WWW.TUNGZANGNEWS.COM

 
TEDIM GAMAH CNF-TE GAM PIA LO DING


Tedim August 14 



CNF in Tedim gam mun tuamtuamah leitang kigawm eka 800 bang neih dingin kumpi tungah angetna uh mipi lam pan phallohna leh thukim lohna lai pen nimit July 17, 2014 tawh Tedim Town Elders-te in Tedim Township Administrator pa tungah lai phah khin uh a, ZYA-Tedim zong hi bang mahin lai phah dingin zawn uh hi. Copy pen Pyithaungsuh level dong pia uh hi. 





ZYA-Tedim in athubul kician zaw theih nading hun tawm kingak lai a, Hakha khuapi ah athu bang ciang taktak tung hiam, cih kikan hi. Hakha khuapi State level ah CNF-te gam ngetna thu tung khin takpi ahihna zakna kician om khin a, Tedim township a thuneite kantanin athu paisuak maw, ahih kei leh township ate in phalna na pia khin gige hi ding hiam, cih thu kitel nai lo hi. 





Hih tawh kisai-in ZYA-Tedim in August 14, 2014 ni-in lungkimlohna lai phah zia ding kamkupna kinei a, anuai abangin kalsuan ding thukimna nei uh hi. 





August 16, 2014 (Sat) ni ciangin USDP, ZCD, CNDP, NLD,  Tedim Town Women Fellowship, Tedim Youth Fellowship, Tedim Christian Fellowship, Tedim Town Baptist Youth Union, Sakollam Social Society, Leilum Youth Association, Lawibual Khangno Kipawlna, Tedim Town Elders, Veng Hausa khempeuh, Khuasak hausa, Taingen hausa, Kapteel hausa, Suangzang hausa, Bukphir hausate leh MP-te in kithutuak a lai phah zia ding kamkupna lianpi khat kinei ding hi. 





Hih bang zia-in kumpi tung hi ta leh Chin Supreme Council tungah ahi zongin akul bangin lai phah dingin geelna kinei hi. CNF in Tedim gamah mipi’ deih loh lam thei gige pipi mahin zum hongin tu-in thau tawh Zimpi-Zimte gamah om ta uh hi. 





Tua banah gam hoih teng paulap tuamtuam tawh lak sawm toto uh ahih manin mipi hong thusim ding uh democracy ngeina tawh kituakin deihna lah khiat hamtang ding pen ZYA-Tedim in kikhensat ahi hi, ci-in ZYA-Tedim makaite in Tedim Post ah gen uh hi.  


Rev. Thang Van Lian

Editor, TEDIM POST

 


Comments




Leave a Reply