WWW.TUNGZANGNEWS.COM

 


 


Thuthak Tomkimcing 11 July 2014


 
A. Leitung ah alian penpen' Cancer nei Yang Jianbin ki at'

China gam Shanxi state sung om Mr Yang Jian Bin kici mipa asuah cil pan a pianpih Cancer nei hi in kum 37 pha zo hi. Ama neih cancer natna pen aki samlo pi in satak leh thagui khangkhang natna hi a, leitung ah amah bek in hibang natna neivei kha hi. Aphei tawbul pan in 110kg 17 Stone pha in gik hi. Ama natna pen Neurofibromatosis kici natna hi in ki at ta hi. Kum 12 aphak hun in khat vei kiat ngeizo hi. Ahih hang in natna beisiang kiukeuh zolo in tua aneih natna khangkik ahihi cihi. Koimah paikhia theilo in lupna tungah omcip ci hi.

 

B. Chin State sung Project tuamtuam Tualsuak Company in sem khalo.

Chin state sung ah lampi bawlna, Leibawlna, Singno nam tuamtuam cii'n huan bawlna, Innhoih nono lam na te ah Tualsuak mite neihsa Company in sem kha lo in midang company te hong lut den uh cihi. Sum tampi bei sem na pi'n deih bangtak in hoihsak zolo kicihi. Tualsuak mi te neihsa Company in zong mi namdang te neih mahbang in mipil misiam Engineer nei in sem thei veve uh cihi. Tu ciangciang Chin State tualsuak mi neihsa nasem Company minthang kitamzak nailo hi.

 

Kum zalom 21 ah Inn hoih nono lam minthang Tedim khuapi ah Pu Tunta neihsa Company kiza kiaukiau pan hi. Hakha lam ah Mercy Par Company, Rung Company , Alpha & Omega Company, Chin Green Hill Company te minthang ta hi. Kumpi inn, ( Sang,Zato,Zum tuamtuam) Biakna inn cih te leh anei zawkdiak te in Tein 1000 pan in tein 7000 ciang innkhat ah Project Plan neita uh a namdang Company te lut in sem ta uh hi. Namdang Company pan in Aroma Rose Company, Power Seven Company, Shwe Tapyay Company, Champion Company min tuamtuam lut uh hi.

 

C. Tu laitak Isreal khua hun.

Isreal leh Palestine ah bawngnawi leh khuaizu tang in avui atang luangziahziah hi. Khuapi khat leh khat kisim kido uhhi. Thautang leh Bomb pan suahtak nading in dum thuk theithei to uhhi. Gaza kim om Primary siamsin sang te kikhak ta hi. Simh lam siamsin sang naupang te Zo lam ah siamsin nasang ah kituah sak uh hi. College leh University sangte kikhak hi. Gaza paina Meileng lampi kikhak cip ahih man in Isreal sumbawl sumhau nisim nasem te in bang mah sem theilo in om laitak uh hi.

 

D. Bangaladesh gam ah Rohinya leh gammite nupa suah ding kikham

Bangaladesh gamsung ah Myanmar gampan in alutsim Rohingya te Bangaladesh gammi te tawh kiteeng in nupa suak thei loding cih thu 10 July in kumpi thuthang pan in tangko na om sak uhi. Thukhun na zuilo in palsat te Bangaladesh Immigration pan in thu ombang in man ding uh ci sawnsawn hi.

 

E. 3rd Into Myanmar Telecoms & IT Summit 2014

10-11 nih sung A 3 veina Into Myanmar Telecoms & IT summit khawmpi Park Royal Hotel ah bawl uh hi. Mitshubishi, Singapore Telecom , Japan cihbang kihel uhi. Gamsung kizopna ( Mel le Aw) lam nasep siammipil te, Bank lam pan thunei ulian te leh IT pan mipil misiam te kihel uh a, khat leh khat theihna kihawm uh hi. Tuaciangciang Mualgam ah phone line leh Internet line ngah hak mahmah lai hi.

 

Hau Thang

 


Comments




Leave a Reply