WWW.TUNGZANGNEWS.COM

 
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~




ZO AW Lom II, Hawm 6 Na
                             Weekly Journal



Lom II, Hawm 6.                                                 Tang Kha (August) 23, 2014                                                                    Laimai 1

Editorial

Mikangte in i gam hong lak ma pan kipanin Kalate ahi a Kawlte in ahi zongin ong sai  ban om kiuhkeuh lo hi. Tua hun lai-in an nek zonna pen Tu, hei, tem cih bang hi a, thatang tawh sem ciatciatin khawhsa a kham minam i hi hi. Khua khat pen gam khat ki-ukna bangin a kivaihawm ahi hi. Zu leh va leh gamsate in i an hong ne-in hong suksiat sak lohna dingun kibok tumin lo kihong den hi.

    Mikangte in 1885 pawl in zogam hong lak uh ciangin Kawlte leh India tawh gam khat ah hong koih mikmek pan kipanin nek leh dawn zon dan, niik leh puan, lo hon dante leh khuate kihuut zia dongin kikhel to hi.

   Tu hun ciangin a tamzaw adingin tu, hei leh temte hi nawn loin laikung hong hi ta hi. Tua pen thatang sangin pilna kizang zaw ta hi cih ding ahi hi. Tua bangin pilna lamah i kalsuan ciangin i gam huut dan paizia zong ong tuam pianin paizia man thei lo tampi om hi.

   I pute pate in khua leh tui, an nek tuidawnte hon ding pen a thupi penin a koih mah bangun en zong koih hun ta hi.  I nek taang hong neksak dingte giitta hon bangin hon hun ta a, i khua leh tui hong susia ding lak panin kulh bawlin galvil zong kikoih hun ta hi.

------------------------------------------------------------------------------------------------------------------------------------------------------------

ZOMINAM DINMUN ETPAKNA

by Pu King Mang

Pu Thang Lian Pau gen Zosuante kigawmkikna vai koitan tungta cih tawh kizom in, Zomi National Movement in mai kinawt mahmah hi. Zomi cih a pom theinailo mi pawlkhat in zong Zosuan i hih na hong tel semsem ta uh hi. Zomi aituam neih pawl khat in zong "Zomi Inhabited Areas Map" ah a teng mite huam sak ta hi. Zomi-Mizo-Chin-te kimidang bawl na ong kiam zaw ta hi.

    Tu lai tak kampau zui-in Mara, Kumi, Chin (Haka-Thantalang) leh Zomi (Tedim-Tonzang) i kikhennate, Kawlgam politic kiheizia zui-in ong kiam ding hi. Ni khat ni teh US citizenship a kingah ciangin mivom, mikang, Burma-mi, India-mi cihte om nawnlo in US citizen-te in US gammi teng minam khat hi hang a cih tawh ong kibang ding hi.

UNO branch/department-te ah Zominam bang ciang tung:

1. UN Permanent Forum on Indigenous Issues annual sessionste ah Zomite tangin ZRO Precident Pu Thang Lian Pau leh Pu Lianbawi (WZC/ZIA) UN meeting ah na kah den uh hi.

2. Zomi Association of Malaysia (ZAM) hanciamna tawh UNHCR zum in Zomite minam khat in ong ciamteh in gambel vaite ah namdangte tawh a kibangin dinmun kinei hi.

3.  December 17, 2009 ni-in United Nations Department of Economic and Social Affairs (UN-DESA) ahZAUS sang uh hi. USA ah a kiphuan Zomi kipawlnate lak pan UN-DESA ah a lut masa pen ahi hi.  

               

4.  June 14-15 2010 sungin United Nations Headquarters, New York ah a kinei “UN General Assembly Informal Interactive Hearings” kikhopna ah Zomite taangin, a kah palai in Dr. Do Khan Khup, Pa Kham Khen Do, Pa Khup Lam Thang leh Tg. Pum Lam Thang-te buaina om loin kah thei uh hi.

5.  U.S. Census 2010 ah Zomite minam khat in kigelh ta hi. U.S. Census 2020 ciangin 10000+. ki-om ta dingin kilam en hi.    

6.  Zomi Innkuan USA (ZIUSA) in July 14, 2014 ni in, UN-ECOSOC nuai ah civil society khat hih na tawh Consultative Status dinmun ngahta ahih manin ki-angtang mahmah hi.

