WWW.TUNGZANGNEWS.COM

 
 



Dear lai sim teng,
Zomi paltan te ZIA Pu Hau Kim leh ZCD Pu Gin Kam Lian te gualnop vai ah ka min ong ki hel zel ahih man in ong kup pih nuam ing. Hi bang in ciammuih cimphang (fun time) zong aki sam hi.
A mau aa bel huih thau leh hiam (might and power) hi in kei a bel KST tha leh itna tawh gualzawhna ong hi ding hi. Zech 4:6 Notby might nor by power, but by My Spirit,"
 
Ciammuih leh cih tak in gen zom leeng, Kawlkumpi leh NCCT te vai hawm na ong taang tung toto ahih man in, Pu Kip Kho Lian leh Nang Lian Thang te gen siat na zong ong khang tetek hi.
 
I sep nop tek sem in, I inn ma I loma tek sem hi leeng, kiman lah tek ding aa kuamah dang zong gen siat ding hun om lo ding hi. Bang hang aa mi nasep peuh va buai pih ihi tam cih ngaih sut huai sa ing. Ei zong ngimna leh maban nei in ihun te man nei tak in zat theih ding thupi hi.
Pu Kip Kho Lian leh Pu Nang Lain Thang te pen 1974 pan in (Rgn university Chin & all ethnics student politic movements) Kawlgam politic ah tuni dong ah ki hel uh hi. Ei pen sang man kumpi na sem, gamdang ah na sem sum zong in zin khia, gambel akihon teh gambel gam thuman tung, cim phawng in zonet ah lai gelh zel cih te hi.
GZA, ZIA, ZRA/E,CNF,CNP, ZCD, USDP, NLD, GZA, ZIUSA, ZAUS, ZIS, ZTA, TYF Tongsan, Zominam, Zomi Daily, Facebook etc. ei ut na peuh ah ki hel in maa pang hi leeng, i tut mun pan in i awng awng gen gen sang in hoih zaw ding hi

Tu lai tak aa Tedim gam aa giah phual sat CNF te vai I lung hi mawh leh avai hawm ding in:-      1. Kawlgam ah mipi te in vote tawh I tel Pyitulotdaw taangmi nei hi hang.                                      2. Mipi in vote tawh I tel USDP pan in tel cing mi te Chin State om khin hi.                                                                                                                                                                    3. GZA Makai pi te nei hi hang.                                                                                                                                                               4. Zomi party ZCD nei hi hang.   Chin party zong om hi.                                                                                                                                                                     5. ZYA khang no ki pawlna tuam tuam zong nei hi hang. (Aki sap leh khangno youth te bek sem sak lo in, nupi papi upa pawl in zong sep pih ding hi hang.)
6. Lung hi mawh tatak in i sem nuam taktak i hih leh Kawlgam ah ciah kik in va sem thei hi hang.

Hun zui in Zomi nam vai agen lo ki om nawnlo hi, ki lawp tek ahih man in lung dam huai sa ing. Rev. Dr. Mung Tawng in, Tulsa aa abiak inpi ah ZIA te “Political Talk Show” bawl sak hi. Rev. Dr. En no in TBCY biak innpi ah ZCD te Makai in 914-Zomi vai meeting nei uh hi. GZA Tedim khawmpi ah I muan Zomi makai teng in Zomi nam vai leh Zomite khantoh na ding mah gen pi in nei uh hi.

Evan. sia Lang Do Khup in Zomi vai pen tuu tawm a aphawk pan hi kei in acih mah bang in, kei zong, gamvai avei den khat ka hi aa, RGN University Jubilee, Thakhin Kodaw Maing, U Tant, Siamsin, MASALAH, 8888 buai lai te ah aki hel toto hi ing. Zomi te UNHCR tawn in gambel ngah na ding in ZAM te pan pih na etc.. Kum sim in Portland ah 8888 gamvai kikup na ki nei den bawl den hi. Lamka 3rd World Zomi Conference ah ah zong va pai ing.
Pasian thu tawh Zoland National Reconciliation neih ding vai.
 
Zomi nam vai in, leitung thu lam pan in mapanna sepna tampi om khin hi mah ta leh Pasian thu lam pan in sep khiat na ki cian neih ding kisamlai ahih man in, “Zogam National Reconciliation” movement neih ding in akuamah peuh kong zawh hi. Thu nget na leh adang akisam bang in maa pang ciat ding in kong zawn hi.Zogam in "Zomi Inhabited Land" (Bangladash, Burma, India Zomi te tenna mun teng huam hi.) Zogam toisak  neusek kei ni. Zogam khen kham kei ni. ZBC ah Zomi khempeuh ki om khawm ngei hi. ZORO in India gam Zomi khem peuh ki pum khat na ding vai hawm zo in ZRA dial nuia ah ki pum khat ding in ki lung gul tek hi."Zoland one nation Under God" ong pian na ding in nginna nei tek ni. Khazih sung ah unau sang gam khat i hih na kip sak ni. I kam pau, i ngeina a ki bang te nei khawm ni. I gam i lei aki bang in khangto sak in nei khawm ni. Kam pau aki bang lo te iki tel na ding in kam ki phen ni.

Zomi te’n  igamvai teng Pasian ap masa leeng, ei lung hi mawh leh buai tengtung kul lo in, Topa lam lah na bang in zui lelang I tawl dam in alung nuam ding hi. Psalm 37:5 Commit your way to the Lord, Trust also in Him, and He will do it.

