WWW.TUNGZANGNEWS.COM

 
KHUADO Festival
*********************

KHUADO cih kampau limlim in Zomi te kampau hi. Khuado cih kampau in leitung minam tuamtuam in aneih loh ban ah isanggam Laimi, Laizo, Khumi, in zong aneih loh kampau hi. Kawl kam in kauhthitsxa pawi cih tawh khek huai het lohi. Kawlte hong ukma, Mikangte in zong hong ukma hun I Pu ipa khang pek pan ihzat Zomi te in kumkhat sung ah ineih lian bel pawi minlawhna KHUADO ahihi.

ZOMI te neihnei festival min te.
*********************************
Zomi te neih ngei festival min te in, KHUADO, TON/TONG, ZUNUN, GAL AII, SA AII, TAANGZA AIH, SIALSAWM cih te ahihi. Kauhthitsapuai cih mintawh Ipu ipa in festival bawlngei kilkel lo hi. Hih min tawh khek sak mawkmawk ding hilo a, Kawlte pan kipan Mangvom Mangkang, Sen, India te naleng in zong hih kammal zui in KHUADO acih tektek thei sak nahihna ikisam hi. Banghiam cih leh Mivom Mikang te tawh nasem khawm ih hih man in offday nala nuam ahi a, hongpai in nacih nop leh KHUADO festival nei ding hi ung hong pai in. Khuado puai louhme laakheh ung naw' cih liapliap ding ahihi. Tuapan athupitna damdam in telpan ding hi.

Tuhun ah Aki zanglo ZOMI festival minte.
************************************************
Nidang in akizang tuhun teh akizanglo Zomi festival minlawhna te ah Gal aih, Sa aih, Zuzun, Taangza aih, Sial sunglut, cih te ahihi. TON/ TONG pen nupa kha kihualna upna lamkai nasepna hi in tuhun ah Jubilee lazo cih dan in kihei kasa hi. Kum 25, cin, Kum 50, Kum 75 cin' in Christian sung ah ki khel a, Laipian Pasian upna sung ah ahih leh kum 25 cin Pawibil Khaam, Kum 50 cin Pawi bil Khaam , Kum 75 cin Pawibil khaam cih in kilawhna om in ka mu hi.

Fesitval tawh kipawl min laih huailo hi.
**********************************************
Minamdang te in Christmas, Dewalii, Thingyan, Hari Raya, Goxifacai, Karva Chauth (Pasal lutun minam te) Muharram (Muslim te) Thaipusam (Hindi) Naadam festival ( Mongolia sakol tungtuan taikidem pawipi) Tsagaan Sar (Mongolia new year) Sikh festival cbt..in mi namdang te in mau pupa pianpih kampau zangkhia in namdang kampau kawm hetlo in leitung ah zang paisuak sak uh ahihi. Festival minlawhna te Leitung minam tuamtuam tedong ah theisak in kampau kithei khia sak thei minam pi te ahita uhhi.

Laih huailo' KHUADO
*************************
Khuado cih kampau pen Khuado hipah hi. Akhiatna zong tomgen in khuado cih phot kulhi. Kauhthitsxa puai hilohi, gongxifacai, thingyan, dewali cih te hikilkel lohi. Zomite kampau sungah Pasian hongpiak ahoih mahmah Festival min lawhna in KHUADO ahihi. Tua man in mivom mikang tawh pilna siamna akikim sitset, ei Zomi ten KHUADO kammal pen Kauhthitsxa puai cihtawh mawk khek maimai lo ding minam lian ZOMI te ihihi.

Chinyoyar Khuadopuai kicilo hi.
************************************
Zomi tezong Pasian thupha tawh mitun naciangciang pilna siamna theihna atung to te ihihi. Adiak in Kawl te theihzahzah zong atheizo pilna nei minam lian Zomi ihihi. Tua hi a, Kawlte in Pyi duang suh nih, Amyotaanih, Tatmataw nih, Maha thingyan cih te abeisa minam kee 135 te sungah athun lut mahbang in ahong tungding hun ah hih minam te in zong ZOMI KHUADO acih theih tektek nading in khangthak te in muii buntak in vikgiapgiap theihsiam pilna Pasian in Zomi sung ah hong koih khin zo hi. ***** ZOMI KHUADO**** Mangvom Mangkang, Chinna , India Kam nei khempeuh , Khuaknei khempeuh in ZOMI KHUADO cisak tading hihang. Chinyoyar khuadoupuai cisak sese kul tuan khin samlo hi.

Amau KHUADO cih minneilo ahih man in' Chin new year in laih.
***************************************************************************

Chin state sungah KHUADO min zang in kumkhen na leh anlak zawh na kician taktak sanggam ten minlawhna akipakho neilo ahih man in kum zalom 21 hun teh Chin Kumthar min vawh uh hi. Tua in Zomi KHUADO tawh kituak ahih man in KHUADO hi lel hi. Kum zalom 19 hun in adam lai putek kum 100 val mi dong un Chin Kumthar gen khia theilo ding uh puteek tampi omding ahihi. Banghiam cih leh Kumthar sang in KHUADO om cizaw ding ahihi. Tua in Zomi te in namlian ahih na Festval lawhna zong kiptak aneihna kilangsak mahmah hi.

http://www.youtube.com/watch?v=YQoBSyTyxBo






__._,_.___


 


Comments




Leave a Reply