------------------------------------------------------------------------------------------------------------------------------

KUMPI DAWN KIKNA

By Aye Naing

Ms. Yang Hee in UN ah a thupuak pen kumpi lungkim lo ahih manin, tua thute pen July 31 ni-in, a nuai a bangin thukkik uh hi.

1. Kawlgam nungkik kik thei dingin omta ahih manin patauh huai hi.

Dawnkikna: Kawlgam pen Democracy lampi ah a kikalsuan cil ahih manin, thu leh la ah kimoi lai mahmah hi cih pen gam khempeuh in a theih ding uh kisam hi.

2. Mediate kalsuan zia pen kumpi in khaktanin thukhennate zong upadi bangin khen lo uh hi.

Dawnkikna: Kawlgam sungah Media tawh kisai khaktanna om loin, upadi a palsatte tungah thu a kibawl hi bek hi.

    “Hong pai ma in a gen dingte kiging khin zong hi kha ding hi. Kawl gam ah hong pai in thu a tel nop leh kawlgam thu hoih takin a kan masak kisam ding hi. 2015 kitel hun ciangin ngaihsut loh a phamawh thute a kingaihsun ahi hi. Democracy policy tawh kalsuan theihna dingin nakpi takin pan a kila hi a, mipi in democracy huih diik theita in zong zang ta uh hi. Tua banah a kisam lo minam cing upadi phiat ding a cih zong pen a tel loh man hi a, democracy gam ah a kizang thei lo upadi tuam tuamte a kizuunzuun lai hi,” ci-in Infromation Minister U Ye Htun in gen beh lai hi.

----------------------------------------------------------------------------------------------------------------

JOHN KERRY LEH AUNG SAN SY KYI

By Aye Htu Sann

Tu tung Asian Region Summit ah hong ong kihel John Kerry in August 11, 05-5:30Pm (Monday) sung ASK omna inn Nayppitaw ah a mah hong zuite tawh va hawhin holimna nai khat dek tak nei thei uh hi.



Gam sung thu hun beisa leh tu laitak thupiang tuamte leh mailam kalsuanna ding limtakin kikum thei uh hi. A zaw deuhin: Muslim leh Kawlte thu, mai kitelna ding ah PR zat ding leh zat loh ding leh thucin thutang tuamtuam zong kihel hi.

    Mai kum kitelna ding vai pen a kikuppi pen uh hi a, a patauhnapi pen uh metang vai ahi hi. Mipite khempeuh in a deih uh party suakta takin vote a piak theihna ding lampi ahi zongin, sep zia ding leh kalsuan zia dingte a kikup khit uh ciangin: US in ka hih theih ciangciang uh kitel hun ciangin hong pai in mipite in suakta takin vote a khiat theihna dingun kong huh ding uh hi, ci-in John Kerry in kamciam hi.

   Tua banah Human Right tawh kisai-in a mainawt theihna dingin ka sep theih ciang uh kong sem ding uh hi. Shan Numei kipawlna in hong piak uh lai zong vai thupi ding khat in ka ngaihsun hi, ci-in gen beh lai hi.

-----------------------------------------------------------------------------------------------------------------------------------------------------------



LEITUNG THUTHAK

NATNA  LAANG

    August kha kipat tung pan kipanin Nigerzia gam pan natna khat, “EBOLA,” kici laang mahmah hi. Tuipuak natna bangin, thagui sungah lutin sisan leh thatakte ne tum thei hi. Huih dikna leh kilawn khakna panin kilawh thei hi. Hh natna lanna hangin  nitumna gamte lungkhamin patau mahamh ta uh hi. WHO in lim vaihawm mahmah uh a, tua kawm kalah US ah a damna theihna ding gamsung sihteh nam khat August 10 ni-in mu ta uh hi.

*Tu lai tak hih natna a laan deuhna gamte*



Hih zatui zangin a sawt loin natna a ngah mite tungah zang ta ding uh hi.

----------------------------------------------------

KUM 30 THONG AH

   2013 April kha sungin Philippines tuipi huam sungah sente gabeng sim mi 12 man uh hi. Tua tawh kizomin Philippiens kumpi hih mi 12 pen: “Ka tuipi sunguah ngasa a beng sim ahi hi,” ci-in kum 30 thong kia dingin August 6,ni-in khensatna nei uh hi. Bang hang hiam cihleh Sente in hih a matna mun tuipi pen ka neihsa uh hi, ci-in tuh uh hi.