Kum 60 sung tual gal aom den Kawlgam, aki lamthak na ding in, anungta Pasian thuzui Tapidaw te in panmun thupi I lak ding ki sam hi.

Pasian thu lo tawh Kawl Galkap kumpi leh Mualmi thautawi te in bang zah ta in a hanciam uh hang in taang tung zolo ding hi. Abeisa in cease fire bawl zel in kikap kikzel uh hi.

Pasian thu tawh akiphut US gam ah minam ki deidan na bei in, gam sung buai na a bei na ding in, Rev. Dr. Martin Luther Jr in ngawngtatna zang lo hi, Pasian thu tawh na gual zawh pih hi.

Tua mah bang in minam ki bawlsiat na  asuuksia pen South Africa gam ah, gambup  ki lem na a om na ding in Bishop Desmond Tutu in ”No Future Without Forgiveness” movement tawh agam na makaih hi.
Bulpuh ding LST mun pawl khat.
Deuteronomy 28:7 - 8 7 “The Lord shall cause your enemies who rise up against you to be [h]defeated before you; they will come out against you one way and will flee before you seven ways. 8 The Lord will command the blessing upon you in your barns and in all that you put your hand to, and He will bless you in the land which the Lord your God gives you. 9 The Lord will establish you as a holy people to Himself, as He swore to you, if you keep the commandments of the Lord your God and walk in His ways.

Matthew 6: 12 ‘And forgive us our debts, as we also have forgiven our debtors.

Matthew 5:44 44 But I say to you, love your enemies and pray for those who persecute you, 45 so that you may be sons of your Father who is in heaven; for He causes His sun to rise on the evil and the good, and sends rain on the righteous and theunrighteous.

 
Ephesians 6:12 For our struggle is not against flesh and blood, but against the rulers, against the powers, against the world forces of this darkness, against the spiritual forces of wickedness in the heavenly places
Zechariah 4:6 Not by might nor by power, but by My Spirit,’ says the Lord of hosts.
 
Zomi te lungkituak hanlungciam khangto diam. God bless Zoland.
 
Topa thupha
 
KingMang

UKing Mang,
I sep nop tek sem in, I inn ma I loma tek sem hi leeng, kiman lah tek ding aa kuamah dang zong gen siat ding hun om lo ding hi. Bang hang aa mi nasep peuh va buai pih ihi tam cih ngaih sut huai sa ing. Ei zong ngimna leh maban nei in ihun te man nei tak in zat theih ding thupi hi.

Cihbang ziau omtheilohi. 
Kei nasep khat in, (na zummawh khat uh nazuak uh ahiphial zongin) ka mipih, kasapih, ka gam, ka lei kazuakkha hiam? Ka buaisak kha hiam? Ka daai sak, ka minsia sak kha hiam?
Tedim, Tonzang gam, mipil misiam, milak aa kihel ngei hizahta lak ah, amau gelsimloh CNF aa luut kuamah omlo hihang. Banghang ei nasepna in i gam, i lei galgam suahding ihihiam? Amaugel hang aa i minam bup kibuai lawh ahihi. Ahiang, adawn sattan kullo, abulpi phuuk ding kisam masahi.

Tu lai tak aa Tedim gam aa giah phual sat CNF te vai I lung hi mawh leh avai hawm ding in:-
1. Kawlgam ah mipi te in vote tawh I tel Pyitulotdaw taangmi nei hi hang.
2. Mipi in vote tawh I tel USDPpan in telcing mite Chin State om khin hi.
3. GZA Makai pi te nei hi hang.
4. Zomi party ZCD nei hi hang.   Chin party zong om hi.
5. ZYA khang no ki pawlna tuam tuam zong nei hi hang. (Aki sap leh khangno youth te bek sem sak lo in, nupi papi upa pawl in zong sep pih ding hi hang.)


"Kei tawh a omding aa nong piak numei in..." 
cih tawh kibanglel paulap ahihi. Mi om muang ngawh ding hilaizanglo hi.
Hih atung aa tengpen amau gel va kitaaklah man aa abuaipih dingteng hipahhi. Na kitaakleh sekei le uh atung aa teng buai kulnawnlo hi.
Thu-ummi ihihleh, asem ding hibang kipawlna nei hilo ihihiam? i cihsang, hiteng ong piankhiatna abulpi banghiam cihtheih ding zawitawn zaw kasahi.

Kawlkumpi leh NCCT te vai hawm na ong taang tung toto ahih man in, Pu Kip Kho Lian leh Nang Lian Thang te gen siat na zong ong khang tetek hi.
No a sanggamteng, a Nu, a Pa, meltheihteng, na inn, na lo, naneihsa uh, zahtaakna tawh kua mah apaulo hibek aa ki awi peuhmahlo hi. No zong awi kei nuteh. Hihbang tawh i liat i maan(mang) ding kilunggulh, kihaza hetlo hi. 
Tu'nzong thunei ahih uhleh, athu uh kimang ahihleh CNFte Tedim, Tonzang gam pan hemkhia uhhen, gambup (100 ah 12 simloh, 88) kilungdam dinghi.

Amau gel kitaaklah, inntek sep man in Zogam leitang Acre 800 CNFte akipia khiading dinmun hitahi.
Tua hi, Zomibup lungtang a vut.

Hang Khan Lian

 


Comments




Leave a Reply