WWW.TUNGZANGNEWS.COM

 
Picture
Dr.Do Kham Kum 1 cin Phawkna Hunbawlna

Zomite' Akaipi nng cihsak vangvang uh ahi, Pasian leh Zomi, Zogam a it
ngiat, Revd Dr Chin Do Kham' hong nusiat pen tuni'n kumkhat a cing
hong hi ziau ta hi.

Nungkumin, a munmun pan itpih dahpihna leh lainatpihna a tuamtuam i za
khin zo hi. Sum-le-paai, neih-lamh a kipan, kipawlna a tuamtuam panin
"Dahpihna lai, Dahpih Hunbawlna leh Laphuahna, Kahtamlawhna na neihte
uh limtakin ka na ciamteh uh hi.

Tutungin Yangon a om Zomi Kipaelna tuamtuam panin Dr.Kham phawlna tawh
a naupa, Sia Peter Mangpute' inn, Zikyaw, Pazuntaung ah mipih tampite
in tutpihna hun baelpih cih kiza ahih manin thipi leh angtanhuai kasa
mahmah hi.

Yangon Zomi Kipawlna tuamtuam hih a nuai a teng panin makaipi teng in
uap thei uh cih thi kiza hi.

1. GZA
2. ZCD
3. Tedim Association
4. ZOMUS
5. Zonu Tongluan
6. ZO AW
7. ZYA

A tuamin khuttawi zong a tawi pha kikkik om a, tampite' sungah,

(1) Revd Dr.Go Chin Zam (a) Zambawi, O.M in Ks.100,000/-

(2) Revd David Go Lian Suum (a) David Sum in, lengla dona niangtui
bei khempeuh.

(3) Nitak annekna peiteng khempeuh, Revd Suan Go Khai, Revd Dong
Khan Paute leh innteek Peter Mangpute kipawlin lawmvakna nei uh hi.

(4) Sia Stiven Mang in Dt.Kham phawkna La dawng nih sa hi.

(5) Tua lo a pai leengla pawlkhatte' tungpanin phawkna thugenna
tawmtek a nei zong om hi.

USA a om, Dr.Kham zi-le-tate kiangah zong meltheih lawm-le-gualteng
mapana mah tawh a va lengla zong tamsim mah om cih kiza ahih manin
ki-it kingaihna lahkhiatnate thupi kasa mahmah hi.

Tedim panin zong Dr.Thuam' thusina mah tawh BBC Sangah zong phawkna
hunbawlna nei ding cih thu kiza hi. Phawkkhak man loh mun phawlkhat ah
zong om thei kha ding ahih manin hibanga itna-ngaihnatw kilak a i bawl
nasepnate hangin ih biak Pasian in thupha hong pia ta hen! Amen.

A CIAPTWH HUAI PHADIAK DR.KHAM KAMMAL PAWLKHAT:-

1. A Gualzote Pahtahtawi-in, A Guallel Lamto ding.

2. Eimau Kipawlna hangin Midangte tawh Ki-galneih ding i hih a lwh
tua kipawlna limtakin kisit phat huai ding hi. (Hih pen a nung ka
zuihna ah a pulak mun mahmah kammal ahi hi).

3. Ka sih khit ciangin mi Minthang pa hong kicih sangin Itna neipa
hong kicih ding ka lunggulh zaw hi...etc...

NB: Nung kum a lai kakaihlhopna ah ka ngah kim zo nai loh thu in,
Dr.Do Kham' Luang tungtangah a munmun pan hunbawlnate a kusamlai
pawlkhat om tuaklai ahih manin ka na kanpha lai ding a, a phawk na om
vua leh zong nungkum a ka pulakkhak nai lohte'n hehpihna tawh. "ko
zong tuamunah hun nabawl ung" ch thu hong kipilak tam thei na om vua
leh kilungdam sm ding ahi hi. Phawkkhak'man'teng pen a kiciamtehpah
ahi hi.

Dahpihna laipuaklak ah. Revd Sian Ngilh Loh Lian, Tedim zong
kikhuanung theih a, tua leh Sia Khaibawi, USA a kici pen Australia a
na hizaw hi, cihtepawl...kam leh lai tawh a kigen kha lo nomau tumtak
a a na pua, a na thuak leh a mapang zong mi tampi mah om kha lai tham
dingin ka lamen hi. Tuate ko kong phawk khak theih kim loh uh hangin
Pasian in hong mangilh het lo ding ahi hi.

Cingsan in a lasakna ah, "Dahna Nite khat khit khat, nong gualzawhpih
hi" a cihmah bangin kumkhat hong kantanpih ih Biak Pasian leh
mipih-sapih akumapeuh tungah lungdam thu kongko uh hi.

Dt.Kham Kawlgam hong ciah sialin a nung hong kizuisak den ahih manin
kuama theihpih loh takin apua-na pawl hi dingin ka ki-ngahsun hi.

Laigelh siampa kammal khatah, "Dahna kahna meilumpite kai mah ta se
leh tuate' tungah nitaang veve hi" a cih bangin kei-le-kei ka kihehnem
hi.

Ka Pu Kham, (DrDo Kham) hong nusiat kmkhat cin ni phawkna leh hong it
hong ngaihpih ahi, ka mipih ka sapih Zomi akuamapeuh tungah lungdamko
kawmin...

Peter Khampu

-- 

Peter Khampu
CMedia, Kalay

"...Na hoih sep ding cimtak kei ni, a hun a tun' ciangin a gah i at
ding hi" (Gal.6:9).
 


Comments




Leave a Reply