WWW.TUNGZANGNEWS.COM

 
Zomite' Lelhpi Min leh Sum


FIFA World Cup Final hitabuang ci-a ka' thawhbaihleh kipan naailo, laamlaam laai-uh ahihman-in keizong Zomi Groups te-ah hong laampak dih ning-e!


Zomi National Movement or Political Movement

Zomi ataangpi kumzalom 21 sung-ah gamdang kitung phengphang, siamsinna kician omlo, leitung gam khatnate-ah khuasa iiu-iau, tua takteh national movement daan khat-in akhanglo bang-in kisehtawm! Minam it kituhteh, itzia-pen kituhteh I-hih man-in alamzing (pathway) kidang, pawlkhatte-in ameet laakding bekbek, adang khenkhatte-in angsung ding bekbek, minlehpuam ding bekbek, sepna khepicia, kiliatsakna sialpicia, lawmlehgual, penglam gaalkaap nihlehthum-tawh ngam mahmah, sahkhualam thutanna (social justice) khantohna kingiimlo, kiphawklo, ki-awlmawhlo, meima aling (thorn/poison) zonkhiatna omlo, apulaak omleh "Nang bangseem pepeuhna? Aseemte' khialhna gending hikei,...." hihbang-tawh Zomi tuihualpi pai liatliat laaitak. (Hihciang na-simsuk bekbek-tawh, "hmm thusia phual zeel, ..... na-ci khalaai dinghi, ahkl- "Minam it ci-a minam gensiasia, ...." ci-a asialam muhna-tawhzong na-mu khalaai dinghi). Poilo-hi. Minam hualpi sung-a akisam thelno khatbeek phawkkha lehang khantohna lampi khat hipah-hi.

Minam' thaneemna, kisapna, khialhna cihte aki pulaak ciang-in phawkding khat-ah, minam it taktakte bek-in minam' ling, guu, gaal pulaak ngam bek-a,

Minam apumphatphat, sahkhualam thutanna lunggulh lo-a ahibangbang ahimah dinghi ci-a akithukhual sakte-in theihloh kaal-in minam' tungpan ameet ala khiinkhian ahihi.

ZEISU leh Ama' nungzuuipite-in mi pumphat, mawkphat ngeilo-a, akisapna-uh, akhialhna-uh, athaneemna-uh lak ciatciat zaw-hi. "Pasian' Kumpigam leh Sumlehpaai' ading pangkhawm lo"-in, "To nihte' na aseem loding"-in lamlahna hong pia-hi. Zomite-bel hih lamlahna hongpia te' sang-a pilzaw/kipilsakzaw/apilzaw kisa ahidiam, sumzon veve Pasian' nasepna-tawh sumzonna vaangphat-huaizaw, kimeetzaw.....



ARG v GER kimawlna kipan ta-eih!

Zokhai

*********************************************** 
T. Zokhai ITNA-IN GUABANG HINNA-HI 
60 Narr-Maen Drive 
Croydon Hills VIC 3136 
Melbourne, AU 
Tel: +61 39723 0460 
Mob: +61 420 800 560 
***********************************************

 


Comments




Leave a Reply