-----------------------------------------------------------

ZINLINNA HANGIN

  August 6 ni-in Sen gam Yunan State sung ah zinlinna hangin mi 589 si uh a, leitang zaipi kia sukin mi tampi tum suk a, tua pen bualpi suak ta hi.  

-------------------------------------------------

KHRISTIANTE HUH

     ISIS Suni Muslimte pen Alkaida-te sangin gilo zaw uh hi. Qad minam Khristiante tenna khuapi Qaraqost pen la khin uh a, hih khuapi ah tu ma kum 2000 panin Khristiante ten na kipan khin uh hi. ISIS gamtatna hangin Khristian tampi in inn leh lo nusia in gal a tai uh hangin bukna ding kician nei lo uh hi.

*a thuaknate uh man pawl khat*







Hih Khristiante huu dingin US in van lan panin nakpi takin do sak a, Qaraqos khuapi zong la kik ta uh hi. Qad minam makaipa in lei lamah ka zat ding uh galval hong pia un, ci-in US tung pulak lai hi.

      A thuakna uh nasia lua mahmah ahih manin, leitung bup Khristian khempeuh tungah thunget cialna nasia takin khah khia uh a, amaute adingin thungetna khitui Pasian kiang tung ziahziah ta hi. Tua ahih manin ei zong Khris sungah i sanggamte adingin thungetna tawh pang ni, ci-in ZoAw panin kong cial uh hi.          Ref: BBC Burmese: August 8, 2014.

------------------------------------------------------

KHAPI AWK IN VALH

   August 10 ni-pen ni leh leitang kikal ah khapi hong kiguan kha ta ding hi, ci-in vanlam pilna a neite in gen uh hi. Tua bang hun ciangin Zomite in, “Kha awk in valh,” kici a, mikangte in, “Supper Moon,” ci uh hi. A hang pen khapi a lian penin muh theihna hun ahih banah tua ni pen mi khempeuh in khapi muh sawm hamtang hi,” ci uh hi.

----------------------------------------------------------------

AFGHASTAN AH MAJOR GENERAL KHAT

   Kabul khuapi sungah Leitung bup galkapte omna pen August 6, 2014 ni-in Afghastan galkap puan a silh pawl khat in va luh uh hi.                  *a zom laimai 2 ah*

Lom II, Hawm 6                                               Tang Kha  (August ) 23, 2014                                                                    Laimai 2o



----------------------------------------------------------

*laimai 1 a zom*

Galkap 15 liamin US galkap Major Gen. Herold Green (34) si hi.



Hih a va luhte pen Alkaidate ahi hi, ci-uh hi. Hih vai pen mimal muhdahna hi loin, US leh Afg. Gam kizopna leh mailam kalsuan ziate ding khaktan nopna hi zaw ding hi. Tua ahih manin hih thupiang hangin dahna lianpi tak ka neihna uh tawh kizui-in, i kizopna a kip suak theihna ding zong hong hi ding hi, ci-in Afg. Kumpipa in gen hi.

Ref: VOA Agust, 6, 2014.

-------------------------------------------------------------

GAM SUNG THUTHAK

ASIAN REGION FORUM

     Ausgust 9-10, 2014 sung Asian Rigegion Forum 47th Naypitaw ah nei uh hi. Vai thupi kician khensatna nei lo uh hi.



Hih conference ah Asian Ministerte banah: USA, Russia, Sen, N. Korea, Japan, Australia len Canada minister-te zong kihel thei uh hi.

------------------------------------------------------------

KUMPI TUNGAH PUAKTA DING

    NLD leh 8888 in upadi 436 zuun phat ding mithuhna tawh kisai-in 49,000,000 val deuh ngah uh hi. Tuate khempeuh a sawt loin kumpi tungah ka puak ding uh hi, ci-in August 6, ni-in gen uh hi.

----------------------------------------------------

HUHNA PIA

    Kawlgam sungah kumpi in News Paper Foundation phuan uh hi. Sumbul dingin U Tay Zah in August 6 ni-in USD1,000,000 piakhia hi.



