WWW.TUNGZANGNEWS.COM

 
 
A. ZCD GS leh Zomi Taangh Ciing puanpi kilawm'

Zomi namsung ah tangtawng pan in pupa patsa khutma pan piang aminthang nam puanpi Taangh Ciing puanpi leh ZCD Pu Gin Kam Lian kilawm ta hi. Census hun in Kawlmang pa innsung kultawng tektek mun ah U Khin Yii maitang tektek ah dingto khiamkhuam liang in Zomi code ding leh minam kikhum na ding adong giapgiap pa ahihi. Zomi in code om nailo,neilo ci leng koiah' kigelh kikhumding cih adong giap amah Pu Gin Kam Lian bek ahihi. Taangh ciing Puanpi tawh kilawm ta hi. ZCD ah Pu Cin Sian Thang pen ZAM makai natawh Malaysia pan in Pasal tung ah Pasal' Mitung ah mi cihna Zomi te thupi sak Taangh Ciing pia khinzo uh hi. Tu tung in zong USA Zomi khawmpi ah ZDC GS zong Zomi pasal lak ah pasal' mitung ah mi US om Zomi te in a lamdang tak in vansang om zingsol pi bang in alap sang na leh Pahtawina Award atuam vilvel in piakna BBC, VOA, RFA pan in kiza ding cih akingak linlen ahihi. Ama in tutung hongsilh tanghciing tawh kibang pen mimaimai te silh puan kikhui design ahihban ah USA om zomi te piak hilo ahihi. Mi maimai silhloh puan namdang bawl, Zomi khutma suak ahilo Biakna sya te puan, Degree ngah te puan, Dr puan tampi om hi a, tua te tawh kibanglo puan minthang ei Zomi te in ineih Taangh Ciing bek ahi hi. Leitung minam khempeuh in in ei adan neilo hi.

B. Atheih nophuai Pateh/ Papaak nektheih zia nam thu.

Zogam ah a kibawltawm ahilo pateh nek theih te in Singtung pateh leh leipan piang pateh namnih in kikhen hi. Akine thei pateh nam te in Papaal, Pakhawl, Palaivom/Pakhukbok Patung, Panaai, Pakep, Pa Aktui, Paseng selnel, Pasan,Pasii Pamua cih te ahihi.

Papaal pen singtung pa hi in khuapi guahzuk cil in zomual dawn singmut tungah po masa hi . Amel sandup pian in ahing akeu in kine thei hi. Champhai bang ah tampi man mahmah hi.

Pakhawl pen tuukpi guahtui tamsung in ahon in mun khat ah apo khawm liliai agim namtui hiauhiau ahihi. Liim mahmah hi.

Palaivom/ Pakhuk bok ahih leh tuuk hunsung mah in po hi a, amah bek po in akhuk ataw bil bok in lian mahmah thei hi. Agol alian te lawh beu no cia pha zo hi. Akung zong lian hi.

Patung icih leuleu te tungtun omna ah po uh a, tuuk hunsung mah in po hi. Agimnam pen tungtun lei gimnam in akhatvei ane khin ten tamvei pi duh kikkiklo thei hi.

Panaai akicih pen tuuk hunsung mah in ngalbawk mualbo lak ah po hi. Amelsan in naai nei a, anaai te kang in tuibang in luang hi. Hih tezong kine thei ahih hang in Panaai te nalawh te mong tawm sikliam in la anai luang khia khinsak in. Tua teh asial in zong kine thei hi. Hul phawlphawl hi.

Pakep a kici pen amel kang in khawlpo lilai hi.Na nak tawh na-am le cin akha gimnam dinghi. Pakep pen anuu leh apaa kikhen in namnih pha hi. Apaa kici Pakep te a sunglam en lecin zi-ing kivang mahmah ding hi. Hih Pakep veve ahih hang in asunglam azi-ing kivang tak in aomte nekei in aktui min nailo in kisi thei cihi. Pakep amelkang azi-ing sunglam na et teh aziing mahmah aa,om te akine thei te ahihi. Kithei khial kha baih mahmah in kizuak /kihuan khial kha thei den pakep ahihi. Azi-ing ziing pakep bek en in huan in ne bek in.

