WWW.TUNGZANGNEWS.COM

 
Tuhun a Zomi Pasian Nasem te by~Pu Hang Khan Lian
"Priesthood of all believers" thu um mi khempeuh siampi hihna
Tua pen adiakdiak in protestant sung ah a kisang khat hingel in thei ing.
Tua ahihleh kua hiam, "Siampi" sehsuah ne ding icih?
 
A lu pan a taw dong phelnih aa kikeek, Biakinn sung deina puanpi a khuituah kik nuam khawng om lehang kilawm sa-ing.
Leitung mi khempeuh, piansakna khempeuh i sep ibawl, ihihna bangbang Pasian nasem, Pasian vangliatna kilatna hi icih theih masiah, i theihsak masiah dawi mangpa vangliatna in ong zo lai cihna ahihi.
 
Lo kho mi khat in a lokhawhna Pasian nasem in mu kei leh bangci bangin lawhcing  thei ding hiam?
 
Kumpi nasem kha sum sang khat in Pasian nasem hi-ing kici thei kei leh bangcibang in citak zo ding hiam? Kumpi' Siahdong khat in Pasian nasem in kimu kei leh bang ci bang in citak, kuhkal, thuman zo ding hiam?
 
Kawlgam akisiatna, Kawlgam a noplohna Pasian na sem aa kimulo, pasian nasem, sehsuah nasem bek aa i kimuh man ahihi.
Tua ahihman in hunbit Pasian nasem, hunbit Pasian vangliatna kilat nading vive ihihi.
 
"Na Topa Pasian na lungsim khempeuh, na nuntakna khempeuh leh na pilna khempeuh tawh na it in"
 
1/10, seh sawm suah seh khat bek na cilo, "khempeuh, khempeuh, khempeuh" ong kal, a vek aa Topa neihsa, Topa aa. Khensuk khentoh ding hinawnlo. Avek, abup aa Topa neihsa. Topa ong pai aa ong zeek loding ahihteh, na zatding, nazeek dingteh Topa dong masa ding. Topa'n ong awi tam, ong awi kei tam?
 
Akisapna munmun ah, akisam bangbang. Biakinn ah 1/10 cihzong hilo a vek aa akisap leh tun, na inn ah a kisap hunteh na Zi, nata aa ding zang, na Siapa kisam nasak leh hawm, pia
"khempeuh" tawh itding sawlna. Thukham lak aa alian pen hita.
 
Tu aa i gengen teng bel, 'khempeuh' kam malkhat ding "khem peuh" mal nih a suahsuah dan hihang. Khem sawm phot, "peuh" tawh nung zop.
Eipawl bel i ciakciak hang i upPa upzia ding zong athei pha mello, aneu, alian, hunbit, hunbitlo a khenkhen nuamlai dan, "Nang' pa mei sang kei' pa mei sau zaw" mah a cinuamnuam lai dan hihang. (kei sandan)
 
Pasian vangliatna akilat ding thupi in a sehseh in khennawn dah un. Sehkhen hun hinawnlohi. Khempeuh hun hitahi.
 
Hang Khan Lian

 


Comments




Leave a Reply