Leave a Reply