WWW.TUNGZANGNEWS.COM

 
Tu sung teng Kalaymyo ah toihkuai(malaria) natna tam in Zato leh apua lam clinic te ah cina ki dim zihziah hi. Hih natna angah te pen Sisan hong kisam in mikhat tung ah Sisan thawl 4-5 bang hong kisap ciang in ZYA in ih list (Sazian) neih sa tawh hong ki cing zo nawnlo hi. Tua ahih man in tuni Nipi Ni in ZYA makai ten pawlpi thum ah Hun kingen in Sisan gospel ci in Sisan hopna tawh cina dongtuak te huh huai zia genna kinei hi. Pawlpi thum te ahih leh Bethel ZBC, Phualpi AG leh Berean EBC te hi in Sisan hopna tawh mipih dongtuak si kisam cina te huh na apia khia nuam mi 73 kingah khia hi. Mai kal ah zong alem bang bang in makai te pawlpi tuam tuam ah hong pai ding a, ahih hang milip pawlpi kim ah hong ki sikkim zolo ding ahih man in Sisan piakna tawh mikhat nuntakna huh nuam ing aci ih om khak leh ZYA Zum ah namin leh na omna address nong piakna ding in kong zawn phapha uh hi.
Committee aitang in,
Kam Suan Mung
Secretary
ZYA 
Kalaymyo.
 


Comments




Leave a Reply