Gam sung/pua ah thupiangte kuamah maitang eituam nei loin, thuthakte a kitheih pahpah theihna ding ngimna tawh ka piak khiat ahi hi, ci-in gen hi.

----------------------------------------------------

CIAH SAK

    8888 sangnaupang makai a galtai US gam mi a la khin Sia Maung Maung Wun pen Kawlgam ah hong ciah hi. Hong ciah ciangin kumpi tung pan phalna ngah lopi-in, Yenanchaung ah Manglai hilh ahih manin, kumpite in a theih ciangin Zangkong International Airport ah kha in US ah ciah sak uh hi,



ci-in a sangnaupangte August 6, ni-in gen hi.

------------------------------------------------

KA KIHEL KHAKNA  

    1996 kum in KNU Batt. 6 post ah Siapi U Htun Aung Cheing hong suah taak ciangin KNU makai Gen, Myah, Phar Dong Saw Than Aung, Gen, Maung Maung leh kei tawh Khin Nyauk tawh kihona ka nei hi. Kilemna ding tawh kisai hong kamciam pen: 1. Galvan ciat khia lo ding. 2. I omna mun ciat cing ding. 3. Kumpi galkap tawh khantohna ding suakta takin sem khawm ding, cihte ahi hi.

Gen. Mya, Prof. Htun Aung Cheung leh Moe Thay Yun



A gen mah bangin tua hun a kilemna a bawlte suaktakna tangzai takin a piak hangin, kikhelna aih leh om tuan lo hi. Kum nih khit ciangin a thu telzaw-in a kikan ciangin kikhelna a kideih hangin a tungah zalian nih in deih lo ahih manun galdai thei tuan lo hi. 2003 kumin Free U Khin Nyunt in palai-in hong pai sakpa tawh New York khuapi ah ka kimu thei uh hi. Tuapa in gam sung kikhelzia ding a haksatna hong gen hi. Hun khat ciangin Gen. Khin Nyunt leh galkap thukan tampi hong kimanin lametna pen a bei suak hi. 2012 ciangin a khatveina Kawlgam ah kong ciah a, tu lai takin kilemna ding tavuan a la U Aung Mint tawh kimuh khopna ka nei uh hi. Thu tampi ka gen kei a, “Kilemna ding i sepna pen mipite hong up ding uh leh hong muan ding bek kisam hi, ci-in ka gen hi.

       Ref: Moe Thay Yun facebook August 6, 2014.

----------------------------------------------------

E –VISA

Gamdang panin hong hawh nuamte adingin online panin E-Visa lak theih dingin Immigration in September 1, 2014 pan kipanin hong ta ding uh hi.

           *Zangkong Internatianal Airport*



Ahih theih leh mai lam zong hong zin pakte bek hi loin, sep nop tuamtuam a neite zong online panin visa kibawl thei ding hi, ci-in August 10 ni-in gen uh hi.

--------------------------------------------------

JOHN KERRY ZINTUNNA

      August 9-10 sung Asean Region Forum ah USA Foreign Affairs Minister John Kerry zong hong kihel a,  Lake Garden Hotel ah tung sak uh hi.



Hih Hotel nei pen Max Company neihsa hi a, 2009 pan kipanin US in a etcik uh companyte lakah khat ahih manin, mawhsakna thu a gin sesu bek hi loin International Emergency Economic Power Act (IEEPA) nangawn in mawhapaih hi, ci-in VOA in Agust 12 ni-in gen hi.

-----------------------------------------------------------------------

EI SUNG THUTHAK

USDP IN NOLH

   Zomite an nek tuidawn dawn haksatna hangin Zogam ah Nippon Foundation in buhtang CNF tung tawnin hawm uh hi. Tua bangin a buhtang hawm uh pen Tonzang Tsp. USDP in nolh uh hi. A hang pen CNF in taangmi in a koih uh Hau Kang tawh a thu uh kituak lo ahih man ahi hi, ci-in Kamayuat online media in August 4 ni-in gen uh hi.

----------------------------------------------------

LAMKA ZYA ACTION

      Lamka Go Cin Khup veng ZYA unit in hih veng ah July 31 ni-in No. 4 (Heroin)  checkna nei uh,  a, Cing Za Kim in a inn panin No. 4 (Heroin) tun guk mu uh a, haltum pah uh hi. August 5 ni-in a inn tawh kalhcip in taikhia ahih manin, ZYA in a inn siatna bang peuh a om kua mah in kitheih pih lo ding hi, ci-in August 6 ni-in phuang khia uh hi.