Pa Aktui kici te taak singkung po na nuai ah tuuk hunsung in po nuam mahmah a, amel naaimel leh san kithuah in aktui bang in tungzol peupao hi. Mei ah em in zong kine thei hi. Ahihhang in emh ahi aa, huan ahizong in a minphaang pi in na nek leh kihai thei cihi. A nekha in ahai ngei Zomi om khin hi.

Paseng senel akici zong amel kang pingpheng hi a, Pa aktui popo na mun ah po nuam hi. Api cin ciang singkung kaa bang in ka zeizai in om hi. Hih Paseng senel kici te na huan ciang in tuisa kholsak in la nai/daak thum sung huam in tua teh kine thei pan hi.

Pasan pen namtampi om hi atamzaw kine theilo vive ahihi. Akine thei nam pawlkhat om a, tua te Papaal, Patung, Pa khukbok cih tetawh kihuan khawm theilo hi. Mintheilo ci hi.

Pasii pen phalbi hun ah po hi a, singluang tung tampipi amel neunono in po hi. Ahuan na tui liim mahmah hi a, sawtpipi huan taleng zong nipmahmah cih omlo in gaw bekbak hi. Champhai ah haikhat R 20 bang man kicihi.

Pamua pen tuuk hunsung in apo hi a, kinee thei ahihhang liim kisa lo hi.

Atheih huai thu ah Pateh khempeuh nalawh teh abul lam teng letmat 2 ciang lakei inla pai in' Tua pateh taw abok bilbel sung ah ama khan khiatna zatui om ahih man in nek ding hoihlo hi. Na up kei leh Pateh namuh teh ataw bokbilbel teng nakhut cin nih tawh deh le cin akang simpian dikdek tui nakhut cin tungah om ding hi lek khakei in. Lau huai hi.

Zomi pupa in pateh alawh uhteh akine thei leh akine theilo atheih na ding in apateh lawh uh pen phelkham in agim na-am masa uh a, agim naam nei vetlo pateh te paipah uh hi. Agimna nei akine thei pateh te akimuh ma ma limh in namviauviau hi.Ahihhang pateh namtampi huamkhawm in ne ngeilo uh hi. Alung hihmawh pian pateh te kawlkaiteh/ Kaithumteh tawh huamkhawm uh a, tua pan ne pan uh hi.

C. Kachin Galtai te camp 7 neek leh dawn kita sam ta.

Tualgal hang in kidona mun kiim ah a om kachin khua mi te galtai na camp 7 te tulaitak tuuk hunsung in neek leh dawn zatui zahaa tampi kisam in om uh cihi. Bridging Rural Integrated Development and Empowerment( BRIDGE) ၊ Kachin Baptist Convention(KBC)၊ Kachin Relief and Development Committee ( KDRC) ၊ Kachin Numei kipawlna (KWA) ၊ Kachin khantohna kipawlna (KDG) ၊ Lainatna myanmar kipawlna pan in (KMSS) ၊thusuah tangkona bawl khia uh hi.

D. UNFC ,NLD leh 88 te Thaigam ah kimukhopna nei ding.

UNFC, NLD leh 88 Makai te Thaigam sung munkhat ah kimuh sawm uh cih kiza hi. Amun leh ahun akimu dingte sayin kiciantak in kithei nailo ahih man in thukan te in kua zaw tawh kizomding cih theikhol lo kici hi.

E. Nisim Nupa kimai tai den te mah sumlut tam'

Nisim in nupa kimai tai zoden te mah sumlut tam hi. Numei ahi a pasal a hi zong in nasep kuan leh vaiciah hun sim in kikha, kidawn vankisang in kam khum tawh kiho den te azi in sum kholsiam a, apasal in sum zonsiam hi. Pasal kisap na azi in telsiam in Azi kisap na leh kitaak lah na pasal in tel siam aa, aki huh tuak nupa te antaw ngeilo, sumleitawi ngeilo zaw deuh uh hi.

F. Hakha ah meitha khuah mahmah kizang tading.

Hakha ah khuaphe meitha khuah pai mahmah asawtlo in kizang/ kihawm khia ta ding cih kiza hi. Meilam nasem te gen na ah Transformer athak khat nei thak man uh hi a, tuitha akicingzah ding leh meikhau akiciang' kisam zah ding om nailo kicihi.

 

Hau Thang

 


Comments




Leave a Reply