WWW.TUNGZANGNEWS.COM

 
Hong nusia khin sanggam pa Anthony @ Khup Deih Khual bel Tonzang ah tuni ki vui ding hi.Thang Muan Khai, Pau Sian Muan Kim, Thang Deih Suan Sang, Pau Khan Khup a 4 un tuni Falam ah kipuak ta ding hi. A case lian mahmah in District a tung loh pha mawh hi. Tan X ong zong omlo, zu le sa ne thei, ki zang dawng muang laitak vive uhi.

Hong nusia sanggampa Anthony ( mi siangtho min hi) le Thang Muan Khai kilai ngei in, Thang Muan Khai kal khat khawng zato alum ci uhi. Tua vai tawh ki zui dan in gen pen uhi.

A vek un RC pawlpi mi vive hi'n Sat nitak Psalm Late kisin na om den in, tua pan ki tuah uhiam cih zong ki tel nai lo hi. A vek un lawmta zong hih tuak uhi.

Saturday nitak in Anthony Nu in Dal Sian Thang tawh a lawmta un inn ah zu thawl khat lup in, ki tawng nawn kei un, ki lai nawn kei un aci ci hi. Inn ah zu thawl khat nek khop khit teh Anthony in a nu kiangah sum ngen in ka lawmte tawh zu va ne lai nung acih tawh a Nu in 1000 pia in a vak khawm uh ci hi. Dal Sian Thang tawh vak khia pen ki thei in, a that te 4 ah Dal Sian Thang ki hel lo vet se hi. Dal Sian Thang na kihel lo dan hi.

Zan 11 PM pawl in bel veng sung nungak no nih in a vak khiatna uh ah mi 4 kikal lui kawi ah om henhan lam uh va tuak kha hi, khe kop khat zong akikal uh ah mu dan uhi, no zong si nuam na hi uhiam na kici in, launa tawh aleh tai uh leh anung ah nih in delh lai in, khua vak nuai ah adelhte amel mu uh ahimanin kua te hiam cih tua nu ngak no nih in a thei pah uh ci hi.

Zingsang teh Khualai hausa pa in, padinpauh hongin a khua dak suk leh a kikal lui tung ah bo tung ah misi khat amuh ci uhi. Zato puak uh in, ki delh ngeingai na pi, ami ki thei lo ci uhi. (A bawl na te uh galzak bang in gen leng lip khap huai liang hi. Hih thu hong post pen in a man hong suang pen a hoih lua ta hi. Tonzang Dr pa in a puah sa ahoih thei pen photo hih tuak lai hi, vun ki hok in cin ki bot khia, sing zum tawh ki dawtna, a gawl ah khau tawh agak cipna uh khau ki mu lai hi..)

Anthony Khual Nu in .. a ta ciah loh tawh zato ah et leh amel zong tel lo napi ata khut ah kiat Anthony cih tattoo lah om lo, na ki hawk khia hi, a pum tungah bel a sisan tawh Anthony cih ki pheng at om ci uhi. Nu in amuh teh a tel loh liang hangin a ta ahih lam thei veve in Anthony Khup Deih Khual ahih lam ki thei khia hi.

Zan nitak lai in a mu kha nu ngak no te mah in, amite gen thei pah uh in, a that te ki thei pah ci hi. Khat pa bel inn ah ki man pah in, a dang te ki delh hi. Sanggam u le nau tengin pa lik te tawh a inn te uh um cih ziah ziah dan uhi. Inn tek lam te zong patau in, zonpih uhi, Tonzang ah mikim phial in a zong pih uh ci hi.

Innkuan pihte in Cikha lam pai ding cih a gen uh zak khak na om in, Cikha lam pai ding um mawh uhi. Cikha ah palik le thuneite zong apang dingin thu ki za sak khin ci uhi. Tonzang pan adelh te in Tuikhiang khen ah a mat uh ci hi. Mi that teng 3 zong Tuikhiang khengsa, kileh kik dan uhi in Tuikhiang gei mah ah ki tuak in, aki man ci hi.

Zo le Sim cih zong hi lo, tulai naupangte a diak diak in bel naupang te a hun lo pi a sang tawp, kum cing lo pi a zu ne vak thap tawh a ki pan hi mawk hi. Khua sung leh inn kuan sung ah zong a ki uk zolo, a pheng phi mahmah vive uh ci hi. Gamdang pan u le nau sanggamte sum khakte nop zat mahmah thei uh in, khua phawk nei lo dan uhi.

Tan X ong zong om tuak lo hi. Hong nusia Anthony Khup Deih Khual bel kum 15 pha pan in Tan VIII sin lai tak hi. Mi that teng Falam District ki puak khin ahimanin thuman tak in, thu khun te Criminal Procedure Code tawh ki zui in thukhenna athuak ding uh thupi pen hi. Zo ngeina tawh ki thum thei te hi lo hi. Adam lai innkuan pih te sungah ki gimneihna a om loh ding bel kisam pen hi. Tonzang khuasung ahi zong minam sungah ki tel khialhna, ki siatna a piang loh ding thupi pen cih ding hi. (by: Kimtuang facebook)

 


Comments




Leave a Reply