WWW.TUNGZANGNEWS.COM

 
INNKUAN NUAM by~Zomi/Sumbawi

Innkuan nuam ihcih ciangin bangtawh kigenteh hiam? cih leh VANGAM MALEP kici liang hi. VANGAM MALEP  Pasian gampen ih lunggulhsa mahbang in nnop tuak mahmah hi.
 
Thubulphuh ding in LAISIANGTHO sunga "PIANCILNA,sung ih theihsa leh ihphawk ciat ding in kong gen masa hi,Nupa sungpan in tanu tapa hongpiang khia a,tanu tapa tungpan in "Mo leh Mak,,suan leh khak,tute cih bang in ongpiang toto ahi hi,INNKUAN NUAM-VANGAM MALEP..ih suahtheih na ding in innkuan sung hoihna ding thu kong pulak nuam masa hi,
 
NUPA KITENG KHIN NAHIH CIANGIN KI-IT KINGAI A KITENG NAHIH MAN'UN NA INNKUAN SUNG NUAM DING I ZUIHDING THU NGAIHSUN KHAWM NI.
 
1-PASAL IN ZI  NANEIH CIANG.
Nu leh pate in na tapa un zi/mo naneih ciang in,na tapa na itbang in na tanu/monu zong it in,"Mo in zong na pasal na itmah bangin na  teknu tekpa napasal sanggam te it in,na poasal bek muangkhin pah kei in,tua hileh innkuan kilempente suak ding hi hang,tapa in zong zi naneih ciang in,na zi na itmah bang in,na sungnu/pa na zi sanggamte na zimah bang in it in,tua hileh na sungte khasialo ding a lungkim mahmah in na dau pai ding hi.
 
2-NUMEI IN PASAL NANEIH CIANG.
Na tanu na sanggamnu in na inn sungpan in aa it mahmah a pasal tawh lungkimtak in na khakkhit ciang in,na tanu na sanggamnu lungkim na ding in a pasalte mai amuh theihna ding in na tanu thu hoihtak in hilh in,a pasal theihlohkal in na inn ah sim sapsap kei un,a pasal a lungsim nuamlo ding hi,numei in zong pasal na neihkhit ciang in na teknu/tekpa theihloh kal in na utna ah na nunglam ah mawk hawhsim kei un,na manawhlamte lungsim nuamlo ding hi,
 
3-NA ZI A KHAILH CIANG.
Pasalte in na sanggamnu nanu napa muhna ah na zi simmawhbawl kha kei in,na zi nahat ciang in a khasiat ding in bangmah kampau kha kei in,na zi-in a teknu/tekpa na sanggamte  maiah,nang tungpan in kamsia zaleh khasia mahmah ding a,nanu napa na sanggamte in zong simmawh bawlpah ding hi,nanu napa na sanggamte theihlohkal in na zi thuhoih hilhbek in,na innkuan sung na omkim laitak in na zi thuhilh kei zaw in,
 
4-NA SANGGAM NANU NAPA KHIALH CIANG.
Na zi muhna ah nanu napa na sanggamte simmawh bawl kha kei in,na zi-in thumu kisa ding a,nanu napa na sanggamte ong simmawh sak kha ding hi,nanu le pa na sanggamte a khialhkhak ciang in,na zi theihloh ding in thu hoih hilhbek in,na zi muhna ah na hatkhakleh nanu napa na sanggamte guallel kha ding uh a khasia mahmah ding uh hi,na dau zong pailo kha ding hi,
 
5-NA ZI-IT IN LA, NA PASAL MAI ET SIAM IN.
Na zi-in khialhna aneih ciang han/tai kei in, ann a huankhialh ciang in ko ken maw,na ann huan limsi ci le cin na zi a lungkim mahmah ding hi,Na pasal a gimtuak a hehtuak nasak ciang in a lungkim na ding bang hiam cih ngaihsutsak in la,na pasal muhna ah maitai den in,mai et mahmah in,tua hi leh na pasal hehna gimna teng bei pah ding a,nang ong it mahmah ding hi,
 
6-TA NANEIH CIANG.
Ta naneih ciang un no nupa tawh kibang in nanu napa na sanggamte zong nuam mahmah uh hi,na tate nanu napa na sanggamte a itna ding nata thuhoih hilh in,na ta nanu cingsak in,tua hileh nata in nanu it mahmah ding a,nanu a lungkim mahmah ding hi,na teknu'n nata akep ding phallo kei in,ki lawmlo hi,
 
7-"SUM" LE PAAI NAMUH CIANG.
"Sum na thalawh ciang in nanu napa a damlai leh ap in,na thalawhsa na zi sum kemsak kei in,sum tuamneih kha kei un,unau sungah a siapen in nanu le pa a damnawn keileh na U"sum apphot in,U in zong na nau thalawhsa na zitawh na deih bangbang in no a bekdan in mawk zeksak kei un,UNAU kilemlohna ongpiang ding hi,
 
LUP CIANG IN.
Khangluite'n nupa lupkawm a ki hoho zadah uh hi,na zi tawh nalupkawm in sauvei pi ki hoho kei un,bang hang hiam cihleh nanu napa na sanggam te in a gensia ongsa ding uh hi,monu in nateknu zingthawhma in thawhzawm in,na innkuanteng zingthawhkhit ciang in na nupa un lupna tungah omkhawmnawn kei un,
 
9-NA TATE THUHILH IN.
Na tate na sungh napute itsak in la thuhoih hilh in,na sungh napute khasia leh na daupailo ding ahihman in na sungh napute khasia sak kei in,Na  tate'n nanu lehpa na sanggamte a itna ding in thu hoihtak in hilh in,na tate kikhop biakinn pai ding pattah limlim in,kikhop thadah sakkei un,kikhawmnuam kei leng i gual kiban zolo pah hi,
 
10-SIANGTHO KITEN KHIT CIANG.
Na kiten khit uh ciang in na nupa un lugnkim un la,mi dangte tungah kilawmlo itna kammal zangkha nawnkei un,teknung guainung ah nupa kikhen na om ua leh natate uh nu le pa damlai sam a,tagah genthei maamah suak ding hi,khat zaw zaw in thuaklah mahmah ding ahih ciang in mi hing nuntakna susia lianpen suakpah ding hi uteh cih ding na tate na phal hiam,phallo ihih ciang in nupa kikhen ding ngaihsunkha kei un,pasian deihna tawh ki tuaklo hi.
 
"O le,,Tu a ka laiat nupa kikal ah na zuihsiamsak uleh kamsia ding in ong ummawhlo hing, a zuikim thei ding in ong lamen ing,igam le minam hoihna ding pasian in thugelhsak ahihman in ka lungdam,laa siamte in a cihmah bang in INNKUAN NUAM-VANGAM MALEP, cih kamuh katheihna teng ong pulak ka hihi,izuih theiha innkuan nuamte ihihtheihleh ka lungdam mahmah,ka gensiamloh hang in a telsiam ding in kong muang mahmah hi,laimal gelhkhelh genkhialh no deihdan tawh a kituah khakkei leh ong maisak un la na deihdan un na zep siamsak un,ka lungdam mahmah!

Lai at Zomi/Sumbawi..

 


Comments




Leave a Reply