WWW.TUNGZANGNEWS.COM

 
Dear, U Khup Khan Thang (Tai Thul) leh laisim mipih teng
Ih Zomi group nett te tung pan nong lai thukkikna kasim ciang' nang zong thutheih cih gen thamlo ih mite sungah thudottaak (Experience) aneih mahmah khat nahih manin, zahtakna kong pia masa hi. Nong laithuk tung tangah, Col. Khen Za Moong in Tedim gam ading asepna ahanciamna pawl khat pen nang i ngaihsutna bangin, Tedim Sangpi BEHS. No.1 Golden Jubilee laibu pan a (Source) kangah kha nahi hetlo hi. Nagen mah bangin tua sangpi kum50 cin aa, Col. Khen Za Moong thu aki ciamteh na bang lian mah in adang mun tuam khat pan zong asep khiatna teng mun thupi nih pan ana kigenna kibang cih ciang' " Meimalo ah tho tulo" nakici ahih teh' akicianna omlopi leh theih telna kitaang'cinglo in, laibu thupi mahmah nih kibang thei lianlo ding hi.

Tua laibu nih a thuciamteh (Record) abawl te atuam tuak ahih banah, laibu thupi te aa mikhat asepna kihello kidonglo in deihsakna/ deihkaihna bek tawh thuman thutak agenden aa, asih dong anuntakpi sawm ih Pu Col. Khen Za Moong in zong ama kidonglo ama kihelna omlopi in atheilo kineih in tu dong koih in kaum kei hi. Na theihsak zawhlo ihmuhna leh apiang thu kibanglo aa tunglam pan thupiakna tawh ani akha kibanglo leh thu kawng kihei aa nang theihna tawh aki lehbul nahang' nang theihsakna sungah akihello ama nasep lam natheisaklo, ama min tawh ana kivawh apai thu zong hi kha theih in um ingh.

Nang zong bel nalai kasim ciang' tua projet tengah asem abawl pawl nahih manin, nang i theih teng bel kician simtham (Practical) veve mah hi. Nagen thu khat Col. Khen Za Moong PA ahi man apupa thupiak leh akhutzat ding aa aneih mivom, mikang akua mapeuh in asep pen Col. Pu sep mah ihci sak ding hizawlo ahiam? Tua banah Tedim Luatlatgyi Kyauhtai ( Independence Monument) zong bel ama mah vaihawmna mah hizel ei.

Nagen pawl khat Col. Pu seplopi nang theihna dan manzaw ahiphial leh zong Kawlgam level, Zogam uk level khat in ama khua leh tui innkuan sung vai teng, vai sahpi aneih den kawmkaal ah tu aa Zogam leh amipihte ading aman sem kha teitei manlai ahih manin, pahtawi huai pente sungah akihelzo veve mipil leh aminampihte ait banah, vang aneihsak/ apia cih thu pen kua mah in nial theihzo tuan kei in um ingh.

Kham Khan Suan (Artist Kyaw Kyaw Oo)
 

A nuai aa lai kigelh teng lawmte pawl khat in ka personal ID pan aa, hong kikhak te ahi hi.

"Colonel KZMoong vang' tawh Tedim World Vision zong hong piangkhia hi veve hi ei. Tedim World Vision bangin Tedim gam a dingin kum 1 in Thein 1000 tampi mah a kizek den in za ingh. World Vision bang ka theih khialh keileh 2005 pan Tedim ah nasep hong kipanin thei veng aw...Tuazong thupi mahmah sa ingh." Rev. Go Van Mung
 "Tedim ong pai lai in  tai kua gate a kawl te siah maw taw akhon lak na chin state pai khem peuh lasak non lo in gate hong in a dal na ciang teng sat tan sak hi. A dang ei theih ding ki sam khol lo te ong thei sak lo a ong pan pih na tam pi om  hi a ma hun lai in Chin state sung ah Haka Falam a ki pan minam khem peuh sung ah Tedim mi te niam pen lo zawng pen lo hai pen lo hi a sep tam mah mah ding hi ei " Pu Thang Lian Hang

Pu Khen Za Mung pen,Ei Teddim gamsung'ah Mipil leh Zalian Mi masa khat ana hih bek tham loh'in,Mipil taktak leh Thukhual Minam a IT mahmah khat ahih na,Kei mahmah in ka namuhna  ong gen nuam ingh.

1.Tonzaang Khua Kadang Tualpi aa,kibawl (Chin National Day),Pawipi ah Pu Khen Za Mung in,Colonel,Dr.Lha Han(Piniazi leh Kyanmazi Vuanzi) pa hong tonhpih in,Tonzaang Khua ah,ZATO PI leh TAN SAWM SANGPI neihtheih nading hong gen
sak ahih man'in,ZATO PI leh TANSAWN SANG hong ngah sak hi.Tua hun laitak in Tonzaang ah om in sang kakah lai tak ahih man'in,kacian theih mahmah THU ahihi.
( Mit tawh kamuh leh kateih na'ah,Colonel Dr.Lha Han in,Colonel Pu Khen Za Mung pen IT leh ZAHTAK mahmah ahih ma'nh,
  MINAM ITNA tawh Tonzaang Khua ading agen THU te Piniazi leh Kyanmazi Vuanzi asem ahi ColonelDr.Lha Han in hong
  pia pah ana hizaw hi ci-in kana muhi.)

2.1973 Kum in,Pathein Myo Gal Kap te Khuapi(Tawngpaw Tatmyo) ah,Tan(10) kakah laitak in,Colonel Pu Khen Za Mung pen
   NAH TAHKHAH(South West Command)ah,DUH TAIMUU asep laitak hi-in,ZOMI Gal Kap te leh Innkuan te in,kiphat tuam 
   lawh mahmah hi cih kana muh leh katuahkhak thu ana hileuleu hi.
(Pu Khen Za Mung mahmah in a thei kha laidiam?Sgt.Pa Thawng(B.E.M.E Tat) tawh,a Inn ah hawh'in,i mite ading ham satna huhna kingen ngei in,hong en khial lo'in hong panpih denhi cih kana thei hi.)

3.Pu Khen Za Mung pen a Kum a tam hang'in,Lai simden mikhat hi-in,Thu a mawk gen phengziau ziau mi hilo hi cihpen kana
   muh leh kana tel mahmah mikhat ahihi.
   1994 Kum in,MIT Sangpanh Sia Cin Khan Pau (Muizawl) tawh,Innya Lane a Inn uh'ah,Nihvei kava hawh uh aa,Tonzaang
   Myonee thu tawh kisai kaki holim uh hi.THU khatpeuh agen ciang'in,Refrence neilo pi-in,THU HAIGEN hetlo hi ci'n kana 
    muhi. A Laibu Saal ah Laibu tampi tak neih'in,Laisim natawh hun azangh Etteh ahuai Mi masa/Lui Makai kician mahmah 
    khat in kana muhi. Rev. Kham Za Nang (Man Tuang)

A dang hong kikhak tampi omlai, ahih hang' khawl bawl phot ni

Kham Suan (Bawinu pa)
 


Comments




Leave a Reply