WWW.TUNGZANGNEWS.COM

 
Dear it teng,

Tedim khuapi pan lungdamhuai thu anuai abangin kong tangko uh hi.

TEDIM KHUAPI AH ZYA

Tedim Khuapi ah Zomi Khangno Kipawlna (Zomi Youth Association) kici
Khangno Kipawlna omsa teng kigawmna khat pen July 3, 20114 ni-in
GZA-Tedim Local makaihna tawh kiphuan khia ta hi, cih kong tangko uh
hi. Lawibual Khangno Kipawlna (LKK), Sakollam Social Society (SSS),
Leilum Youth Association (LLYA) leh ZOZUUN Kipawlna teng kopin
akiphuankhia ahi hi. TYF le Siamsin zong kisam a, ahi zongin training
kinei laitak ahih manin TYF bang hong kihel man lo hi. Siamsinte lah
sangkah laitak hi zel ahih manin hong kihel man nai lo uh hi.

July 7, 2014 (Monday) ni-in Makaipi ding min vawhna anuai abangin kinei hi.

President: Pa Tuang Gin Mang (Gi Gin), (LKK)
Vice President: Pa Suang Za Nang (ZOZUUN)
Secretary: Rev. Thang Van Lian, (GZA-Tedim)
Assistant Secretary: Tg. Khan Za Suan, (LLYA)
Treasurer: Pa Gin Sian Khai, (ZOZUUN)
Accountant: Pa Thang Pian Lian, (SSS)
Auditors: Pa Suan Lian Kim & Sm. Hau Suan Huai, Myoma
Advisors:
Rev. Dr. Thuam Khan Thang,
Rev. Vungh Suan Mung,
Rev. Nang Lian Kap

Hih pen Formation Committee bang danin kingaihsun a, kum khat sung
hong makaih phot ding uh hi. Tedim Khuapi sung banah Zogambup teng leh
Zaang gamte tawh zong thu kiza toto a, Leitungbup Zomi khangno
kipawlna dangte tawh zong khut kilen a kalsuan theih ding ngimna kinei
hi. Hih makai teng in tukum sungin ZYA-Tedim thukhun ding leh kalsuan
dan ding teng hong geel pah ding uhhi.

TEDIM POST KIHAWM KHIA DING
ZYA-TEDIM hanciamna tawh Tedim khuapi pan TEDIM POST kici Weekly News
khat hawmkhiat ding kikhensat khin ta hi. Nasem ding kiallap tanute
anuai abangin kiminvawh hi.

Editor: Rev. Thang Van Lian,
Joint Editor: G.S Pau,
Computer: Tg. Gin Kim Mang (ZOLAND)
Tanute:
Pa Thang Pian Lian, Sakollam
Sm. Man Huai Kim, Myoma
Sm. Cing Deih Nem, Leilum
Tg. Kam Suan Thawn, Myoma

God bless Zomi…

Rev. Thang Van Lian
 


Comments




Leave a Reply