WWW.TUNGZANGNEWS.COM

 
Pu Thang Khawm Pau (leitung thuthang) panpih nading zaksakna

Leitung gamtuamtuam aom Zomi te thutheihna akhantoh nading in nisim in deihsakna lianpi tawh leitung thuthang tuamtuam hong khahkhiaden ahi Pu



Thang Khawm Pau in ama hamsatna kiciantak in hong pulak khinzo hi. Hong zomlai peuhmah in ci’n ih kamtawh tha ihpiak kawmkawm in, hong zopsuakzawh nading akisam vanzat tezong ngaihsut sakleng hoihding hi. Banghanghiam cihleh amahpen amawk khawlnuam hilo a, vanzat kicinglo ahihman hizaw hi.

“MacBook kalkhat $40 tatawh kakawm hi in, tu’n kawmzo nawnlo hing. MacBook athak $1500 man kiim khat leizawhnang kahanciam laitak hi in, hong huhzo omlehbel ki lungdam vencin maw. Ahizong kei le kei in nahanciam kawmkawm ning ei. Zombel zomnuam mahmah ingh.”

Hih atung a bangin ama kiangpan in lai hong thukkik ahih manin, ama kisap MacBook leisawmna ah atawm atam cilo in ihki helzawh nading kongzawn uhhi.

Nasep nading avan omlopi in, kamsiam tawh tha ihpiakgawp hang leitung thuthang hongsuak khiazo nawnlo dinghi. Asep thaman, atawl thaman cihte hongngen hisamlo a, a nasepna vanzat kisam hong pulak ahihi.

Tua hi a, Pu Thang Khawm Pau Zomi panpih nading in atawm atam cilo in akihelnuam khempeuh September khasung Fundraising ki bawlsakding a, aki ngah bangbang ahunhun in hongki tangko totoding hi.

Panpihna apianuam te’n ZomiDaily Website tung a Donate cih tungah namek lecin olno takin PayPal tawh ki piathei hi. PayPal Account azanglo te’nzong Don’t have a PayPal account? cihnuai ah Continue namek lecin Credit Card, Debit Card, Bank Account tetawh ki piathei hi. Hih Link http://goo.gl/2szsdP paninzong Direct in ki Donate theiding hi. Panpihna apiakhin peuhmah in hehpihna tawh zomidaily@gmail.comahzong Email tawh hong zasak unmaw.

 


Comments




Leave a Reply