-----------------------------------------------------------

DVD KINGAH THEI TA

    Zomi salpha Gen. Tun Kho Pum Baite luangphot kikna leh vuina hun zatnate ex-CLA Society  in DVD in bawl khia uh hi. Apna pen Hiangtam Lamka PTC Cofernce Hall ah nei uh hi. Zingmang pen Pu Vung Za Gin Valte Parliament Secretary hi a, Rev. Sut Khan Thang in apna nei hi.

---------------------------------------------------------------

GUHSIA ZONNA

    August 2-6, 2014 sung Japan panin hong pai GMC director leh The Asahi Shimbun (Japan’s leading Newsper)  The Nishi Nippon News Paper, Japan Broadcasting Corporation NHT TV channel  makaipi leh  Kamayuat Online media (vekpi 6) tawh ZDF makaipi Paupu leh ZDF ah nasemte tawh pang khawmin Japan galkap a site guhsiate zonna nei uh hi.



A zon uh ciangin: Mualkawi, Tuikhiang, Sianggial, Kansau leh a kim mun tuamtuamte ah zong  uh hi.  



A phakna uh khuate in na lim dawn mahmah uh a, Kansau khuate in bawng khat gawh uh hi.

-------------------------

   September kha ciangin Mobile Company Telenor in zong Simcard leh Handset suak kipan ta ding uh a, Handset pen US$ 20 hi ding a, Simcard pen Ks. 1500 hi ding hi.

----------------------------------------------------------------

THUBUL LET LEH THUMEI LET

   Tedim Association pen kum bang zah hiam sung, upa zaw deuhte sehna tawh makai kinei khin hi. Ahih hangin tu laitak makaite in upadi neih ding hoihsa ahih manun TA thubul let leh thumei let (Constitution and Byelaws) gelhna dingin thukimna nei bek hi loin, a gelh dingin TA nuai ah Sub komiti zong seh khin uh hi. Tua a sehte un a bawl kipan ta uh hi.

------------------------------------------------------------

KUM KHAT THONG

   Tu nung thuthang Malaysia Visa bawl tawm tawh vanleng tawh a pai Malaysia Vanleng tualpi panin a mat uh mi 52pen kum khat ciat thong kia dingin Malaysia kumpi in August 12, 2014 ni-in khensat uh hi.

--------------------------------------------------------------

KIDOP HUAI

  August kha sung: mitna, sungpai leh cisa natna tuamtuam laang ahih manin kidawm ciat ni.

---------------------------------------------------------------------------------------------

THEIHSAKNA @ ADVERTSING

JAPAN JOB A BA TAW

A. Kum 30 nuai numei leh pasal

1. Kum 18 leh 30 kikal cidam ding.

2. Kha 9 sung Japan pau sin ding

3. Numei pasal deidan om lo.

4. Nasep ap ciang Ks. 600,000 pia pah ding. Pai kuan ciang Ks. 1,000,000 pia ding. Nasep sung Kha khat ciangin Ks.400,000 kaat ding a, kha 10 sung kaat ding.

5. Khasum pen Ks. 1,200,000 hi ding. OT leh a hahkatte Ks. 2,500,000 dong ngah thei.

6. Pasalte adingin Construction, Aircon leh Car Company leh a tuamtuam ah sem ding.

7. Numeite adingin Aksa sem ding leh van tun lamsang hi ding.

8. A ba tawh a pai peuh mah khuapi sung leh ne lamah neihsa kip khat  amahkhan in koih hamtang ding.

B. Kum 30 tung siah

1. Kum 30 leh 35 kikal  numei leh pasal dei dan om lo.

2. Interview tawh pai ding ahih manun kha 4 sungin pai thei ding.

3. Sepna ding tawh kisai kha 2 na kah khit leh interview zo ding.

4. Nasep ap ciang Ks. 600,000 pia pah ding. Pai mai-in Ks. 400,000 pia ding. Ks. 1,500,000 khasum pan phiat ding.

5. Ne leh khuapi sung a neihsa kip khat amahkhan koih hamtang ding.

A lunglutte in:

