WWW.TUNGZANGNEWS.COM

 
Thuphatna:

Leitung khuahun hong kisia ta’ Thu hoihlo thusia in tuam in buaina apian hun laitak, Tuipi tuihual te kilok in’ Huih pi hong nun hunlai tak, Mei Mualpi te puak kham in meikuang ziahziah hunlaitak, Lam et hetloh pi in gal leh sa apian hun laitak, Leitung minam khat leh khat akido hun laitak in athuak kha ding in kingaih sun ding hi.

Khuapi sung meivak te galpi hang in mit mang khin hun in nang bekbek na inn kuanpi te tawh om khawm kha lo in, Tuipi tung leh Vansang dawn ah khualzin in na om laitak hun in azaknop mahmah ngaihsutna na nei kha hiam? Na neih kei leh azap nop mahmah ngaihsutna hun kipia in tua in hong lung nuam sak mahmah hi.

Azak nop mahmah in’ bang hiding hiam?

Aw…Pasian! Keibang lelel nuntakna nong piak zenzen cih daidide tak in ngaih sun in la, Na kiim ah aging abeng gon huai nate zavetlo in Pasian hopihna ngai dide le ci’n azak nop lua mahmah aw khum nono nabil in za ngaungau in kha lung nopna hong om ding hi.

Ngaihsutna ah’ Bangci thute ngaisung ding ihiam?

Tua hunlai tak khuavak nitaang aman piakkuloh in Nitaang leh Kha taang Huih siangtho te aman phatna ka hongpia hi kong it kata aw cih azak nop mahmah na ngaihsutna ah Pasian in hong hopih ding aa tua hun in ciang… Hih leitung buaina ahi migilo te, launa, kimat kihen na, gilkial dangtak ding launa, te na ngaihsutna pan in pusuak khia in Nuntakna sungah aki leitheilo nasung ah lungnopna khat honglut hun a om ciang Pasian phatlo in na om thei kei ding hi. Tua hun laitak in hampha nakisak mahmah hun hi a, kua mah in hong guksak, hong laksak theih hetloh ding lungmuan na in hong lung muang sak mahmah ding hi. Tua lungmuan na naneih hun sung in gal te hong pai ahi zong in vanliatna hat in alungsim leh mit ki lamdangsak in hei khia zo hi.

Hampha na kisak na thukhat’ Na ngaihsutna hong lut ding hi.

Mihing khut leh khe kimlo leh aval in apiang khia mittaw sa, leh Beng gongsa in apiang khia , khutzaw khe zaw sa in apiang khia te in Nu leh Pa nei ahih zenzen uhhang vakkik donkik theih na ding tha neilo hi. Tua te tawh nakiteh khak theih ciang na ngaihsutna ah hong lut hun ciang in Nu leh Pa tungah kamsia pauloh ding athak in nakiphawk ding hi. Tua hun ciang in a lungkim sak penpen na hih theih nading nasep theihna Kampau awkitel tak in nagen theih na Nu leh Pa tung pan hongpiak thupha zakna bil te Pasian in ahoih mahmah ding nang hong bawl ahih lam na ngaihsutna na honglut ding a, Tua in thuhoih tawh Nu leh pa vaang Pasian vaang ahih lam hong kitelsak hunciang na lung hongnuam sak in natha hong hatsak mahmah ding hi.

Tua hunciang in nasep na ah’ thanuam mahmah dinghi. Nasep thaman te nasan ciang nalawh cin hun ciang in Nu leh Pa ading in hawm khia den na hih man in migilo guta tawh nakipelh den zia tangzai tak in naphawk semsem ding hi. Tua in nang hong lungnuam sak mahmah in anopna nathei semsem ding hi.

Siatna abawl mite hai sii cih’ Na ngaihsut hunciang

Azak nop mahmah ngaihsutna in Nang pumpi leh siatna pan ngamtatna pan nuntakna alamdang ahoih lamhil in hong makaih hunciang in Nu leh Pa, Zi leh Pasal, tate leh minam tuamtuam tung ah kampau tawh tatsiat genna, galhiam tuamtuam tawh gongtatna, guta , Damiah migilo asem mite haitheisi e maw cih na ngaihsutna honglut hunciang Pasian in na nuntakna hong bawl hoih semsem akipan nahihi.

Minam tungah thupha bawlnuamlo, nopna azak nop mahmah ngaitsutna alutlo mite gutak ding pha mawh sa lo hi. Mithat ding cikzia lo hi. Hiam gam tattat uk mahmah hi. Thadah lailai hi. Ahih hang azak nopmahmah ngaihsutna alungngai mikhat ahih leh asung ah’ hehpihna kici itna nei a, kua mah in guksak laksak thei lo hi. Tua hehpihna in lungnuam sak hithiat in kisuang takna bang mah omsak lo hi. Tua bang hunciang in mihoih mipha apicing lungsim nei Pasian ta nahih lam na kiphawk semsem ding hi. Tua in hong lungnuam sak hi. Hongmapai sak mahmah hi.

Nu leh Pa din mun natun hunciang

Khangno lai mah in azak nop mahmah ngaihsutna tawh Pasian aho mite Nu leh Pa dinmun hongtun ciang atate inzong thupha sang to hi. Bang hiamcih leh atha hat hunlaitak akhangno hunlaitak in tatsiatna neilo mi te ahi uhhi. Pilna manpha nei’ alawh cing mite khempeuh leitung tatsiatna tawh akipelh aki mematlo amahbek aom hun in zong daidide in Pasian tungpan azak nop mahmah ngaihsut hoih anei te ahi uhi.

Tua man in tate hang in khasiatna khitui alungngeilo Nu le Pa te in a khangno lai in ahoih nasep tawh nuntak asawm mite leh anungta mite ahi uhhi. Khut khial ngeilo hi. Mawh leh khialhna bawl ngeilo mite akhansung uh lungnuam hithiat lel uh hi. Akhan uh sau in cidam uhi. Tua in lungnop na piangsak hi. Suan le Khak teng cidam in pil leh tei lailai uhi.

Thukhupna;

Hih azaknop mahmah Ngaihsutna anei khathei daidide thei te in Aw… Hongsiam hongnei kapa Pasian .. aci hiathiat ngaihsutna hun la zelzel ahihi. Tua in gam vai in ahehna dam sak thei hi. Minam khat leh khat , Biakna khat leh khat kikal ah buaina sung pan mawh leh khialh na anei te maisak theih na lungsim khingdaih sakna hong nei thei sak hi. Eitung ah hong kikhial mite hehpih in mawh maisak theihna hong neisak mahbang in Mi tungah zong mawh leh khialh sin goltol, phuisam hamsiat’ tomlawh nading pan in hong kem hi.

Tua ahih man in nitak nalup ma leh zingsak tawh khit in minute tawm veisung azaknop mahmah ngaihsutna nei Pasian tawh kiho le cin kuama hong guksak theiloh nasung ah Lung muanna leh lung nopna in nang hong kem ding a, siatna tawh na kipelh tawn tung ding hi. Pasian thupha nasung ah lungnuam hilhial sakna thuhoih hong neisak ta hen!

Azak nop mahmah daidide in Pasian mai ngat kawmsa in ngaitsutna naneih leh hong lungnuam sak ngaungau hi. Na mai ah sumbung no khat koih in la peek khat pya sawmnga bek tawh Pasian kiang ah ki apna na kisin in. Namai lam ah na nuntak zia ding dong in lungnopsak theihna Pasian in hong pia ding hi. Pasian Minthang tahen!





Hau Thanh
 


Comments




Leave a Reply