WWW.TUNGZANGNEWS.COM

 
Dotna:
Thangno: Tangko nasep ih cihcih bang ahia leh, Lawm?

Dawnkikna:
Lianpu: Ipu ipa te’n Zogam ah khua khatpeuh anasat uh ciangin, hausa, siksek, siampu, tangko cih bangin panmun naki guang uhhi. Tangko nasep ih cih pen tulai pau in, Media kici a,khuasung, tualsung, gamsung, gampua le thu khat peuhpeuh suahkhiatna nasep ahihi.

Dotna:
Thangno: Tua ahih leh hausapa pen tangko in khuasung ah hong awng vuavua leh ahoih diam? Amah a thunei pen ahih ciangin ama’ aw mahmah zong kiza nuam ding hi.

Dawnkikna:
Lianpu: Leitungah thunei pen cih omlo a, thuneihna kilek kim dingin, mun le mual, satanh leh panmun cihte pen ei ukzia le ei kivakna/siamna zui in akiseh/akiteel ahihi. Tua ahih manin, hausapa pen thunei pen hi zenzen lo a, pumpi tunga lutang ih cihcih mah bangin panmun khat alen hilel hi. A thunei tuam ki omlo a, akibang khin ihi lel hi. Hih pen leitung mihing ngaihsutna khuak tawh gamtangte kalsuan zia ding ahihi. Gam pawlkhat, minam pawlkhat, khua pawlkhat le biakna pawlpi munkhat te ah hausa, kumpi, pastor, bishop, father ten amau thuthu in mipi taal kaih thei uhhi.

Gennopna bulpi ah, panmun neitek uh ahih manin, tangko tenzong amau nasep mah sem henla, hausa tenzong amu sep mah semin, siksek tenzong amau sep mah asep dinguh thupi ahihi. Hausapa pen khuasungah awng valval in hong tangko hileh mi cinglo in kiciamteh ding a, tangkopa pen khuasung tengah hong tangko hangin, ama nasep asem in kiciamteh lel ding hi. Tangko nasep asem ten hausa upa leh khuanu/khuapate’ vaihawmna teng hong tangko ahihi.

Kuppihna:
Thangno: Tua ahih leh kipawlna picing khat in, “Tangko nasep (Media Department)” aneih kul ngiat himawk in, tua kipawlna mintawh thuzak saknakhat peuhpeuh media department te bek mahin hong suah le uh akilawm himawk aive maw. Tua leh media department ah nasem dingzong laigelh thei, tuhun diakin, IT’s computer le network ngiat mahzong asiam kisamkha ding ahive maw.

Lianpu: Hitham e. Kipawlna pawlkhat pen president peuh, General Secretary peuh in thu hong tangko ciangin, Media department omlo ahidiam ci-in, kalungsim ah hong phawnglek khat om hi. Khua sungah hausate hong tangko liang ciangin, tangko te kitaak lah mahmah hiam, kacih nop hun om hi. Ahi zongin, media department lam zawngkhal zong hithei hi. Tangko nasep zong nasep thuneu hipeuh mahlo a, laipai mahmah zong siamkul ngait hi.

Thangno le Lianpu te’ holimna hong hawmsawn,

Dal Sian Hung
Kuala Lumpur, Malaysia.

 


Comments




Leave a Reply