ဦးသန္းထိုက္ 097300816 / (Liankok):

09420091463 / 09520643377

097300816 / 0159316



 


Comments

02/18/2015 02:16

I'm used to taking care of the website, and this blog for a very complete, very amazing

Reply
02/18/2015 02:24

unfortunately there has been no recent article, I wait for a new article, thank you

Reply
05/14/2015 00:59

appear a little much better to view your own website is currently as good as something, which is really strange

Reply
03/25/2016 02:51

good we should take a look at this the light's power will be inversely proportional to the separation's rectangle so that is whether we take two we rectangle on the off opportunity that we get for the communicate of that is one more than four easy right not a 50 percent but rather one more than four Halocel
http://renovocremefacts.com/halocel/

Reply
03/26/2016 02:59

DOMS. See how simple I create things? If you want to know all the scientific things on what causes it and excellent for making that sensation go away. Others have said drinking a lot of water will "take away" http://bestbody-buildingworkouts.com/

Reply
03/28/2016 01:53

more power and also to do not eat more. Once you're consuming less you consume more compact calorie consumption, with more compact calorie consumption in your individual body significance more compact fat will be stored. And this will directly reduced down your individual body fat in no efforts and will help get the smooth abs or attractive abs quicker. I hope you love what you read so far and get the http://bestbodybuilding-training.com/

Reply
03/30/2016 02:06

said the chest place you are definitely correct. What else is located in the chest region of many in the United States? A walls, of fat is not the most favored reaction, however, it unfortunately is the reaction. http://powerlifting-classic.com/

Reply
03/31/2016 02:05

consideration when it comes to developing the muscle cells quick. This is because the muscle cells need ligaments and can help in easily healing tissues that may have been broken during actions. Muscles can products are quite rare, because they are often made from 100 % natural ingredients. The human you http://muscles-chemist.com/

Reply
04/02/2016 02:29

The 6-pack belief are the companies that sell the house abs machines that promise to present you with reliable abs with only Five moments of coaching per day and all for a very reasonable price of £199.00 or something similar. These companies do sometimes recommend that you should go through appropriate http://muscletips-college.com/

Reply
04/04/2016 02:39

any perform out to build up sexy abs in females. A different perform out, sometimes known as the "super crisis," also performs all your ab muscle tissue along with your higher and reduced leg muscle http://pretraining-fitness.com/

Reply
04/05/2016 02:13

your spine, pinching your neck muscles back again as tight as possible to create a "shelf" for the bar with neck area. Take the bar out of the rack in a controlled but firm manner, KNOWING you're going to dominate that bodyweight. Once you've taken a couple steps back again, fill up your belly with air (not http://muscle-preparation.com/

Reply
04/07/2016 07:10

getting is simple but human body developing will certainly take a little a longer period. You do not expect to nourish, relax and expect regarding muscle cells to occur. You have to carry out. To begin with, http://muscle-growthhelp.com/

Reply
04/14/2016 03:16

sense of observation, determination and willingness to do their best if you wish to get a beautifully to fat reduction to occur you need to eat less nutrient consumption and to get attractive you need to eat of. You can use Harris Benedict formula here also to discover your maintenance and eat more nutrient
http://muscleworkout-diet.com/

Reply
04/28/2016 03:50

fulfill people that may possibly become section of the network. Internet promotion is indeed becoming an ideal device to use in your endeavors to enhance your MLM company. The Internet has a extensive and extensive achieve, enabling you to appeal to a larger viewers. What is more, Internet promotion is
http://checkbinary.com/

Reply
05/24/2016 07:11

should eat spotless and incline nourishments. It's that basic. The nourishments I eat consistently are oats, apples, celery, broccoli, carrots, white tuna, sweet potatoes, cocoa rice, salmon, blueberries, 2%
http://rippedrxno2blastcanada.com/garcinia-cambogia-zt/

Reply

I was required to open tert World wide web to get new expertise in the necessity to buy the reserve, you are among the outstanding individuals prepared to talk about their understanding for free from this weblog

Reply

I was very grateful when I already have a personal blog because I can be inspired directly from you, whenever it was

Reply
05/23/2017 03:38

If only I really could have an fascinating blog precious, whether it is panyajiannya, menus, and I was inspired from your weblog, thank you

Reply



Leave a Reply